Bôk Bơthô 9:3 - Sơ̆p Hlabơar Nơ̆r 'Bok Kei-Dei

³ Tơdrong mă sơ'ngon dêh lăm ala teh âu, đĭ-đăng bơngai tă kơ lei-lăi ngăl. Mă loi lu bơngai đei, jơhngơ̆m 'bĕnh kơ tơdrong kơnê̆ păng kơplah lu sư oei arih ưh kơ băt tơchĕng, kiơ̆ kơtul kơwao tuch-luch đĭ-đăng gô lôch ngăl.

Bôk Bơthô 9:3 Referans Kwoze

Je 17:9

Jơhngơ̆m kon bơngai hơlĕnh pơdăr hloh kơ đĭ-đăng, păng kơnê̆ răm tơpă; Bu kĕ băt jơhngơ̆m kon bơngai?

Bôk Bơthô 8:11

Yua kơ lu bơngai mă pơm kơnê̆ ră, đe ưh kơ đei phak hloi, lei na jơhngơ̆m kon bơngai oei 'maih pơm kơnê̆ dêh.

Bôk Bơthô 1:17

Inh kư̆m nŏng kơ hŏk wă kơ băt tơdrong hơgei păng wă kơ băt tơdrong kơtul bơlŭk; inh băt kơnăl tơdrong noh kư̆m mơ̆ng kơ kial bơbơ̆t tơ yơ, sư kiơ̆ tơ noh.

Tit 3:3

Sơ̆ bơ̆n ưh kơ băt tơpă tơdrong 'Bok Kei-Dei, na bơ̆n ưh kơ chu Sư. Bơ̆n tơchĕng akâu kơdih khan pơm trŏ, mă bơ̆n pơm ưh kơ trŏ ôh. Bơ̆n hưch hanh lơ tơdrong kư̆ kă ưh kơ băt pơm tơdrong 'lơ̆ng thoi yơ. Bơ̆n 'maih chă tơdrong tơhil păng đe. Bơ̆n 'nhĕng đe, areh kơ đe păng đe areh kơ bơ̆n mơ̆n.

II Pet 2:16

Mă-lei đei nơ̆r pơma pơgăn tơdrong sư wă pơm. Aseh iĕ sư kon sem brem mă gơh pơma nơ̆r kon bơngai, pơma khă tơdrong sư wă pơm dang lĕ kơ tơdrong bơngai wơnh.

Jang 26:24

Pôl pơma dŏng kơdih akâu truh 'bơ̆t âu boih na Phêtus pơma re kơ sư hloi: “Ơ Pôl, ih wơnh tơpă âu. Yua kơ ih hŏk lơ na ih wơnh.”

Jang 12:23

Linh jang 'lơ̆ng Kră Yang pơm hloi kơ pơtao Hêrôt đei tơdrong jĭ, kơlih kơ sư ưh kơ ư-ang kơ 'Bok Kei-Dei ôh. Sư lăp đon kơ đe ư-ang kơ sư khan yang. Na sư lôch kơ hơmơng sa.

Luka 15:17

“Thoi noh sư 'blŏk hơdơ̆r, na sư khan: ‘Lu bơngai jang kơ 'bă inh đei sŏng sa phĭ rơkah rơkai, mă-lei inh 'nâu wă lôch ngôi kơ rơwĕt.

Luka 6:11

Na lu 'bok thây păng lu bơngai Pharisi ei areh tơpă kơ Yêsu păng pơđâu chă tơdrong wă pơm kơ Yêsu.

Bôk Bơthô 12:7

Păng brŏk tơ teh bơhngol wơ̆t brŏk tơ Kră Yang 'Bok Kei-Dei tơ'ngla mă pơjing sư.

Bôk Bơthô 9:2

Tôm tơdrong đei hơgăt kơ kon bơngai lei-lăi băl ngăl: Bơngai pơm 'lơ̆ng dah bơngai pơm kơnê̆, bơngai 'lơ̆ng rơgoh dah bơngai 'mê̆-'mach, bơngai pơyơ̆r tơmam soi dah bơngai ưh kơ pơyơ̆r, bơngai 'lơ̆ng dah bơngai pơm yoch, bơngai đei nơ̆r pơkăm pơkă dah bơngai hli kơ nơ̆r pơkă, đĭ-đăng đei iŏk hơdai minh tơdrong đơ̆ng 'Bok Kei-Dei 'măn lê̆ boih.

Bôk Bơthô 7:25

Inh adrin chơchă đĭ jơhngơ̆m wă kơ băt, hơlen wă kơ 'bôh tơdrong hơgei, wă kơ gơh tơlang tôm tơdrong, inh đei 'bôh tơdrong kơnê̆ noh lĕch đơ̆ng tơdrong kơtul kơwao na jing wơnh.

