Bôk Bơthô 9:16 - Sơ̆p Hlabơar Nơ̆r 'Bok Kei-Dei

¹⁶ Inh khan bơngai hơgei hloh kơ tơdrong kơtang. Mă-lei tơdrong hơgei bơngai dơnuh hin đe pơjăm. Păng sư pơma ưh kơ đei bu wă mơ̆ng.

Bôk Bơthô 9:16 Referans Kwoze

Bôk Bơthô 7:19

Bơngai hơgei gơh đei jơhngơ̆m pran hloh kơ mơjĭt 'nu bơngai pơgơ̆r lăm pơlei tih.

Tơdrông Pơđơk 24:5

Bơngai gơh hơgei đei pran kơtang. Bơngai hlôh wao gô thim tơdrong pran.

Tơdrông Pơđơk 21:22

Bơngai hơgei tŏk blah pơlei tih lu bơngai nuih kơtang. Pơrăm lê̆ đĭ anih kơjăp mă lu sư gơnang.

Bôk Bơthô 9:18

Tơdrong hơgei đei pran hloh kơ đao hơlă, mă-lei lăp minh 'nu bơngai đĕch pơm glăi đĕch, sư pơrăm đĭ tơdrong 'lơ̆ng.

Tơdrông Pơđơk 10:15

Mŭk tơmam bơngai mơdrŏng jing thoi kơđông kơjăp kơ sư, Mă-lei tơdrong hiong răm kơ bơngai dơnuh hoh noh tơdrong dơnuh hin kơ lu sư.

Tơdrông Pơđơk 8:14

Tơdrong pơgơ̆r, gơh hơgei noh gah Inh. Inh đei pran kơtang.

Bôk Bơthô 7:12

Kŭm nhen thoi jên kăk, tơdrong hơgei nhen thoi ngôi pĕng akâu jăn, mă-lei tơdrong hlôh băt kơ bơngai hơgei đei yua đunh sơnăm hloh, yua kơ đơ̆ng tơdrong hơgei na gơh wei tơdrong arih lu bơ̆n.

Bôk Bơthô 10:10

Pla sung kơmŭl ưh kơ pat măt sư, gô huach hiong jơhngơ̆m lơ; mă-lei tơdrong hơgei gô tơgŭm keh đang.