Bôk Bơthô 7:8 - Sơ̆p Hlabơar Nơ̆r 'Bok Kei-Dei

⁸ Pơkeh ming tơdrong jang 'lơ̆ng hloh kơ 'nao pơtơm pơm plơ̆ng, chơ̆n jơhngơ̆m 'lơ̆ng hloh 'bônh kơ pơang.

Bôk Bơthô 7:8 Referans Kwoze

Hêbrơ 10:36

Iĕm athei adrin ling-lang mă tơpă, na iĕm pơm trŏ thoi 'Bok Kei-Dei lăp đon, gơh iŏk dôm tơdrong Sư pơkă khan wă asong kơ bơ̆n noh.

Tơdrông Pơđơk 14:29

Bu mă hiơ̆ kơ hil noh đei tơdrong hơgei tih. Mă-lei bu đei 'bônh kơ hil noh tơ'bôh tơdrong kơhlôh kơwao sư.

I Pet 1:13

Thoi noh na iĕm athei pơgơ̆t 'biơ̆ jơhngơ̆m iĕm hăm kơchăng hli kơ pơm yoch; păng athei tơchĕng ling-lang gah tơdrong Yêsu Krist wă ăn kơ iĕm tơdrong hiôk jơnap lăm năr Sư jur kơnh păng iĕm athei lui kơ tơdrong Sư wă ăn noh.

Ya 5:11

Bơ̆n ư-ang tơpă 'bôh lu bơngai đei tơdrong gleh truh mă sư oei lui kơjăp, thoi lĕ kơ 'bok Jop sơ̆ sư đei tơdrong gleh pơmat kơ sư dang noh mă sư oei adrin lui khŏm khŏm. Na đơ̆ng rŏng bơ̆n 'bôh 'Bok Kei-Dei mơnat kơ sư, ăn kơ sư hiôk jơnap, na bơ̆n kư̆m băt kơ 'Bok Kei-Dei mơnat kơ bơ̆n thoi sư noh mơ̆n.

Ya 5:8

Na lu bơ̆n kư̆m lei-lăi athei lui mă kơjăp chang gô Kră Yang Yêsu wă jur, yua kơ Sư wă jê̆ jur tơpă boih.

Galati 5:22

Mă-lei plei Yang Bơhngol 'Lơ̆ng đei: 'Mêm mơnat, chơt hiôk, hơđơ̆ng, kĕ chơ̆n, gơh tơgŭm, iơ̆m dim, tơnăp,a

Luka 21:19

Dah iĕm adrin tơpă lei iĕm huay kơ hiong tơdrong arih ling-lang ôh.”

Tơdrông Pơđơk 16:32

Bơngai bu hiơ̆ kơ blĕk Pran hloh kơ bơngai nuih kơtang. Bơngai bu kĕ wei jơhngơ̆m sư, 'Lơ̆ng hloh kơ bơngai mă nuih blah iŏk pơlei tih.

Tơdrông Pơđơk 15:18

Bơngai 'bônh kơ blĕk jing tơhil băl. Mă-lei bơngai bu hiơ̆ kơ blĕk, pơm kơ jơhngơ̆m hil 'bônh kơ ngach.

Luka 16:25

“Mă-lei Abraham khan kơ sư: ‘Ơ dăm, ih athei 'blŏk mơ̆n kơplah ih oei arih tơ ala teh sơ̆ ih jơnap tơpă, đei tơmam lơ tơpă. Mă-lei Lasarơ ưh kơ đei kiơ păng jĭ ling-lang tăm. Dang ei sư oei tơ âu hiôk dêh, mă-lei ih oei lăm dơnâu ŭnh tŏ hang ling-lang.

Tơdrông Pơđơk 28:25

Bơngai bu đei jơhngơ̆m ham chă sơlam pơdrŭt đe tơhil băl. Mă-lei bơngai bu băt gơnang kơ Kră Yang gô phĭ jơnap.

Tơdrông Pơđơk 13:10

Tơdrong pơang lĕch tơdrong pơjah; Gah tơdrong hơgei oei lăm bơngai băt mơ̆ng đe bơtho khan.

Êphêsô 4:2

Inh wă kơ iĕm gơh găt thoi lu bơngai dim, băt 'mêm kơ bôl buăl, pơma dơnuh dih băl mă hiôk, pơlung dih băl mă 'lơ̆ng.

Bôk Bơthô 7:1

Anăn đe ư-ang 'lơ̆ng hloh kơ đak pơgang 'bâu phu mă gĭt; năr lôch 'lơ̆ng hloh kơ năr hơiơch.