Both 28:36 - Sơ̆p Hlabơar Nơ̆r 'Bok Kei-Dei

³⁶ Kră Yang gô puh iĕm păng pơtao mă iĕm rơih pôk kơdih, truh tơ minh adrĕch adrung mă iĕm hăm 'bok iĕm tam lah băt. Tơ noh iĕm gô kơkuh kơ lu yang nai, pơm păng 'long dah păng tơmo.

Both 28:36 Referans Kwoze

Je 16:13

Na Inh gô pơpuh klơ̆m hŭt lê̆ lu iĕm đơ̆ng char âu, mơ̆t tơ lăm minh pôm char mă lu iĕm păng 'bok yă lu iĕm ưh kơ tam biơh băt. Tơ noh lu iĕm gô jang kơ lu yang nai măng năr; na Inh ưh pă mơnat kơ lu iĕm boih.

II Pot 25:11

Nêbusarađan, yŏng wei linh pơtao rôp kon pơlei mă oei oei lăm pơlei păng lu bơngai mă hlôi kŭp kơ̆l yơ̆r ti kơ pơtao Babilôn bơih, lu bơngai hơgei hai dơ̆ng, lu sư ba pơđĭ phak tơ dêh char sư.

Both 4:28

Tơ noh lu iĕm gô kơkuh kơ rup yang pơm păng 'long păng tơmo, jơ̆ tơdrong jang tơpang ti kon bơngai pơm, ưh kơ gơh 'bôh, ưh kơ kơtơ̆ng ưh kơ gơh sa, kư̆m ưh kơ băt 'bâu.

II Ho 36:20

Lu bơngai mă oei arih klaih đơ̆ng đao gưm, đe rôp chông ba pơm bơnă tơ char Babilôn; lu sư pơm đĭch đam kơ pơtao hăm kơ lu kon sâu sư dĭng truh tơ chăl pơtao dêh Persia pơgơ̆r,

II Ho 36:6

Nebukatnessar pơtao char Babilôn tŏk blah sư, rôp chô̆ sư hăm glang kong chông ba sư tơ dêh char Babilôn.

II Ho 36:17

Kră Yang 'Bok Kei-Dei ăn pơtao bơngai Babilôn, iŏk đao gưm pơlôch lu kon tơdăm lăm anih rơgoh lu sư, ưh pă 'mêm mơnat kơ bu, tơdăm dah adruh 'lơ̆p, kră mă pă kĕ. Kră Yang 'Bok Kei-Dei jao đĭ lu sư lăm ti pơtao Babilôn.a

II Ho 33:11

Na Kră Yang ăn kơ lu yŏng linh, pơtao Asiri năm wang rôp Manase, chô̆ sư hăm tơlei glang păng tôt muh sư, na chông ba tơ dêh char Babilôn.

Both 28:64

Kră Yang gô tơraih iĕm tơrak 'brak jơ̆p kơ teh đak, đơ̆ng tôch kơ teh đak 'nâu truh tôch kơ teh đak to. Tơ noh, lu iĕm gô kơkuh kơ lu yang nai pơm hăm 'long păng tơmo yang noh iĕm hăm lu 'bok iĕm ưh kơ lah băt ôh.

Êsêkiên 20:39

Gah lu iĕm, ơ adrĕch Isơrael, Kră Yang khan thoi âu: Rim 'nu kơ lu iĕm năm kơkuh bĕ kơ rup yang! Mă-lei đơ̆ng rŏng kơ noh, lu iĕm gô mơ̆ng kiơ̆ Inh, ưh pă pơ'mê̆ kơ anăn Inh dơ̆ng hăm tơmam soi kơkuh kơ rup yang.

Nhom 4:20

Hơyuh kial dui jơhngơ̆m bơ̆n đơ̆ng muh bơ̆n, wă lu bơngai mă đei tuh đak rơmă đơ̆ng Kră Yang, thoi noh đĭ 'leh hơđong boih. Gah sư, lu bơ̆n ngăl khan lu bơ̆n kơ'nơp ala yơ̆p Sư na arih hơdai lăm lu dêh char.

Êsai 39:7

Lu kon sâu drŏ-nglo ih, lĕch đơ̆ng ih pơjing đei lu mơ'nah đe gô rôp pơm linh krĕo lăm hnam pơtao Babilôn.”

Both 29:17

Lu iĕm 'bôh lu kon pơlei lu sư kơkuh kơ rup yang lăng krưp, lu rup yang pơm hăm 'long, tơmo, hăm hu hăm maih.

II Ho 36:1

Kon pơlei tơring ei, pôk Jêhôahas, kon drŏ-nglo Jôsia pơm pơtao pơtrơp đơ̆ng 'bă sư tơ pơlei Jêrusalem.

Je 15:14

Inh gô ăn kơ lu iĕm jang kơ lu bơngai ayăt kơ iĕm, lăm dêh char mă lu iĕm ưh tam băt, yua kơ lăm tơdrong Inh hil thoi ŭnh khơ̆ng, Soh chhông sa lu iĕm.”

Je 39:1

Lăm khei mơjĭt sơnăm mă tơsĭn, chăl Sêđekia, pơm pơtao pơgơ̆r teh đak Juđa, Nebukatnessar, pơtao dêh Babilôn, hăm đĭ-đăng lu linh sư năm wang blah pơlei Jêrusalem.

Êsêkiên 11:9

Inh gô pơpuh lê̆ lu iĕm lĕch đơ̆ng pơlei âu, gô pơjao lu iĕm lăm tơpang ti lu bơngai tơmoi păng sek phak lu iĕm.

Both 4:27

Kră Yang gô pơm kơ iĕm tơklah tơklang jơ̆p kơ teh đak đe, oei pă tŏ sĕt đĕch mă tơ anih Kră Yang puh lu iĕm.

I Sam 12:25

Mă-lei tơdah lu iĕm hrăn oei pơm kơnê̆ ling-lang, lei lu iĕm păng pơtao lu iĕm tơpă gô hiong răm.

II Pot 25:21

Pơtao đe Babilôn teh pơlôch lu đe noh tơ lăm Pơlei Riblah, lăm dêh Hamat. Noh đe rôp ba lu bơngai Juđa pơm bơnă tơ 'nguaih kơ dêh char sư.

Je 9:15

Thoi noh Kră Yang Tih Hloh 'Bok Kei-Dei lu bơngai Isơrael khan: “'Nâu Inh gô 'me rong kon pơlei 'nâu hăm 'long tăng păng ăn kơ lu sư nhă đak hơkăm bơnhŭl.

Nhom 2:9

Lu 'măng jang tơkơ̆l đĭ tơ teh păng gơ̆ lê̆ chơkăl sư; Pơtao hăm lu kră pơlei oei hơdai hăm lu kon pơlei, Jing anih ưh pă đei khôi juăt! Lu 'bok khan lê̆ adrol ưh pă đei 'bôh păng pă đei kơtơ̆ng boih nơ̆r Kră Yang.