Bôk Bơthô 8:12 - Sơ̆p Hlabơar Nơ̆r 'Bok Kei-Dei

¹² Yua kơ lu bơngai mă pơm kơnê̆ hơdôm hrĕng wơ̆t, kư̆m oei arih sot; lei ră inh băt lu bơngai hli yom kơ Kră Yang 'Bok Kei-Dei, sĭt gô đei tơdrong pŭn hiôk yua lu sư hli yom Kră Yang 'Bok Kei-Dei.

Bôk Bơthô 8:12 Referans Kwoze

Horiso 37:11

Mă-lei lu bơngai 'lơ̆ng tơpăt gô đei teh jang sa. Păng 'nă hal lăm tơdrong rơnŭk rơnua tih.

II Pet 2:9

Thoi noh bơ̆n băt nhên boih, 'Bok Kei-Dei băt, gơh pơklaih dôm lu bơngai kơkuh kơ Sư đơ̆ng tơdrong pơmat-tat; păng bơ̆n kư̆m băt Sư oei phak dôm lu bơngai pơm kơnê̆, truh tơ năr Sư wă sek tơlang ning-mônh.

Bôk Bơthô 7:15

Đĭ lăm chăl arih tơdrong ưh kơđei, inh hlôi 'bôh băt boih kơ đĭ-đăng tơdrong 'nâu. Đei bơngai pơm 'lơ̆ng tơpăt tă kơ lôch 'bônh; bơngai pơm kơnê̆, tă kơ lê̆ arih sot.

Bôk Bơthô 3:14

Inh 'bôh băt tôm tơdrong Kră Yang 'Bok Kei-Dei pơjing sư oei đei khŏm khŏm, kon bơngai ưh kơ gơh pơthim tơdrong kiơ păng ưh kơ gơh hơtŭch lê̆ ôh; Kră Yang 'Bok Kei-Dei pơm thoi noh, wă kơ kon bơngai hli yom kơ Sư.

Rom 9:22

Na 'Bok Kei-Dei Sư kư̆m pơm gô mơ̆ng kơ Sư wă. Tơ̆ng kiơ̆ kơ Sư ơh, athei phak lu bơngai kơnê̆ dang ei trŏ, wă kơ kon bơngai jơ̆p kơ teh đak ư-ang kơ Sư Yang mơsêh pran kơtang. Mă-lei dang ei 'Bok Kei-Dei oei ĕnh kơ tơdrong phak noh.

Luka 1:50

Sư mơnat kơ đĭ-đăng bơngai mă lui yom kơ Sư, mă đơ̆ng sơ̆ khơ̆ ning-mônh.

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.

Mathiơ 25:34

Na Inh pơm Pơtao pơgơ̆r lu sư, Inh khan kơ lu bơngai mă oei gah 'ma kơ Inh thoi âu: ‘'Bă Inh ăn kơ iĕm hiôk tơpă, năm mơ̆t oei tơ dêh Sư bĕ, Sư hơmet kơ iĕm anih đơ̆ng Sư pơjing plĕnh teh sơ̆ boih.

Bôk Bơthô 7:18

'Lơ̆ng hloh kơ ih athei 'nĕ kơ pơư kơdih akâu 'lơ̆ng tơpăt, gơh hơgei păng athei areh kơ tơdrong kơnê̆. Yua kơ bơngai bu hli yom kơ Kră Yang 'Bok Kei-Dei sư gơh weh đơ̆ng 'bar tơdrong noh.

Bôk Bơthô 5:16

'Nâu kư̆m minh tơdrong kơnê̆ dêh tơpă. Bơ̆n lĕch đơ̆ng klak mĕ thoi yơ kư̆m gô brŏk tơ teh thoi 'noh mơ̆n. Lu bơngai mă jang gleh hrat wă hiong ngôi mơ̆ng kơ kial bơbơ̆t, hăm đei lơi yua kiơ ưh?

Tơdrông Pơđơk 13:21

Tơdrong pơmat-tat druh lu bơngai yoch. Mă-lei bơngai tơpăt đei apah pŭn hiôk.

