Bôk Bơthô 9:15 - Sơ̆p Hlabơar Nơ̆r 'Bok Kei-Dei

¹⁵ Lăm pơlei đei minh 'nu bơngai dơnuh hin mă-lei hơgei, sư yua tơdrong hơgei sư pơklaih pơlei noh; mă-lei đơ̆ng rŏng kơ 'noh ưh kơ đei bu 'blŏk hơdơ̆r kơ bơngai dơnuh hin.

Bôk Bơthô 9:15 Referans Kwoze

Bôk Bơthô 4:13

Minh 'nu bơngai 'lơ̆p dơnuh hin, mă-lei hơgei, oei 'lơ̆ng hloh kơ pơtao kră kơtul, ưh kơ mơ̆ng nơ̆r đe bơtho tơ'bôh.

Bl 40:23

Đơ̆ng noh bơngai mă lăng pôk đak nhă kư̆m đĭ hiơt kơ Jôsep boih, pă 'blŏk kơ Jôsep dơ̆ng.

II Sam 20:22

Na, bơngai drŏ-kăn ei năm tơ'bơ̆p đĭ-đăng kon pơlei păng roi tơbăt tơdrong gơh hơgei sư. Lu sư chơ̆ng kơ̆l Seba, kon drŏ-nglo Bikri klơ̆m ăn kơ Jôap. Jôap hlôm keng hloi; na khŭl linh kơdŭn weh đơ̆ng pơlei păng tơklah lĕch, bu bu brŏk tơ hnam lu sư kơdih. Na Jôap wih brŏk dơ̆ng tơ pơlei Jêrusalem tơbăt ăn kơ pơtao.

Bôk Bơthô 2:16

Tơpă đe kư̆m ưh kơ 'blŏk kơ bơngai hơgei dah bơngai kơtul ling-lang khŏm khŏm ôh, yua kơ bơ̆n băt lăm năr hơtuch kơnh bơngai hơgei dah bơngai kơtul đe kư̆m hiơt đĭ. Ơ! Bơngai hơgei dah bơngai kơtul kư̆m lôch lei-lăi.

Tơdrông Pơđơk 21:22

Bơngai hơgei tŏk blah pơlei tih lu bơngai nuih kơtang. Pơrăm lê̆ đĭ anih kơjăp mă lu sư gơnang.

Bôk Bơthô 8:10

Inh kư̆m đei 'bôh lu bơngai pơm kơnê̆ lôch, đei kon pơlei 'bŭ hơmet pơ'lơ̆ng; yua kơ sư juăt kơ năm tơ hnam akŭm. Na lu bơngai pơm 'lơ̆ng, oei kơtă lăm pơlei tih đe 'bônh kơ hiơt, noh kư̆m jơ̆ tơdrong kơ đei.

Bôk Bơthô 7:19

Bơngai hơgei gơh đei jơhngơ̆m pran hloh kơ mơjĭt 'nu bơngai pơgơ̆r lăm pơlei tih.