Both 24:19 - Sơ̆p Hlabơar Nơ̆r 'Bok Kei-Dei

¹⁹ Kơplah iĕm yuă 'ba tơ mir chŭn, na hiơt minh hơchô̆ 'ba oei tơ noh, 'nĕ pă năm wơ̆t iŏk dơ̆ng hơchô̆ 'ba noh lê̆ kơ lu bơngai tơmoi, lu bơngai mơti păng lu yă adro, wă kơ Kră Yang 'Bok Kei-Dei iĕm ăn pŭn hiôk kơ iĕm lăm dôm tơdrong jang đơ̆ng iĕm pơm.

Both 24:19 Referans Kwoze

Lêwi 23:22

Tơdah kĕch yuă 'ba lăm tơring iĕm, 'nĕ kơ yuă kĕch truh tơ mum jih kơ mir păng kư̆m 'nĕ kơ dônh lu 'ba mă huŏng. Athei 'măn lu 'ba noh kơ lu bơngai dơnuh hin păng lu bơngai tơmoi, Inh boih Kră Yang 'Bok Kei-Dei lu iĕm.

Both 14:29

Lu bơngai Lêwi, yua kơ lu ưh kơ đei mŭk tơmam teh jang sa tơ lăm lu iĕm ôh păng lu bơngai tơmoi, lu bơngai mơti păng lu bơngai yă adro mă oei hơdai lăm pơlei iĕm, kư̆m gô năm sa phĭ mah; thoi ei Kră Yang 'Bok Kei-Dei iĕm ăn pŭn kơ dôm tơdrong jang đơ̆ng tơpang ti iĕm kơdih pơm.

Tơdrông Pơđơk 19:17

Bơngai bu băt mơnat kơ bơngai dơnuh hoh, noh thoi ăn kơ Kră Yang mơng; Kră Yang pơkă wă tơwih ăn thoi tơdrong 'lơ̆ng sư pơm.

Luka 6:38

Iĕm athei mơnat, tơgŭm đe, na 'Bok Kei-Dei kư̆m mơnat tơgŭm iĕm mơ̆n. Sư gô tơgŭm iĕm lơ tơpă kư̆m dang lĕ đe ăn đĕch kơ iĕm minh kơ'mŭng 'ba 'bĕnh blai rơkah rơkai. Iĕm tơgŭm đe dang yơ, 'Bok Kei-Dei gô tơgŭm iĕm dang noh mơ̆n.”

Êsai 32:8

Mă-lei lu bơngai 'lơ̆ng sư chă đon 'lơ̆ng, sư ling-lang jang hăm tơdrong 'lơ̆ng sư.

Horiso 112:9

Sư hơmrah asong ăn tơmam kơ lu dơnuh hin. Tơdrong tơpăt sư oei oei ling-lang. Đe gô ư-ang kơ tơdrong jei sư

Jop 42:12

Thoi noh, Kră Yang tuh tơdrong pŭn hiôk ăn kơ Jop lăm sơnăm rai kră lơ hloh kơplah 'nao iung sơ̆: Sư đei mơjĭt-puăn rơbâu tŏ triu, tơdrâu-rơbâu tŏ aseh lăk-đa, minh-rơbâu hơgrop rơmo păng minh-rơbâu aseh iĕ akăn.

Both 26:13

Đơ̆ng noh iĕm năm roi 'bơ̆t anăp Kră Yang 'Bok Kei-Dei iĕm: Inh iŏk tơmam 'lơ̆ng rơgoh đơ̆ng hnam inh, na asong ăn kơ lu bơngai Lêwi, bơngai tơmoi, bơngai mơti păng yă adro, pơm kiơ̆ dôm tơdrong Kră Yang tơtă; inh ưh kơ pơm glăi kư̆m ưh kơ hiơt nơ̆r tơtă ayơ đơ̆ng ih athei.

Ru 2:16

Hroch iŏk bĕ minh 'bar hơie pră lê̆ wă kơ sư dônh păng 'nĕ kơ chrih kơ sư!

Both 15:10

Iĕm athei ăn kơ đe tŏk iŏk mă hơlăng, 'nĕ ăn hăm jơhngơ̆m ưh kơ hiôk; thoi ei Kră Yang 'Bok Kei-Dei iĕm gô ăn pŭn hiôk lăm dôm tơdrong jang đơ̆ng tơpang ti pơm.

Luka 6:35

Thoi noh na iĕm athei 'mêm, pơm 'lơ̆ng kơ lu bơngai mă pơm kơnê̆ kơ iĕm. Iĕm athei ăn kơ đe mơng jên iĕm păng 'nĕ pă hơmĕng kơ jên noh. Tơ̆ng iĕm pơm thoi noh, 'Bok Kei-Dei gô apah iĕm tih tơpă păng iĕm jing kon Kră Yang Tih Hloh, yua kơ Sư kư̆m pơm 'lơ̆ng kơ lu bơngai kơnê̆ păng lu bơngai mă ưh kơ băt bơnê kơ Sư mơ̆n.

Tơdrông Pơđơk 14:21

Bơngai bu areh kơ rông 'bôt sư noh bơngai yoch; Mă-lei pŭn hiôk dêh kơ bơngai bu băt mơnat kơ bơngai dơnuh hin.

Both 24:18

Athei 'blŏk kơ lu iĕm đêl hlôi pơm đĭch tơ dêh Êyiptơ păng Kră Yang 'Bok Kei-Dei iĕm dŏng pơklaih iĕm lĕch đơ̆ng anih noh. Noh na inh bơtho pơkă tơtă ăn kơ lu iĕm.

Ru 2:2

Rut bơngai drŏ-kăn Môap khan kơ Naômi thoi âu: Apinh ih ăn kơ inh năm tơ mir wă kơ inh chă mok 'ba kiơ̆ đơ̆ng rŏng bu mă đei jơhngơ̆m mơnat kơ inh, na inh chă mok măi 'ba. Naômi drơ̆ng sư: Ơ mŏ, năm bĕ.