Both 2:29 - Sơ̆p Hlabơar Nơ̆r 'Bok Kei-Dei

²⁹ Kŭm thoi kon sâu Êsâu mă oei tơ char Seir păng kon pơlei Môap mă oei tơ char Ar hlôi ăn boih kơ inh thoi noh gô dĭng mă nhôn tŏk năm hlôi kơ đak Krong Jôrđăn, wă mơ̆t tơ dêh mă Kră Yang 'Bok Kei-Dei nhôn wă ăn kơ nhôn.

Both 2:29 Referans Kwoze

Jo 20:18

Mă-lei pơtao Eđôm khan kơ sư: Ih ưh kơ gơh yak rok trong sơlam noh, tơdah ưh kơ chu inh gô iŏk đao gưm năm găn tơblah hăm ih.

Both 25:15

Iĕm athei đei 'long kŏng trŏ păng tơpăt, wă kơ lu iĕm gơh arih sot soi jơnoi đunh tơ kơpal teh lăm dêh char Kră Yang 'Bok Kei-Dei iĕm ăn kơ iĕm.

Both 9:6

Thoi noh, iĕm athei băt; ưh kơ sĭ yua kơ đơ̆ng tơdrong 'lơ̆ng tơpăt iĕm, mă Kră Yang 'Bok Kei-Dei ăn kơ iĕm gơh iŏk teh đak 'lơ̆ng 'nâu; lu iĕm jơ̆ minh adrĕch arăng kơ̆l.

Both 5:16

Athei lui yom kơ mĕ 'bă ih, kiơ̆ thoi Kră Yang tơtă boih kơ ih wă kơ ih gơh arih sot păng đei tơdrong pŭn hiôk tơ kơpal teh âu mă Kră Yang 'Bok Kei-Dei ih ăn kơ ih.

Both 4:40

Wei răk bĕ dôm lu khôi juăt păng nơ̆r tơtă đơ̆ng Sư, tơdrong mă inh bơtho boih kơ iĕm năr 'nâu, wă kơ iĕm păng kon sâu iĕm gơh đei hiôk-hian wă kơ lu iĕm oei arih sot lăm dêh Kră Yang 'Bok Kei-Dei iĕm ăn kơ iĕm ling-lang truh ning-mônh.

Both 4:21

Na Kră Yang hil kơ inh; yua kơ lu iĕm na Sư pơkăm khan ưh kơ ăn inh tŏk hlôi kơ đak Krong Jôrđăn păng ưh kơ ăn inh mơ̆t tơ dêh 'lơ̆ng rŏ mă Kră Yang 'Bok Kei-Dei lu iĕm wă ăn kơ lu iĕm bơ̆jang sa.

Both 4:1

Ơ Isơrael! Mơ̆ng bĕ khôi juăt păng nơ̆r tơtă mă inh gô pơhrăm lu iĕm, wă kơ lu iĕm gơh đei arih păng gơh mơ̆t tơ dêh mă Kră Yang 'Bok Kei-Dei 'bok lu iĕm wă ăn kơ lu iĕm iŏk.

Both 2:9

Kră Yang khan kơ inh: 'Nĕ kơ ayăt păng 'nĕ kơ tơblah hăm lu kon pơlei Môap; yua kơ Inh ưh kơ đei ăn kơ iĕm ôh dêh âu wă bơ̆jang sa, Inh ăn boih pơlei Ar kơ kon sâu Lot bơ̆jang sa.

Le 20:12

Athei chu yom kơ mĕ 'bă ih, wă kơ ih gơh arih sot tơ kơpal teh mă Kră Yang 'Bok Kei-Dei đei ăn.

Bl 19:37

Mŏ sư tơpŭ kon drŏ-nglo, krao anăn Môap; noh boih jing 'bok kơ kon pơlei adrĕch Môap mă dĭng truh dang ei.

Both 1:8

Inh jao ăn kơ iĕm dêh âu; mơ̆t păng iŏk oei bĕ, dêh mă Kră Yang đei pơkă ăn kơ lu 'bok lu iĕm Abraham, Isăk, Jakôp, hăm lu kon sâu sư.

Both 23:5

Mă-lei Kră Yang 'Bok Kei-Dei lu iĕm ưh kơ wă mơ̆ng Balaam, na tơplih lê̆ tơdrong hiap pơtê̆ jing tơdrong sơkat pŭn hiôk ăn kơ lu iĕm, yua kơ Kră Yang 'Bok Kei-Dei lu iĕm 'mêm mơnat kơ lu iĕm.