Both 12:31 - Sơ̆p Hlabơar Nơ̆r 'Bok Kei-Dei

³¹ 'Nĕ kơ bơ̆jang kơkuh kơ Kră Yang 'Bok Kei-Dei iĕm thoi noh, yua kơ lu sư đei pơm boih dôm tơdrong kơnê̆ krưp Kră Yang areh hloh kơ noh đơ̆ng lu sư soh pơyơ̆r kon drŏ-nglo kon drŏ-kăn lu sư kơdih tơ ŭnh pơm tơmam soi 'buh arih kơ yang kơnê̆.

Both 12:31 Referans Kwoze

Je 32:35

Lu sư man pơdơ̆ng boih anih tih kơjung kơ yang Baal lăm Thŭng Ben Hinôm, wă pơyơ̆r kơ yang Mơlek lu kon drŏ-nglo kon drŏ-kăn lu sư, noh tơdrong mă Inh ưh kơ đei bơtho; Inh ưh kơ đei tơchĕng. Lu sư mă đei pơm tơdrong kơnê̆ 'mê̆-'mach thoi noh na pơm kơ adrĕch Juđa yoch.

Je 7:31

Lu sư man dơ̆ng anih kơjung tơ Tôphet, lăm Thŭng Ben Hinôm, wă 'buh pơyơ̆r kon drŏ-nglo drŏ-kăn lăm ŭnh; tơdrong noh Inh ưh kơ đei bơtho tơtă, Inh kư̆m ưh kơ tơchĕng mơ̆n tơdrong noh.

II Pot 21:2

Sư pơm kơnê̆ 'bơ̆t anăp Kră Yang, păng kơkuh tơdrong 'mê̆-'mach kiơ̆ thoi lu adrĕch adrung mă Kră Yang hlôi puh tơweh lê̆ đơ̆ng lu bơngai Isơrael.

Both 12:4

Iĕm 'nĕ kơkuh kơ Kră Yang 'Bok Kei-Dei lu iĕm kiơ̆ thoi lu adrĕch noh.

Both 9:5

Iĕm mơ̆t iŏk dêh đơ̆ng lu adrĕch âu ưh kơ sĭ yua kơ đơ̆ng tơdrong iĕm pơm 'lơ̆ng tơpăt ôh, dah kiơ̆ tơnăp ưh ôh, mă-lei yua kơ đơ̆ng tơdrong yoch kơnê̆ lu sư, na Kră Yang 'Bok Kei-Dei blah puh lê̆ lu sư đơ̆ng anăp iĕm, wă pơsĭt kơ nơ̆r sư pơkă pơkăm hăm lu 'bok iĕm Abraham, Isăk păng Jakôp.

Lêwi 18:3

Lu iĕm 'nĕ kơ pơm rok ôh tơdrong lu sư pơm tơ lăm char Êyiptơ, char mă đêl lu iĕm oei, dah tơ char Kanaan, đơ̆ng char noh mă Inh chông ba lu iĕm. Lu iĕm kư̆m 'nĕ kơ yak kiơ̆ tơdrong juăt lu sư ôh.

Le 23:2

Ih 'nĕ kơ grê kiơ̆ lu bơngai tơpôl lơ wă pơm tơdrong kơnê̆ ôh, tơdah ih wă dơ̆ng pơm kơdranh roi tơdrong kiơ, ih 'nĕ kơ druh kiơ̆ bơngai tơpôl wă 'bơ̆ lê̆ tơdrong tơpăt.

Mi 6:7

Hăm trŏ Kră Yang lăp đon rơbâu tŏ triu tơno, dah hơngan glung đak rơmă ôliwơ ưh? Hăm trŏ inh pơyơ̆r kon kơdră inh yua kơ inh pơm glăi păng plei đơ̆ng blu pôih inh yua kơ tơdrong yoch hăm bơhngol inh?

Êsêkiên 23:27

Thoi noh, Inh gô pơtôch lê̆ tơdrong ih pơm đi păng pơm pơyô kư̆ kă mă ih đei chĕp ba đơ̆ng char Êyiptơ, wă kơ ih ưh pă 'maih ngơk lăng păng ưh pă 'blŏk dơ̆ng kơ lu sư tơ char Êyiptơ.

