Both 20:14 - Sơ̆p Hlabơar Nơ̆r 'Bok Kei-Dei

¹⁴ Na iĕm athei rôp iŏk đĭ, lu bơngai drŏ-kăn, lu hơ'lơ̆p, sem dơrong păng đĭ-đăng dôm tơmam kiơ lăm pơlei, noh tơmam blah tơgar iŏk, iĕm gô iŏk yua dôm tơmam đêl blah tơgar iŏk mă Kră Yang ăn boih kơ iĕm.

Both 20:14 Referans Kwoze

Jôsuê 8:2

Ih blah pơm bĕ kơ pơlei Ahi, hăm pơtao, sư thoi ih pơm boih kơ pơlei Jêrikô păng pơtao sư, pha 'biơ̆ minh tơdrong, lu iĕm gơh iŏk yua kơdih sem dơrong lu sư, hăm dôm tơmam iĕm blah iŏk. Răp bĕ tơ gah rŏng kơ pơlei.

Jôsuê 22:8

păng khan: “Lu iĕm wih brŏk tơ anih kơdih đei chĕp ba tơmam lơ, kon sem dơrong, hăm maih, hu, kong, bơsei păng ao, lơ tơpă athei klah asong ăn kơ 'nhŏng oh iĕm tơmam blah iŏk đơ̆ng lu ayăt kơ lu iĕm.”

Jo 31:9

Lu bơngai Isơrael rôp ba lu bơngai drŏ-kăn păng lu kon hơ'lơ̆p Madian, rôp iŏk đĭ lu sem dơrong, triu păng đĭ-đăng tơmam mŭk măk lu sư.

Rom 8:37

Mă tơdrong truh kơ bơ̆n thoi noh, bơ̆n 'nĕ kơ hli, gô jei bơ̆n tơpă yua kơ bơ̆n đei Kră Yang bơ̆n Yêsu, bơ̆n hơđơ̆ng kơ tơdrong Sư 'mêm kơ bơ̆n, hăm Sư tơgŭm bơ̆n lăm tôm tơdrong.

Horiso 68:12

“Lu pơtao lu wei linh kơdâu ôn, lu sư kơdâu ôn đĭ; Lu drŏ-kăn oei tơ lăm hnam asong băl tơmam đêl lu sư blah iŏk.

II Ho 20:25

Jêhôsaphat păng lu kon pơlei sư năm wă iŏk tơmam, 'bôh đei tơmam păng akâu bơngai lôch lơ tơpă păng đei tơmam gĭt lơ tơpă dônh iŏk mah pă kĕ đĭ; lu sư dônh mah pêng năr, yua kơ tơmam lơ tơpă.

Jôsuê 11:14

Kon pơlei Isơrael iŏk kơdih lu tơmam păng sem dơrong mă lu sư đei blah iŏk đơ̆ng lăm pơlei noh, pơlôch pơrăm đĭ lu bơngai hăm đao gưm, pă đei lê̆ minh sem dơrong oei kiơ arih.

Jo 31:18

mă-lei 'nĕ pơlôch lu bơngai drŏ-kăn mă tam mă đei 'bĭch hơdai hăm drŏ-nglo.

Jo 31:12

Lu sư chông păng chĕp ba pơđĭ bơngai dah lu mŭk tơmam mă đơ̆ng lu sư blah iŏk ăn kơ Môis păng Êlêasar, 'bok soi păng ăn kơ lu adrĕch bơngai Isơrael oei tơ kơđông tơ lăm tơmăn glă char Môap, jê̆ đak Krong Jôrđăn, tơklă pơlei Jêrikô.

Jo 31:11

kư̆m chĕp iŏk pơđĭ dôm lu mŭk tơmam mă đơ̆ng lu sư blah iŏk, mă tơmam dah bơngai.

Jo 31:15

Môis khan kơ lu sư thoi âu: Lu iĕm oei rong lu bơngai drŏ-kăn oei arih hă?

Both 20:15

Lu iĕm athei pơm thoi noh mơ̆n hăm lu pơlei mă oei ataih dêh đơ̆ng iĕm, mă ưh kơ trŏ pơlei lu adrĕch 'nâu.

Both 2:35

Lu bơ̆n plah tơgar iŏk sem dơrong păng mŭk tơmam lăm pơlei tih mă đêl blah iŏk jei bơ̆n.