Both 2:4 - Sơ̆p Hlabơar Nơ̆r 'Bok Kei-Dei

⁴ Roi bĕ kơ kon pơlei băt: Lu iĕm năm brih wă jê̆ teh đak lu 'nhŏng oh iĕm, kon sâu Êsâu, lu bơngai oei lăm char Seir, lu sư gô hli kơ lu iĕm na lu iĕm athei kơchăng bĕ.

Both 2:4 Referans Kwoze

Both 23:7

'Nĕ kơ hil areh kơ bơngai Eđôm yua kơ lu sư 'nhŏng oh iĕm, kư̆m 'nĕ kơ areh kơ bơngai Êyiptơ, yua kơ lu iĕm đêl oei lăm dêh char sư.

Le 15:15

Lu kră pơgơ̆r Eđôm hli tơrơ rŭng răng dêh. Dôm lu kră pơgơ̆r char Môap dai hli tơtơ̆; Đĭ-đăng kon pơlei lăm char Kanaan jơhngơ̆m rŭng răng đĭ.

Kôlôsê 4:5

Bơ̆n athei adrin pơm mă 'lơ̆ng pơma mă trŏ kơ lu bơngai tam mă lui, wă kơ lu sư mơ̆ng trŏ na lui kơ 'Bok Kei-Dei.

Philip 2:15

thoi noh đe anăn kon 'Bok Kei-Dei, adrin pơm 'lơ̆ng ling-lang, na huay kơ đei tơdrong yoch, mă khan iĕm oei tŏk-bŏk lu bơngai kơnê̆, lu bơngai hơlĕnh pơdăr, lu bơngai dang lĕ kơ oei lăm măng mu na lu sư gơh pơm dôm tơdrong 'noh. Gah iĕm hlôh wao tôm tơdrong boih, thoi lĕ kơ hơdah ŭnh, na iĕm athei pơchrang ăn tơdrong hơdah iĕm kơ lu sư kơplah oei tơ teh âu.

Êphêsô 5:15

Thoi noh na bơ̆n athei kơchăng oei mă hơđơ̆ng hli kơ jơhngơ̆m bơ̆n hơdai 'maih pơm yoch. Bơ̆n 'nĕ kơ pơm kư̆ kă thoi lu bơngai jih 'ma kơ bơ̆n, bơ̆n athei pơm thoi lu bơngai hơgei lu bơngai tơpăt đĕch trŏ.

Luka 12:15

Yêsu pơma dơ̆ng kơ đĭ-đăng bơngai kiơ̆ ei: “Iĕm athei kơchăng kơdih 'nĕ kơ mah hăt kơ mŭk tơmam dêh. Arih chơt hiôk ưh kơ đơ̆ng mơdrŏng ôh.”

Mathiơ 5:16

Lu iĕm athei pơchrang hơdah kơ đe tơdrong hơdah lu iĕm thoi noh mơ̆n, na đe băt kơ tơdrong iĕm pơm 'lơ̆ng, na đe bơnê hăm ư-ang kơ 'Bă bơ̆n tơ plĕnh ti.

Bl 25:23

Kră Yang khan thoi âu: “'Bar tŏ dêh char oei lăm klak ih, păng đei 'bar adrĕch kon pơlei gô đei đơ̆ng lăm klak; kon pơlei âu gô pran hloh kơ kon pơlei noh, păng bơngai 'lŏ gô yom kơ bơngai 'lơ̆p.”

Bl 36:8

Thoi noh, Êsâu đe krao Eđôm, oei tơ Sier.

Le 15:16

Tơdrong hli tơrơ dêh truh tơ lu sư; Ơ Kră Yang! Kơkŏng ti pran kơtang Ih. Lu sư jing kơmlo nhen thoi tơmo, Tơ̆p mă truh layơ kon pơlei Ih yak hlôi; Tơ̆p mă truh kon pơlei mă Ih huai iŏk boih yak hlôi đĭ.

Both 2:3

Lu iĕm năm dăr kơ dêh kông groi âu kư̆m hrăp đunh boih, na năm bĕ tơ gah yă-nơ̆m.