Bôk Bơthô 7:9 - Sơ̆p Hlabơar Nơ̆r 'Bok Kei-Dei

⁹ 'Nĕ hăt kơ hil, yua đơ̆ng tơdrong hơgei na gơh wei tơdrong arih kơdih akâu.

Bôk Bơthô 7:9 Referans Kwoze

Ya 1:19

Ơ lu 'nhŏng oh mă inh 'mêm kơeng, bơ̆n băt kơ thoi noh boih, na đĭ-đăng kơ bơ̆n athei adrin mơ̆ng tơdrong đe bơtho, mơ̆ng mă tơpă, 'nĕ hăt kơ pơma hil kơ đe bơtho.

Tơdrông Pơđơk 14:17

Bơngai bu 'bônh kơ blĕk pơm tơdrong kơtul kơwao. Lu bơngai hơlĕnh pơdăr đe gô areh.

Tơdrông Pơđơk 16:32

Bơngai bu hiơ̆ kơ blĕk Pran hloh kơ bơngai nuih kơtang. Bơngai bu kĕ wei jơhngơ̆m sư, 'Lơ̆ng hloh kơ bơngai mă nuih blah iŏk pơlei tih.

Markôs 6:19

Kơlih kơ Yôhan khan thoi noh na duch Hêrôđia hil kơ Yôhan, athei đe pơlôch sư, mă-lei ưh kơ gơh,

Jôna 4:9

Kră Yang 'Bok Kei-Dei khan kơ Jôna thoi âu: Ih hăm trŏ kơ hil blĕk yua kơ tơnơm hla hro 'nâu? Sư tơl: Inh blĕk 'nâu trŏ, inh blĕk trŏ kơ lôch.

II Sam 19:43

Bơngai Isơrael tơl bơngai Juđa: “Lu nhôn hăm hnam pơtao 'bơm hloh kơ lu iĕm mơjĭt wơ̆t, na gah Đawit lu nhôn jê̆ hloh kơ lu iĕm; na liơ mă lu iĕm klai kơ lu nhôn? Lu nhôn boih pơđâu adrol wă sơng pơtao brŏk dah kiơ?” Mă-lei nơ̆r pơma lu bơngai Juđa tơl; oei trăp hloh kơ nơ̆r pơma bơngai Isơrael.

II Sam 13:22

Apsalôm blĕk dêh kơ Amnôn ưh pă đei gơh pơma nơ̆r ayơ 'lơ̆ng dah kơnê̆ hăm Amnôn, yua kơ Amnôn pơ'brơh kơ Tamar, oh drŏ-kăn sư.

II Sam 13:28

Apsalôm pơkă kơ lu đĭch đam sư: “Athei kơchăng lăng kơplah Amnôn hiôk chơt wă suai kơ tơdrô, inh athei lu iĕm: Teh Amnôn, lu iĕm athei pơlôch sư hloi, ưh kơ hli kơ kiơ, noh đơ̆ng inh athei lu iĕm. Athei đei jơhngơ̆m đon mă nuih hŏ.”

Markôs 6:24

Na adruh ei lĕch năm jet mĕ sư: “Ơ mĕ, ih wă kơ inh apinh kiơ đơ̆ng 'bok pơtao?” Na mĕ sư khan: “E apinh chơ̆ng iŏk kơ̆l Yôhan bơngai mă pơm 'batem kơ đe.”

II Sam 13:32

Na Jônadap, kon drŏ-nglo Simêa, mon pơtao Đawit, pơma khan: “Apinh yŏng inh ih 'nĕ ngeh khan pơlôch đĭ lu kon pơtao boih; lăp minh 'nu Amnôn đĕch lôch; noh tơdrong Apsalôm pơrơ̆ng wă pơm đơ̆ng năr Amnôn pơ'brơh kơ Tamar, oh drŏ-kăn sư.

Bl 4:8

Đơ̆ng noh Kain pơtơm oh sưb Abel năm; kơplah măr sư oei tơ bri, na Kain plŏng bruh tơ Abel oh sư păng pơlôch hloi.

Tơdrông Pơđơk 14:29

Bu mă hiơ̆ kơ hil noh đei tơdrong hơgei tih. Mă-lei bu đei 'bônh kơ hil noh tơ'bôh tơdrong kơhlôh kơwao sư.

Bôk Bơthô 7:10

'Nĕ kơ jet: “Yua kơ kiơ chăl adrol sơ̆ 'lơ̆ng 'biơ̆ kơ chăl ahrei?” Yua kơ apinh thoi noh ưh kơ hơgei ôh.

Tơdrông Pơđơk 25:8

Tơdrong kiơ măt ih 'bôh boih, 'Nĕ kơ hăt tơbăt kơ 'bok sek tơlang. Kơnh, kon pơlei oei jê̆ ih lu sư 'bôh plơ̆ng gô pơm kơ ih mơlâu 'Nâu tuch-luch ih wă pơm liơ.

Jôna 4:3

Ơ Kră Yang, dang ei, inh krao apinh Ih iŏk lê̆ tơdrong arih inh bĕ! Yua kơ gah inh, lôch 'lơ̆ng hloh kơ arih.

Jôna 4:8

Kơplah lăp 'năr lĕch, Kră Yang 'Bok Kei-Dei ăn kial tơthu dơ̆ng gah hơlĕch păng 'năr tŏ chră tơ kơ̆l sư, na sư mah wing măt, na sư khan thoi âu: Gah inh, lôch 'lơ̆ng hloh kơ arih!