Horiso 115:13

Sư gô ăn tơdrong pŭn hiôk kơ lu đe bu mă hli yom kơ Kră Yang. Mă lu iĕ dah tih kư̆m lei-lăi.

Horiso 112:1

Halêluya! Pŭn dêh bu băt kơ hli yom kơ Kră Yang. 'Maih wă dêh kơ tơdrong juăt Sư!

Horiso 96:9

Athei hrŭk hơbĕn ao rơgoh na kơkuh kơ Kră Yang; Ơ đĭ-đăng teh đak, hli tơtey bĕ 'bơ̆t anăp Sư.

I Ho 16:30

Hli tơtơ̆ bĕ 'bơ̆t anăp Sư, ơ đĭ-đăng teh đak; Tơpă, Sư pơjing teh đak oei kơjăp, ưh kơ đei tơdrŏ tơdrĕnh.

I Pot 21:25

Tơpă, ưh kơ đei bơngai bu thoi Ahap tĕch akâu sư pơm tơdrong yoch kơnê̆ 'bơ̆t anăp Kră Yang, kiơ̆ kơ Jêsebel akăn sư pơhlŭ.

Both 12:25

'Nĕ kơ sa pham, wă kơ iĕm păng kon sâu iĕm gơh đei pŭn hiôk, yua kơ pơm 'lơ̆ng trŏ thoi Kră Yang lăp đon.

Le 1:20

Kră Yang 'Bok Kei-Dei ăn tơdrong 'lơ̆ng kơ lu yă kơ'mĭn; kon pơlei rai tŏk păng jing rai lơ kơdrâ̆m.

Both 4:40

Wei răk bĕ dôm lu khôi juăt păng nơ̆r tơtă đơ̆ng Sư, tơdrong mă inh bơtho boih kơ iĕm năr 'nâu, wă kơ iĕm păng kon sâu iĕm gơh đei hiôk-hian wă kơ lu iĕm oei arih sot lăm dêh Kră Yang 'Bok Kei-Dei iĕm ăn kơ iĕm ling-lang truh ning-mônh.

Both 12:28

Athei bơwei păng mơ̆ng răk kiơ̆ dôm tơdrong 'nâu mă inh đei bơtho pơkă kơ iĕm 'nâu, wă kơ iĕm păng kon sâu iĕm gơh đei pŭn hiôk ling-lang, yua kơ pơm dôm tơdrong 'lơ̆ng trŏ thoi noh Kră Yang 'Bok Kei-Dei lăp đon.

Horiso 128:2

Ih gô đei sa yua đơ̆ng tơdrong jang tơpang ti kơdih, ih gô đei pŭn hiôk jơnap.

Bôk Bơthô 5:7

Tơ yơ đei tơdrong apo lơ păng pơma lơ hnang, 'noh kư̆m tơdrong kơ đei; mă-lei ih athei hli yom kơ Kră Yang 'Bok Kei-Dei.

Bôk Bơthô 12:13

Ih đei mơ̆ng boih dôm tơdrong bơtho 'nâu thoi ei: Hli yom bĕ kơ Kră Yang 'Bok Kei-Dei păng wei răk pơm kiơ̆ dôm nơ̆r sư tơtă; yua kơ tơdrong đĭ-đăng kon bơngai athei pơm.

Jop 35:15

Dang ei, yua kơ Sư ưh kơ sek tơlang kiơ̆ kơ tơdrong blĕk ôh. Ưh pă đei hiơ̆k bơih mă tơdrong yoch lơ,

Tơdrông Pơđơk 28:14

Bơngai bu băt hli yom kơ Kră Yang gô đei pŭn hiôk; Bơngai bu ưh kơ chu arăng kơ̆l gô răm.

Je 44:10

Dĭng truh tơ năr 'nâu lu sư ưh kơ wă chu tơbral, ưh kơ hli yom, ưh kơ wă arih kiơ̆ khôi juăt păng tơdrong juăt Inh mă đei ăn boih kơ lu iĕm hăm lu 'bok yă lu iĕm.”