Both 1:43 - Sơ̆p Hlabơar Nơ̆r 'Bok Kei-Dei

⁴³ Thoi noh inh đei roi dơ̆ng kơ lu iĕm, mă-lei lu iĕm ưh kơ wă mơ̆ng ôh, pơma plơ̆ kơ nơ̆r Kră Yang tơtă; lu iĕm 'bĕnh hăm tơdrong pơang, lu iĕm tơdui băl năm tŏk tơ dêh kông groi.

Both 1:43 Referans Kwoze

Jo 14:44

Mă-lei kon pơlei năm tơ anăp khŏm tŏk kơpal kông noh; gah Hom Tơdrong Pơgơ̆p Kră Yang păng Môis ưh kơ năm ôh đơ̆ng kơđông.

Jang 7:51

Êtien oei pơma kơ lu kră sek tơlang thoi âu: “Ơ lu iĕm bơngai ngĕng mă ưh kơ chu. Iĕm ling-lang kuă kơ Yang Bơhngol 'Lơ̆ng pơgơ̆r, na iĕm pơm kơnê̆ kư̆m thoi lu 'bok kơdră iĕm sơ̆ mơ̆n.

Êsai 63:10

Mă-lei lu sư oei ayăt plơ̆, păng pơm ăn kơ Yang Bơhngol 'Lơ̆ng Kră Yang sơ'ngon. Na Kră Yang jing ayăt hăm lu sư; Kră Yang kơdih tơblah hăm lu sư.

Jo 14:40

Lu kon pơlei iung đơ̆ng hrôih tŏk năm tơ kơpal kông păng khan: Lu nhôn 'nâu gô năm tŏk truh tơ char Kră Yang mă đei pơkă boih, yua kơ lu nhôn pơm yoch boih.

Jo 15:30

Mă-lei tơdah đei bơngai bu, kon pơlei Isơrael dah lu bơngai tơpŭ lăm char 'nâu, pơrơ̆ng pơm yoch, kuă kơ chu Kră Yang; bơngai noh gô tơlĕch sư đơ̆ng adrĕch kon pơlei sư kơdih,

Both 17:12

Bơngai bu, ưh kơ chu kiơ̆ kơ 'bok soi dah 'bok sek tơlang oei bơ̆jang kơ Kră Yang 'Bok Kei-Dei iĕm, bơngai noh athei pơlôch. Iĕm athei sŭt pơgoh pă đei tơdrong kơnê̆ lăm Isơrael dơ̆ng.

Both 1:26

Mă-lei lu iĕm ưh kơ wă năm ôh păng sơngah kơ nơ̆r đơ̆ng Kră Yang 'Bok Kei-Dei lu iĕm tơtă.