Both 26:15 - Sơ̆p Hlabơar Nơ̆r 'Bok Kei-Dei

¹⁵ Apơi kơ Kră Yang đơ̆ng anih 'lơ̆ng rơgoh Ih tơ kơpal plĕnh ti, nger lăng păng ăn tơdrong pŭn hiôk kơ lu bơngai Isơrael, Ih hăm teh đak mă Ih ăn boih kơ lu nhôn kư̆m thoi đei pơkă boih hăm 'bok yă lu nhôn sơ̆, wă khan dêh thoi đak toh thoi đak sut 'nâu.

Both 26:15 Referans Kwoze

Êsai 63:15

Apinh Kră Yang đơ̆ng kơpal plĕnh ti nger tơ ala. Lăng bĕ đơ̆ng anih 'lơ̆ng rơgoh păng ư-ang Ih oei! Jơhngơ̆m hưch hanh pran kơtang Ih tơ yơ? Jơhngơ̆m 'maih wă păng tơdrong 'mêm mơnat Kră Yang ưh pă đei dơ̆ng bơih hăm lu nhôn.

Sa 2:13

Dôm lu kon bơngai sĕch akar ngăn bĕ 'bơ̆t anăp Kră Yang; yua kơ Sư iung hơđơ̆r boih đơ̆ng anih 'lơ̆ng rơgoh Sư.”

Jang 7:49

‘Inh 'Bok Kei-Dei pơgơ̆r plĕnh păng teh, lơliơ iĕm gơh pơm ăn kơ Inh hnam oei lĕ? Inh ưh kơ kăl kơ hnam oei ôh.

Je 31:23

Kră Yang Tih Hloh 'Bok Kei-Dei bơngai Isơrael khan: “Kơplah Inh chông tơwih bơngai bơnă brŏk, lăm char Juđa păng tơ rim pơlei gô khan: ‘Ơ lu anih mă 'lơ̆ng tơpăt Kră Yang, kông rơgoh, apinh Kră Yang ăn kơ anih âu pŭn hiôk!’

I Pot 8:43

Apinh Ih đơ̆ng kơpal plĕnh anih Ih oei mơ̆ng păng tơl tơwih nơ̆r lu sư krao apinh, wă kơ đĭ-đăng bơngai jơ̆p teh đak, băt kơ anăn ih, hli yom kơ anăn Ih, lei-lăi thoi lu kon pơlei Isơrael wă kơ Ih tơbăt tơ'bôh ăn kơ lu bơngai krao apinh lăm hnam âu, đơ̆ng Inh pơm.

I Pot 8:27

Mă-lei Kră Yang, tơpă Ih wă oei tơ lăm teh âu? Mă đĭ-đăng lu plĕnh jơ̆p-jang kơpal plĕnh kư̆m tam mă mah kơ oei, pơma kơ kiơ Hnam akŭm âu đơ̆ng inh pơjing ăn kơ Ih.

Mathiơ 6:9

Iĕm athei krao khan thoi âu: ‘Ơ 'Bă lu nhôn mă oei tơ plĕnh ti, ăn anăn Ih jing ư-ang.

Êsai 61:1

Yang Bơhngol 'lơ̆ng Kră Yang oei hơdai Inh. Kră Yang rơih inh. Wă năm bơtho ăn tơdrong 'nao 'lơ̆ng kơ lu bơngai dơnuh hin, păng pơlung lu bơngai ơh sơ'ngon Sư wơh inh roi tơdrong Sư wă tơlĕch lu bơngai đe phak, kơ roi tơbăt ăn kơ lu bơngai bơnă gơh hơgei, tơbăt tơlĕch lu bơngai đe chĭt phak đơ̆ng hnam bơnă.

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Horiso 90:17

Apinh tơdrong mơnat đơ̆ng Kră Yang 'Bok Kei-Dei lu nhôn, oei hơdai lu nhôn; Apinh Ih pơm ăn mă kơjăp dôm tơdrong jang đơ̆ng ti lu nhôn. Tơpă, apinh Ih pơm ăn mă kơjăp tơdrong jang đơ̆ng ti lu nhôn pơm.

Horiso 51:18

Pơm 'lơ̆ngb bĕ kơ Siôn kiơ̆ thoi tơdrong Ih tơchĕng 'lơ̆ng. Man pơdơ̆ngc bĕ dur Anăp.

Horiso 28:9

Apinh ih dŏng pơklaih kon pơlei pơla Ih păng tuh ăn pŭn hiôk kơ tơmam Ih yua. Apinh Ih wei rong păng tơgŭm dŏng lu sư ling-lang hlŏng hloi.

Both 26:7

Kơplah noh, lu nhôn krao apinh Kră Yang 'Bok Kei-Dei 'bok yă lu nhôn, Kră Yang kơtơ̆ng păng 'bôh tơdrong pơmat lu nhôn păng tơdrong đe pơjuă pơđep lu nhôn.

Both 26:9

Chông ba lu nhôn truh tơ âu, ăn kơ lu nhôn dêh char 'nâu, dêh char đak toh păng đak sut.

Both 26:14

Lăm năr ơh kơ bơngai lôch, inh ưh kơ sa tơmam 'lơ̆ng rơgoh 'nâu; kơplah 'mê̆-'mach inh kư̆m ưh kơ hơtŭt 'bơm păng kư̆m ưh kơ yua tơmam âu yua kơ bơngai lôch; inh chu kiơ̆ nơ̆r Kră Yang 'Bok Kei-Dei inh păng pơm kiơ̆ dôm tơdrong Ih hlôi pơkă khan kơ inh.

II Ho 30:27

Lu 'bok soi păng lu bơngai Lêwi iung sơkat pŭn hiôk ăn kơ kon pơlei; nơ̆r sơkat nơ̆r lu sư krao khan kơtơ̆ng truh tơ anih rơgoh Kră Yang, truh tơ plĕnh na Kră Yang tơl tơwih ăn pŭn hiôk.

Horiso 68:5

Kră Yang 'Bok Kei-Dei oei tơ anih rơgoh. Sư jing 'Bă kơ lu mơti, Păng jing Tơ'ngla wei lu drŏ-kăn adro.

Horiso 80:14

Ơ Kră Yang 'Bok Kei-Dei Tih Hloh! Apinh Ih hơlơ̆k dơ̆ng bĕ, đơ̆ng plĕnh nger lăng tơ teh, lăng păng bơwei tơm hơmu âu,

Both 1:8

Inh jao ăn kơ iĕm dêh âu; mơ̆t păng iŏk oei bĕ, dêh mă Kră Yang đei pơkă ăn kơ lu 'bok lu iĕm Abraham, Isăk, Jakôp, hăm lu kon sâu sư.

Both 6:3

Ơ Isơrael, mơ̆ng bĕ păng pơm kiơ̆ tơdrong noh wă kơ iĕm gơh đei pŭn hiôk păng rai lơ, dêh char thoi đak toh đak sut mă Kră Yang 'Bok Kei-Dei lu 'bok iĕm đei pơkă hăm lu iĕm.

Horiso 80:15

Tơm hơmu mă đơ̆ng ti 'ma Ih pơtăm. Mă kon tơdăm Ih đei rong bơwei kơdih boih,