Both 1:15 - Sơ̆p Hlabơar Nơ̆r 'Bok Kei-Dei

¹⁵ Thoi noh inh iŏk lu bơngai wă pơm yŏng đơ̆ng adrĕch adrung lu iĕm, lu bơngai hơgei đe ang păng đêl juăt kơ đei tơdrong truh pôk sư pơm yŏng lu iĕm, wei-lăng minh-rơbâu 'nu wei minh-hrĕng 'nu wei-lăng pơđăm-jĭt 'nu, dah wei-lăng mơjĭt 'nu bơngai păng wei-lăng lăm adrĕch adrung lu iĕm.

Both 1:15 Referans Kwoze

Both 16:18

Athei pôk ăn lu 'bok sek tơlang păng yŏng pơgơ̆r lăm lu adrĕch tơ lăm lu pơlei mă Kră Yang 'Bok Kei-Dei ăn kơ iĕm; wă gô sek tơlang kon pơlei hăm tơdrong tơpăt.

Êphêsô 4:11

Na jô̆ gah tơdrong Sư asong kơ lu bơngai mă Sư 'mêm, Sư asong ăn tơdrong jang Sư, mơ'nah pơm jơ̆ng 'bang Sư, mơ'nah chă pơtruh nơ̆r Sư, mơ'nah pơm 'bok bơtho năm chă bơtho đe, mơ'nah pơm 'bok bơtho wei-lăng lu bơngai lui kơtă pơlei.

I Sam 22:7

Sôl pơma kơ lu đĭch đam sư mă oei tăp dăr kơ sư: Ơ lu adrĕch bơngai Bênjamin mơ̆ng bĕ. Hăm trŏ kơ kon Jese gô ăn đĭ kơ lu iĕm, chŭn păng lu pơgar hơmu hă? Sư gô pơk ăn kơ iĕm pơm kơ̆l rơbâu 'nu bơngai păng hrĕng 'nu bơngai hă?

I Sam 17:18

Dăm kon e chĕp mơjĭt tŏ 'bĕng đak toh âu ăn kơ lu bơngai pơgơ̆r wei-lăng rơbâu 'nu linh, năm lăng lu đe 'nhŏng e hăm oei liĕm akâu dah ưh păng e kư̆m brŏk chĕp ăn kơ 'bă minh tơdra yă kiơ gah lu sư.

I Sam 8:12

Sư gô ăn pơm yŏng kơ rơbâu 'nu linh păng pơm yŏng kơ pơđăm-jĭt 'nu, dah rôp lu sư choh chŭn sư, kĕch kơ sư 'ba, hơjơ̆m tơmam tơblah ăn kơ sư păng lu tơmam pơm gre aseh tơblah.

Jo 31:14

Môis sư hil kơ lu yŏng, wă khan lu yŏng pơgơ̆r linh lăm minh-rơbâu păng yŏng pơgơ̆r lăm minh-hrĕng 'nu linh mă 'nao brŏk đơ̆ng tơblah 'nâu.

Le 18:21

Lei na rơih iŏk bĕ lăm kon pơlei dôm bơngai drŏ-nglo gơh hơgei hlôh wao, băt hli yom kơ Kră Yang 'Bok Kei-Dei mă tơpă, areh kơ tơdrong ưh kơ trŏ, na pôk lu sư pơm bơngai wei-lăng minh-rơbâu 'nu, minh-hrĕng 'nu, kơ pơđăm-jĭt 'nu, kơ mơjĭt 'nu bơngai.

Jo 1:4

Bơngai kơdră pơgơ̆r lu adrĕch sư kơdih. Kư̆ lăm minh adrĕch athei đei minh 'nu bơ̆jang tơgŭm ih păng Arôn.

Both 1:14

Lu kon pơlei tơl thoi âu: Tơdrong ih athei ăn noh 'lơ̆ng dêh. Lu nhôn gô pơm.

Both 1:16

Kơplah ei kơnh, inh tơtă ăn kơ lu 'bok sek tơlang kơ lu iĕm; mơ̆ng bĕ tơduă 'nhŏng oh lu iĕm păng iŏk tơdrong tơpăt na sek tơlang tơdrong đei pơjah băl rim 'nu hăm lu 'nhŏng oh sư, dah hăm lu bơngai tơmoi nai mă oei hăm sư.

Le 24:1

Kră Yang khan kơ Môis thoi âu: Ih, Arôn, Nađap, Abihu păng tơpơh-jĭt 'nu lu kră wei-lăng bơngai Isơrael, iĕm athei tŏk tơ anih Kră Yang dơ̆ng tơ ataih na drap kơkuh.