Tơdrông Pơđơk 14:32

Bơngai kơnê̆ gô răm lăm tơdrong yoch sư pơm. Mă khan oei lăm anih lôch bơngai tơpăt đei anih gơnang.

Horiso 51:5

Tơpă, tơpŭ kơ inh lăm tơdrong kơnê̆, mĕ inh anăp kơ inh lăm tơdrong yoch.

Jop 15:16

Pơma kiơ kơ kon bơngai kơnê̆ yoch păng răm-'băm, Bơngai juăt kơ pơm yoch kơnê̆ thoi lu sư nhă đak 'blăng.

Bl 8:21

Kră Yang 'bâu phu păng tơchĕng khan: “Inh ưh pă hiap teh yua kơ kon bơngai dơ̆ng, yua kơ jơhngơ̆m kon bơngai yoch kơnê̆ tơpă đơ̆ng sơ̆, đơ̆ng oei 'lơ̆p.c Inh kư̆m ưh kơ wă pơrăm lu kon sem arih thoi Inh đei pơm.

Jang 26:11

Sơ̆ inh kư̆m ling-lang năm jơ̆p tơ lu hnam akŭm chă teh lu sư wă kơ lu sư achăng lê̆ gah tơdrong lui kơ Yêsu. Inh areh tơpă kơ lu sư na inh kư̆m năm tơ pơlei dêh char nai wă pơm kơnê̆ kơ lu sư.

Bl 6:5

Kră Yang 'bôh kon bơngai kơpal teh âu pơm kơnê̆ dêh păng jơhngơ̆m lu sư tơchĕng kơnê̆ ling-lang.

Bôk Bơthô 2:14

Bơngai hơgei sư đei măt hơdah trong sư yak, na bơngai kơtul bơlŭk sư yak chơjơ̆ lăm măng mu. Mă khan lei, inh kư̆m băt 'bar trong noh kư̆m gô tơdrong răm lei-lăi.

Bôk Bơthô 7:2

Năm tơ hnam đe lôch, 'lơ̆ng hloh kơ năm tơ hnam đe et sa tih; yua kơ lei bơngai arih athei 'blŏk dah đei jơ wă tơchĕng kơ tơdrong noh.

Bôk Bơthô 9:4

Kơbĭ bu gơh klaih đơ̆ng noh? Arih oei đei hơmĕng; yua kơ minh pôm kon kŏ oei arih sư hloh kơ minh pôm Dăm-brang lôch.

Je 16:12

Gah lu iĕm kư̆m yoch kơnê̆ hloh kơ lu yă 'bok lu iĕm sơ̆, yua kơ rim 'nu lu iĕm yak kiơ̆ trong jơhngơ̆m kơnê̆ păng arăng kơ̆l lu iĕm, ưh pă wă mơ̆ng nơ̆r Inh.

Je 17:10

Inh boih Kră Yang, Inh lăng 'bôh lăm jơhngơ̆m, pơlong lăng jơhngơ̆m đon tơchĕng, wă pơm tơwih kơ rim 'nu kiơ̆ thoi trong lu sư arih, kiơ̆ 'blep thoi đêl tơdrong lu sư pơm.

Jop 9:22

Đĭ-đăng bơngai lei-lăi đĕch; na inh khan, Sư pơrăm bơngai tơpăt hăm bơngai pơm kơnê̆.

Jop 21:26

Đĭ kơ 'bar tă 'bĭch hơdai lăm 'mui teh ngăl, Hrai sa 'bĕnh-'bang pơđĭ kơ 'bar.

Horiso 64:7

Mă-lei Kră Yang 'Bok Kei-Dei gô prah lu sư. 'Bôh 'băi lu sư đei rơka đơ̆ng 'brơ̆m.

Bôk Bơthô 9:11

Inh 'bôh dơ̆ng đei tơ lăm ala teh 'nâu. Bơngai kơdâu hrĕnh kư̆m ưh kơ jei sư ling-lang lăm năr kơdâu pơjei, bơngai pran kư̆m ưh kơ kĕ tơblah jei ngăl, bơngai hơgei kư̆m ưh kơ đei tơmam sa phĭ mah ngăl, bơngai hlôh wao kư̆m ưh kơ mơdrŏng ngăl, bơngai đei 'bơ̆r đon kư̆m ưh kơ đei pŭn hiôk, yua kơ jơ lăp gô truh kơ đĭ-đăng rim bơngai lei-lăi.