Bôk Bơthô 7:29 - Sơ̆p Hlabơar Nơ̆r 'Bok Kei-Dei

²⁹ Mă-lei 'nâu mă tơdrong inh chă 'bôh: Kră Yang 'Bok Kei-Dei pơjing boih bơngai tơpăt; mă-lei kon bơngai chơchă đon kơdih tơdrong kơnê̆.”

Bôk Bơthô 7:29 Referans Kwoze

Je 4:22

“Tơpă kon pơlei Inh bơlŭk, lu sư ưh kơ băt kơ Inh. Lu sư oei 'lơ̆p nge kơhlôh, lu sư ưh kơ wao, lu sư nŏng kơ pơm kơnê̆, mă ưh kơ băt pơm minh tơdrong 'lơ̆ng.

Tit 3:3

Sơ̆ bơ̆n ưh kơ băt tơpă tơdrong 'Bok Kei-Dei, na bơ̆n ưh kơ chu Sư. Bơ̆n tơchĕng akâu kơdih khan pơm trŏ, mă bơ̆n pơm ưh kơ trŏ ôh. Bơ̆n hưch hanh lơ tơdrong kư̆ kă ưh kơ băt pơm tơdrong 'lơ̆ng thoi yơ. Bơ̆n 'maih chă tơdrong tơhil păng đe. Bơ̆n 'nhĕng đe, areh kơ đe păng đe areh kơ bơ̆n mơ̆n.

Bl 5:1

Âu boih sơ̆p hla bơar chih răk adrĕch adrung Ađam. Năr mă Kră Yang 'Bok Kei-Dei pơjing kon bơngai, Sư pơjing kon bơngai hơbŏ thoi Kră Yang 'Bok Kei-Dei.

Horiso 106:39

Lu sư jing 'mê̆ yua kơ đơ̆ng tơdrong jang kơdih lu sư. Na lu sư jing pơm đi ngôi kư̆ kă.

Horiso 106:29

Lu sư tơblĕk Kră Yang hăm tơdrong jang lu sư pơm kơnê̆. Păng jĭ lôch hơbuh truh tơ lăm lu sư,

Horiso 99:8

Ơ Kră Yang 'Bok Kei-Dei lu nhôn, Ih tơl tơwih boih nơ̆r lu sư, Ih boih Kră Yang 'Bok Kei-Dei mă đei mơnat ăn kơ lu sư, Mă-lei Ih kư̆m pơm tơwih tơdrong yoch đêl lu sư pơm.

Bôk Bơthô 8:1

Bu kiơ̆ tam lu bơngai hơgei? Bu gơh tơblang dôm tơdrong dôm tơmam? Tơdrong hơgei pơm kơ măt kon bơngai hơdah hơdong, đêl muh măt ưh kơ praih, tơplih jing praih.

Êsêkiên 28:15

Đơ̆ng năr pơjing kơ ih, trong ih yak đe ưh kơ đei wă gơh chrih dĭng tơ năr 'bôh tơdrong kơnê̆ truh tơ ih.