Both 26:10 - Sơ̆p Hlabơar Nơ̆r 'Bok Kei-Dei

¹⁰ Ơ Kră Yang! Dang ei inh chĕp pơyơ̆r dôm lu plei blŭng-a đơ̆ng teh mă Ih ăn kơ inh. Lê̆ plei 'long tơ noh 'bơ̆t anăp Kră Yang 'Bok Kei-Dei iĕm păng drap bon kơkuh Sư.

Both 26:10 Referans Kwoze

Tơdrông Tơ'bôh 22:9

Mă-lei sư khan: “Ih 'nĕ kơkuh kơ inh, yua kơ inh kư̆m đĭch đam 'Bok Kei-Dei thoi ih, thoi lu bôl buăl ih mă pơtruh nơ̆r Sư păng thoi lu bơngai mă lui kiơ̆ kơ tơdrong chih lăm sơ̆p hla bơar âu. Ih athei kơkuh kơ 'Bok Kei-Dei đĕch trŏ.”

I Kor 10:31

Na inh tơl iĕm thoi âu: Mă tôm tơdrong bơ̆n sŏng sa nhă đak, mă tôm tơdrong bơ̆n jang pơm tơdrong kiơ, bơ̆n athei băt pơư pơang anăn 'Bok Kei-Dei lăm tôm tơdrong 'noh.

Rom 2:1

Lăm lu iĕm mơ'nah jô̆ kơ đe pơm yoch, iĕm ưh kơ gơh khan kơ đe thoi noh ôh, yua kơ iĕm kư̆m hơdai pơm yoch lei-lăi. Iĕm jô̆ kơ đe pơm yoch noh dang iĕm khan kơ akâu iĕm kơdih pơm yoch.

Êsai 66:23

Kră Yang khan: “Đĭ-đăng kon bơngai gô năm kơkuh 'bơ̆t anăp Inh. Đơ̆ng Khei 'Nao Tơ'bang 'nâu truh tơ khei tơ'bang to, đơ̆ng năr Sa'bat 'nâu truh tơ năr Sa'bat nai.

Tơdrông Pơđơk 3:9

Iŏk bĕ mŭk tơmam păng 'ba hơ'bo yuă blŭng-a lăm bơyan. Kơkuh bơnê kơ Kră Yang.

Horiso 95:6

Năm bĕ, kŭp kơ̆l kơkuh kơ Sư. Hơtơ̆p kŭl-tăng drap kơkuh bĕ 'bơ̆t anăp Kră Yang, Tơ'ngla pơjing lu bơ̆n

Horiso 86:9

Đĭ-đăng lu teh đak mă Ih pơjing, gô năm kơkuh 'bơ̆t anăp Ih, ơ Kră Yang Păng hơri ư-ang kơ anăn Ih.

Horiso 22:29

Đĭ kơ lu bơngai mơdrŏng tih lăm teh đak kư̆m gô sŏng sa păng kơkuh; Đĭ-đăng lu bơngai brŏk tơ 'mui teh, gô drap kơkuh 'bơ̆t anăp Sư Păng dôm lu bơngai mă ưh kơ gơh bơwei tơdrong arih sư,

Horiso 22:27

Đơ̆ng tôch kơ teh đak gô 'blŏk păng wih tơ Kră Yang; Đĭ adrĕch adrung kon bơngai gô kơkuh 'bơ̆t anăp Sư.

I Ho 29:14

Mă-lei inh bu, păng kon pơlei inh kiơ, na mă gơh đei jơhngơ̆m pơyơ̆r thoi noh? Đĭ-đăng dôm tơmam tă kơ đơ̆ng Ih ăn ngăl păng dôm tơmam mă lu nhôn pơyơ̆r ăn kơ Ih noh tă kơ lĕch đơ̆ng ti Ih ngăl.

Both 26:17

Năr 'nâu iĕm pơkă drơ̆ng iŏk Kră Yang pơm 'Bok Kei-Dei iĕm, yak năm kiơ̆ trong Sư, wei răk khôi juăt Sư, nơ̆r tơtă păng nơ̆r đơ̆ng Sư athei, kư̆m chu kiơ̆ nơ̆r sư khan.

Both 26:4

Na, 'bok soi gô iŏk bai đơ̆ng ti lu iĕm, dan 'bơ̆t anăp chơnang soi Kră Yang 'Bok Kei-Dei iĕm.

Both 26:2

iĕm athei iŏk minh lăm mơjĭt đơ̆ng dôm plei blŭng-a mă đơ̆ng teh, lăm dêh mă Kră Yang 'Bok Kei-Dei iĕm ăn kơ lu iĕm, tah lăm minh pôm bai, năm ba tơ anih Kră Yang 'Bok Kei-Dei iĕm gô rơih, wă kơ 'măn anăn Sư tơ noh.

Both 18:4

Iĕm kư̆m gô asong ăn kơ lu sư tơmam soi phe 'ba hle, sik hơmu, đak rơmă 'long ôliwơ mă iĕm yuă blŭng-a lăm bơyan păng sŏk lu kon triu yuă blŭng-a.

Le 22:29

Ih 'nĕ kơ pơhiơ̆ pơyơ̆r kơ Inh dôm lu plei blŭng-a ih đơ̆ng mir chŭn păng sik hơmu ih, ih kư̆m athei pơyơ̆r ăn kơ Inh kon kơdră drŏ-nglo ih.

Le 23:19

Dôm lu plei bơyan blŭng-a đơ̆ng teh, athei năm ba tơ hnam Kră Yang 'Bok Kei-Dei iĕm, iĕm 'nĕ kơ pai hơbĭ bơbe triu kon lăm đak toh mĕ sư.

Both 8:18

Iĕm athei 'blŏk kơ Kră Yang 'Bok Kei-Dei iĕm, noh jơ̆ đơ̆ng Sư ăn kơ iĕm jing mơdrŏng; wă pơsĭt tơdrong pơgơ̆p Sư pơkă pơkăm hăm 'bok iĕm sơ̆.

Tơdrông Pơđơk 10:22

Pŭn hiôk đơ̆ng Kră Yang ba ăn mơdrŏng; Sư ưh kơ đei thim tơdrong sơ'ngon ôh.