Both 12:18 - Sơ̆p Hlabơar Nơ̆r 'Bok Kei-Dei

¹⁸ Mă-lei iĕm, kon drŏ-nglo, kon drŏ-kăn đĭch drŏ-nglo păng đam drŏ-kăn iĕm, hăm lu bơngai Lêwi oei hơdai lăm pơlei iĕm, athei sa lu kon sem tơmam noh 'bơ̆t anăp Kră Yang 'Bok Kei-Dei iĕm, tơ anih Sư rơih; lu iĕm gô chơt hiôk 'bơ̆t anăp Kră Yang 'Bok Kei-Dei iĕm, dôm tơdrong jang đơ̆ng tơpang ti iĕm kơdih.

Both 12:18 Referans Kwoze

Both 12:7

Tơ noh 'bơ̆t anăp Kră Yang 'Bok Kei-Dei lu iĕm, chơt hiôk sŏng sa hăm hnam dơnŏ, yua kơ dôm tơdrong jang đơ̆ng tơpang ti iĕm kơdih, na đei Kră Yang 'Bok Kei-Dei lu iĕm ăn pŭn hiôk kơ iĕm.

Both 14:23

Lu iĕm gơh sa tơmam pơyơ̆r minh lăm mơjĭt noh lu phe 'ba, sik hơmu, đak rơmă, plei 'long ôliwơ păng lu kon gơgơ̆l rơmo kơdră dah triu 'bơ̆t anăp Kră Yang 'Bok Kei-Dei iĕm, lăm anih Sư gô rơih iŏk wă 'măn Anăn Sư wă kơ iĕm pơhrăm iŏk băt hli yom kơ Kră Yang 'Bok Kei-Dei iĕm ling-lang.

Both 12:5

Mă-lei lu iĕm athei chă anih ayơ lăm adrĕch Isơrael, mă Kră Yang 'Bok Kei-Dei lu iĕm gô rơih iŏk pơm anih oei păng 'măn Anăn Sư, lu iĕm akŭm kơkuh.

Galati 5:22

Mă-lei plei Yang Bơhngol 'Lơ̆ng đei: 'Mêm mơnat, chơt hiôk, hơđơ̆ng, kĕ chơ̆n, gơh tơgŭm, iơ̆m dim, tơnăp,a

I Kor 10:31

Na inh tơl iĕm thoi âu: Mă tôm tơdrong bơ̆n sŏng sa nhă đak, mă tôm tơdrong bơ̆n jang pơm tơdrong kiơ, bơ̆n athei băt pơư pơang anăn 'Bok Kei-Dei lăm tôm tơdrong 'noh.

Jang 16:34

Sư atŏk bre Pôl păng Silas tơ hnam sư, ăn tơmam sŏng sa kơ bre sư. Jơhngơ̆m sư păng hnam dơnŏ sư chơt hiôk yua kơ lui kơ 'Bok Kei-Dei boih.

Jang 2:46

Rim năr lu sư akŭm tơ hnam akŭm 'Bok Kei-Dei tơm, hăm akŭm tơ lăm hnam sư kơdih. Lu sư sŏng sa hơdai dih băl 'blŏk hơdơ̆r kơ Yêsu. Lu sư chơt hiôk tơpă.

Êsai 12:3

Lu iĕm gô chơt hiôk năm chhŏ iŏk đak đơ̆ng tu tơdrong dŏng pơklaih.

Tơdrông Pơđơk 3:17

Lu trong sư jơ̆ chơt hiôk, Păng đĭ-đăng trong sư đei hiôk-hian.

Horiso 68:3

Lu bơngai tơpăt gô 'nă hal, chơt hiôk 'bơ̆t anăp Kră Yang 'Bok Kei-Dei; Tơpă lu sư gô đei jơhngơ̆m chơt hiôk.

Horiso 32:11

Ơ lu bơngai tơpăt, chơt hiôk bĕ Păng 'nă hal bĕ lăm Kră Yang! Ơ lu bơngai đei jơhngơ̆m tơpăt, ôr jreo chơt bĕ!

Both 15:20

Rim sơnăm iĕm păng hnam dơnŏ iĕm gô 'buh sa 'bơ̆t anăp Kră Yang 'Bok Kei-Dei iĕm, tơ anih mă Sư gô rơih.

Both 12:19

Đĭ chăl arih iĕm, athei kơchăng, 'nĕ kơ hiơt hŭt lê̆ bơngai Lêwi mă đei lăm dêh noh.

I Sam 1:4

Năr Êlkana pơyơ̆r tơmam soi sư klah asong minh kơ Pênina akăn sư păng kơ rim 'nu kon drŏ-nglo, kon drŏ-kăn sư.

Bôk Bơthô 3:12

Lei na, inh băt 'bôh lăm chăl arih kon bơngai ưh kơ đei kiơ 'lơ̆ng hloh kơ hiôk chơt păng pơm 'lơ̆ng lăm đĭ chăl arih âu.

Bôk Bơthô 5:18

Inh 'bôh tơdrong mă 'lơ̆ng kơ kon bơngai noh sŏng sa păng hiôk chơt lăm tơdrong jang gleh hrat tơ ala teh mă bơ̆n đei pơm noh, đĭ khei sơnăm lăm chăl arih âu mă Kră Yang 'Bok Kei-Dei đei ăn boih, noh tơdrong mă đei 'măn lê̆ kơ bơ̆n.

Both 12:14

Mă-lei lu iĕm athei pơyơ̆r tơmam soi 'buh tơ anih mă Kră Yang gô rơih minh anih đơ̆ng lăm teh đak lăm minh adrĕch, tơ anih noh lu iĕm athei pơm dôm tơdrong mă inh đei bơtho khan.