Both 2:9 - Sơ̆p Hlabơar Nơ̆r 'Bok Kei-Dei

⁹ Kră Yang khan kơ inh: 'Nĕ kơ ayăt păng 'nĕ kơ tơblah hăm lu kon pơlei Môap; yua kơ Inh ưh kơ đei ăn kơ iĕm ôh dêh âu wă bơ̆jang sa, Inh ăn boih pơlei Ar kơ kon sâu Lot bơ̆jang sa.

Both 2:9 Referans Kwoze

Jo 21:15

Păng thŭng glă truh tơ Ar păng tơ'bưh 'bơm hơdral char Môap.

Jo 21:28

Yua kơ đei ŭnh lĕch đơ̆ng pơlei Hesbôn. Pla ŭnh lĕch đơ̆ng pơlei Sihôn. Ŭnh noh sa pơlei Ar lăm char Môap. Đĭ-đăng anih kơjung lu yŏng pơgơ̆r oei tơ đak Krong Arnôn.

Horiso 83:8

Asiri kư̆m mơ̆t lu sư, na tơgŭm kon sâu Lot. Sêla

Lu 11:17

Kơplah noh sơ̆ bơngai Isơrael sư kư̆m wơh lu bơngai năm tơ pơtao Eđôm, lu sư khan: Asong lu nhôn năm rok trong dêh char ih, mă-lei pơtao Eđôm ưh kơ đei ăn ôh. Lu sư kư̆m wơh bơngai năm tơ pơtao Môap, sư kư̆m ưh kơ ăn năm. Thoi noh na lu bơngai Isơrael kư̆ kơ oei 'bơ̆t pơlei Kades.

Both 2:29

Kŭm thoi kon sâu Êsâu mă oei tơ char Seir păng kon pơlei Môap mă oei tơ char Ar hlôi ăn boih kơ inh thoi noh gô dĭng mă nhôn tŏk năm hlôi kơ đak Krong Jôrđăn, wă mơ̆t tơ dêh mă Kră Yang 'Bok Kei-Dei nhôn wă ăn kơ nhôn.

Both 2:5

'Nĕ kơ đei tơblah hăm lu sư, yua kơ Inh ưh kơ ăn kơ lu iĕm char lu sư noh ôh, mă khan minh anih teh đêl tơpang jơ̆ng lu iĕm juă kư̆m ưh kơ ăn 'mơ̆i, yua kơ Inh đei ăn boih kơ Êsâu kông groi Seir âu wă kơ sư bơ̆jang sa.

Jo 22:4

Lu bơngai Môap khan kơ lu kră pơgơ̆r char Madian; Dang ei lu kon pơlei lơ noh gô sa pơđĭ dôm tơmam sa tăp dăr kơ bơ̆n thoi rơmo sa 'nhĕt lăm mir. Kơplah noh, Balak kon drŏ-nglo Sipôr pơm pơtao char Môap.

II Ho 20:10

'Nâu to lu bơngai Ammôn, kon pơlei Môap păng lu bơngai oei kơpal Kông Sêir; lu bơngai mă kơplah kon pơlei Isơrael lĕch đơ̆ng Êyiptơ Kră Yang ưh kơ ăn lu sư blah, na lu sư weh ưh kơ pơrăm đe noh ôh.

Lu 11:18

Đơ̆ng noh lu sư wơ̆t năm rok trong tơmăn glă, dăr kơ dêh Eđôm păng dêh Môap; đơ̆ng noh lu sư năm truh tơ gah hơlĕch kơ dêh char Môap, lu sư pơm anih oei pơdơh tơ gah to kơ đak Krong Arnôn. Lu sư ưh kơ mơ̆t ôh tơ lăm char Môap, yua kơ đak Krong Arnôn noh sư hơdral dêh char Môap.

Lu 11:15

Jeptha khan thoi âu: Lu bơngai Isơrael ưh kơ đei tơgar iŏk teh char Môap ôh, kư̆m ưh kơ đei tơgar iŏk dêh char Ammôn,

Êsai 15:1

Nơ̆r khan lê̆ adrol gah Môap, ô, pơlei tih Ar lăm char Môap pơchah răm lăm minh măng. Lăm minh măng pơlei Kir lăm char Môap pơchah pơchek đĭ!