Êsêkiên 20:31

Kơplah lu iĕm pơyơ̆r tơmam soi, pơyơ̆r kon drŏ-nglo soh hăm ŭnh, kơdih lu iĕm pơm kơnê̆ 'mê̆-'mach kơkuh kơ rup yang truh tơ dang ei? Ơ adrĕch Isơrael, Inh ưh kơ lê̆ lu iĕm krao apinh Inh. Kră Yang khan: Thoi Inh mă arih ling-lang, Inh ưh kơ ăn lu iĕm krao apinh Inh.

II Ho 36:14

Hloh kơ noh dơ̆ng, lu đei 'bok soi păng lu kon pơlei rai kiơ̆ lu tơdrong kơnê̆ 'mê̆ brư̆ thoi lu bơngai tơmoi lăm dêh char jum dăr lu sư, pơm pơ'mê̆ kơ hnam Kră Yang mă Sư đei rơih iŏk 'măn lê̆ rơgoh lăm pơlei Jêrusalem.

II Ho 33:2

Sư pơm tơdrong kơnê̆ 'bơ̆t anăp Kră Yang kiơ̆ lu tơdrong kơnê̆ krưp dêh lu kon pơlei pơla mă Kră Yang puh tơweh boih đơ̆ng anăp lu bơngai Isơrael.

Lêwi 20:2

Ih athei khan kơ kon pơlei Isơrael. Tơdah bơngai bu lăm kon pơlei Isơrael dah bơngai tơmoi oei lăm char Isơrael jao minh 'nu kon hơ'lơ̆p sư ăn kơ yang Mơlŏk, a bơngai noh đe gô pơlôch sư, kon pơlei lăm char noh gô klơ̆m pơlôch sư hăm tơmo.

Lêwi 18:21

'Nĕ kơ pơyơ̆ra kon hơ'lơ̆p ih kơ yang Mơlŏk, b 'nĕ kơ pơm 'mê̆-'mach kơ anăn Kră Yang 'Bok Kei-Dei ih, inh bơih Kră Yang.

Both 9:4

Kơplah Kră Yang 'Bok Kei-Dei, blah puh lê̆ lu sư 'bơ̆t anăp iĕm, iĕm 'nĕ kơ tơchĕng khan: Noh yua kơ đơ̆ng tơdrong 'lơ̆ng tơpăt bơ̆n na mă Kră Yang chông bơ̆n mơ̆t iŏk dêh noh mă tơpă yua kơ đơ̆ng tơdrong yoch kơnê̆ adrĕch âu, na Kră Yang blah puh lu sư đơ̆ng anăp iĕm.

Both 12:30

Na iĕm athei kơchăng bĕ đơ̆ng rŏng kơ lu sư lôch đĭ kơnh ih 'leh lăm hơđong, 'nĕ chơchă wă kơ băt yang lu sư, na khan: Lu adrĕch adrung âu bơ̆jang kơkuh kơ yang lu sư thoi yơ kih? Lu bơ̆n gô pơm kiơ̆ thoi noh.

Both 20:18

Tơdah ưh lu sư gô pơtơm iĕm rok pơm kiơ̆ dôm lu tơdrong kơnê̆ krưp mă lu sư pơm, kơkuh kơ rup yang lu sư, lu iĕm gô pơm yoch hăm Kră Yang 'Bok Kei-Dei lu iĕm.

II Pot 16:3

Mă-lei sư năm kiơ̆ trong lu pơtao đe Isơrael, sư pơyơ̆r kon drŏ-nglo sư pơm tơmam soi 'buh pơkhôi, pơm tơdrong kơnê̆ 'mê̆-'mach thoi lu adrĕch adrung nai đei pơm, mă Kră Yang 'Bok Kei-Dei puh lê̆ lu sư đơ̆ng lu bơngai Isơrael.

Horiso 106:37

Lu sư rôp kon drŏ-nglo kon drŏ-kăn lu sư. Pơm tơmam soi kơ Yang kơnê̆.

II Pot 3:27

Na sư iŏk kon tơdăm kơdră sư, bơngai mă wă pơgơ̆r pơtrơp đơ̆ng sư, pơyơ̆r sư pơm tơmam soi 'buh kơpal dur pơlei. Na đei hloi tơdrong hil mĭl tih kơ lu bơngai Isơrael, na lu sư weh jăk đơ̆ng pơtao Môap, brŏk tơ dêh lu sư kơdih.

II Pot 17:31

lu bơngai Awit pơm rup yang Niphas păng Tartak lu bơngai Sêpharwaim soh kon lu sư lăm ŭnh sơmah kơ yang Adrammelek păng yang Anamêlek, lu bơngai Sêpharwaim đei 'bar tŏ yang noh.