Both 26:5 - Sơ̆p Hlabơar Nơ̆r 'Bok Kei-Dei

⁵ Đơ̆ng noh, lu iĕm roi 'bơ̆t anăp Kră Yang 'Bok Kei-Dei lu iĕm: 'Bă inh bơngai Aram thông mang, kơplah năm jur tơ dêh Êyiptơ oei tơ noh tŏ sĕt bơngai đĕch, mă-lei dang ei jing minh adrĕch adrung tih, pran păng lơ kơdrâ̆m.

Both 26:5 Referans Kwoze

Both 10:22

Kơplah 'bok lu iĕm jur tơ dêh Êyiptơ, đei lăp tơpơh-jĭt 'nu đĕch; mă dang ei, Kră Yang 'Bok Kei-Dei ăn kơ iĕm lơ thoi sơnglŏng tơ kơpal plĕnh ti.

Bl 46:27

Kon Jôsep mă đei pơjing tơ lăm dêh Êyiptơ đei 'bar 'nu, thoi lu bơngai lăm hnam dơnŏ Jakôp jur oei tơ Êyiptơ jô̆ đĭ-đăng đei tơpơh-jĭt 'nu.

Bl 31:20

Jakôp hơlĕnh kơ La'ban, yua kơ ưh kơ roi, sư wă kơdâu klĕnh.

Bl 45:11

Tơ noh inh gô wei-lăng 'bă, yua kơ oei pơđăm sơnăm pơngot rơwĕt hli kơnh 'bă, hnam dơnŏ 'bă păng đĭ-đăng mŭk tơmam gô hiong hiach.

Bl 45:7

Kră Yang 'Bok Kei-Dei wơh inh năm tơ âu adrol, wă kơ lu iĕm oei đei ioi adrĕch kơpal teh âu, wă gơnang kơ minh tơdrong pơklaih tih wă oei bơwei tơdrong arih ăn kơ 'nhŏng oh.

Bl 43:12

Athei chĕp ba jên hloh 'bar wơ̆t kơ lu adrol ki, wă pơdrâu kơ sư đơ̆ng sư tah pơdrâu lăm 'bơ̆r 'bi lu iĕm ki. Băt sư hiơt kơlĕ.

Bl 31:24

Mă-lei lăm măng sư tep apo, Kră Yang 'Bok Kei-Dei khan kơ La'ban bơngai Aram thoi âu: Mă 'lơ̆ng dah kơnê̆ ih wei akâu ih 'nĕ pơma kơ Jakôp hŏ?

Jang 7:15

Na Jakôp năm oei tơ dêh char Êyiptơ. Sư lôch tơ ei hloi păng đĭ-đăng kon sư lu kơdră bơ̆n kư̆m lôch tơ ei mơ̆n.

Hôsia 12:12

Jakôp kơdâu tơ char Aram, tơ noh Isơrael jang gleh wă kơ đei akăn, yua kơ wă kơ đei akăn, na sư wei triu.

Bl 25:20

Na, kơplah Isăk đei puăn-jĭt sơnăm, sư oei kơ Rê'bêka, kon adruh Bêthuel păng oh drŏ-kăn La'ban, lu sư bơngai Aram đơ̆ng char Phadan Aram.c

Bl 24:4

mă-lei ih gô wih brŏk tơ tơring inh kơdih na chă ăn kơ Isăk akăn lăm lu kôn mon adrĕch inh.”

Both 7:7

Kră Yang 'mêm kơeng păng rơih iŏk lu iĕm ưh kơ sĭ yua kơ lu iĕm bơngai lơ hloh kơ adrĕch lu đe nai ôh. Tơpă lu iĕm tŏ sĕt hloh kơ lu adrĕch lu đe nai.

Le 1:12

Mă tơpă lu bơngai Êyiptơ rai wă rôp pơgŏ pơmat lu sư, kon pơlei Isơrael rai lơ rai jơ̆p-jang kơ dêh char, lăm jơhngơ̆m lu bơngai Êyiptơ hli kơ kon pơlei Isơrael.

Le 1:7

Mă-lei kon sâu Isơrael pơjing rai lơ, rai kơdrâ̆m hlĭch chrơp tơpă, rai đunh jing mơdrŏng pran kơtang, oei 'bĕnh-'bang jơ̆p-jang kơ dêh 'noh.

Le 1:5

Đĭ-đăng adrĕch Jakôp, đei tơpơh-jĭt 'nu; Jôsep sư đei oei tơ dêh Êyiptơ.

Bl 47:27

Thoi noh, Isơrael oei tơ tơring Gôsen lăm char Êyiptơ, bơ̆jang sa tơ noh, pơjing hơ'lơ̆p rai lơ hloh.

Bl 31:40

Kơ'năr inh tŏ sa, kơmăng inh găng tơngiĕt, tep kư̆m ưh kơsŭk.

Bl 28:5

Đơ̆ng noh Isăk athei Jakôp năm, sư năm tơ char Phadan Aram, truh tơ hnam La'ban, kon drŏ-nglo Bêthuel, bơngai Aram, sư 'nâu 'nhŏng kơ Rê'bêka, mĕ Jakôp păng Êsâu.

Bl 27:41

Êsâu đei jơhngơ̆m blĕk kơ Jakôp yua kơ 'bă sư sơkat ăn pŭn hiôk kơ Jakôp, sư tơchĕng lăm jơhngơ̆m đon sư khan: Năr 'bă inh lôch wă jê̆ boih, thoi noh, na inh gô pơlôch Jakôp, oh inh.

Bl 12:2

Inh gô ăn kơ ih jing minh adrĕch adrung tih, Inh gô ăn kơ ih pŭn hiôk, đe kư̆m gô ư-ang kơ ih, păng ih gô jing tơm kơ tơdrong pŭn hiôk,

Bl 47:4

Đơ̆ng noh lu sư khan dơ̆ng: Noh boih lu nhôn oei tơ tơring mă lu nhôn đei truh boih; yua kơ dêh char Kanaan đei pơngot rơwĕt tih dêh, 'nhĕt kư̆m ưh pă đei wă ăn kơ sem dơrong sa, thoi noh, wă apinh ih ăn kơ lu đĭch đam ih âu oei jang sa tơ tơring Gôsen.

Both 1:10

Kră Yang 'Bok Kei-Dei lu iĕm ăn kơ iĕm bơngai rai lơ, năr 'nâu lu iĕm lơ thoi sơnglŏng kơpal plĕnh.

Both 26:4

Na, 'bok soi gô iŏk bai đơ̆ng ti lu iĕm, dan 'bơ̆t anăp chơnang soi Kră Yang 'Bok Kei-Dei iĕm.

Hôsia 12:13

Kră Yang yua minh 'nu 'bok khan lê̆ adrol chông anhăk Isơrael lĕch boih đơ̆ng char Êyiptơ, păng yua minh 'nu 'bok khan lê̆ adrol wei-lăng sư.