Bôk Bơthô 7:2 - Sơ̆p Hlabơar Nơ̆r 'Bok Kei-Dei

² Năm tơ hnam đe lôch, 'lơ̆ng hloh kơ năm tơ hnam đe et sa tih; yua kơ lei bơngai arih athei 'blŏk dah đei jơ wă tơchĕng kơ tơdrong noh.

Bôk Bơthô 7:2 Referans Kwoze

Horiso 90:12

Apinh Ih bơtho lu nhôn băt kơ jô̆ khei năr lu nhôn arih. Wă kơ lu nhôn đei jơhngơ̆m đon hơgei,

Both 32:29

Tơdah lu sư gơh hơgei, lei lu sư hlôh boih tơdrong âu păng băt tôch ning-mônh sư thoi yơ.

Hêbrơ 9:27

Kon bơngai bơ̆n lôch minh 'măng đĕch, klaih kơ noh năm tơ tơdrong sek tơlang.

Both 32:46

na sư khan kơ kon pơlei: Lăm jơhngơ̆m lu iĕm athei wei răk bĕ đĭ dôm nơ̆r inh roi ăn kơ lu iĕm lăm năr 'nâu, wă kơ lu iĕm gơh bơtho ăn kơ lu kon sâu iĕm pơm kiơ̆ dôm nơ̆r lăm khôi juăt noh.

Philip 3:19

Lu sư pơm thoi noh, ning-mônh 'Bok Kei-Dei phak pơmat lu sư dêh. Lu sư 'mêm kơ klak lu sư, rŏ kơ klak yŏng na pơm thoi noh. Lu sư chă pơang kơ đe kiơ̆ tơdrong mă đe mơlâu. Đon lu sư tơchĕng ling-lang gah tơdrong ala teh.

Mathiơ 5:4

“Pŭn dêh lu bơngai mă ơh sơ'ngon, 'Bok Kei-Dei wă pơlung lu sư.

Hagai 1:5

Thoi noh dang ei Kră Yang Tih Hloh khan thoi âu: ‘Lăng bĕ trong iĕm năm.

Êsai 47:7

Ih khan bơih: Inh gô jing pơtao drŏ-kăn ling-lang. Ih ưh kơ đei tơchĕng ih pơm kiơ dang ei păng kư̆m ưh kơ đei tơchĕng tơdrong gô truh dơning dơmônh.

Jo 23:10

Bu kĕ jô̆ 'bruih chuơh Jakôp? Bu kĕ jô̆ minh lăm puăn lu adrĕch Isơrael? Lu bơngai tơpăt lôch thoi yơ ăn kơ inh lôch thoi lu sư? Năr tôch kơ lu bơngai tơpăt thoi yơ inh hơpơi năr tôch kơ inh thoi noh!

Malachi 2:2

Tơdah lu iĕm ưh kơ mơ̆ng, tơdah iĕm ưh kơ đei răk lăm jơhngơ̆m ư-ang kơ anăn Inh,” lei Kră Yang Tih Hloh khan: “Inh gô tơjur tơdrong hiap pơtê̆ tơ kơpal lu iĕm păng Inh gô hiap pơtê̆ lu tơdrong 'lơ̆ng rŏ lu iĕm; păng Inh gô hiap boih, yua kơ lu iĕm ưh kơ đei răk lăm jơhngơ̆m iĕm.

Bôk Bơthô 2:14

Bơngai hơgei sư đei măt hơdah trong sư yak, na bơngai kơtul bơlŭk sư yak chơjơ̆ lăm măng mu. Mă khan lei, inh kư̆m băt 'bar trong noh kư̆m gô tơdrong răm lei-lăi.

Bôk Bơthô 2:16

Tơpă đe kư̆m ưh kơ 'blŏk kơ bơngai hơgei dah bơngai kơtul ling-lang khŏm khŏm ôh, yua kơ bơ̆n băt lăm năr hơtuch kơnh bơngai hơgei dah bơngai kơtul đe kư̆m hiơt đĭ. Ơ! Bơngai hơgei dah bơngai kơtul kư̆m lôch lei-lăi.

Bôk Bơthô 3:19

Yua kơ tơdrong kon bơngai đei thoi yơ, kon sem brem đei thoi noh mơ̆n; kon bơngai lôch, kon sem brem kư̆m lôch; 'bar khŭl noh tă kơ dui jơhngơ̆m ngăl, kon bơngai ưh kơ đei kiơ hloh kơ kon sem brem; đĭ-đăng tă kơ tơdrong kơđei ngăl.

Bôk Bơthô 3:20

Pơđĭ kơ bre sư gô brŏk tơ minh anih, đĭ kơ bre sư jing đơ̆ng 'mui teh, đĭ kơ bre sư kư̆m gô brŏk tơ 'mui teh.

Bôk Bơthô 6:6

Mă khan bơngai bu arih sot kră truh tơ 'bar-rơbâu sơnăm mă-lei ưh kơ đei arih hiôk chơt lăm chăl arih âu. Kŭm ưh kơ đei hiôk dang nge lôch rơngăt. Hăm trŏ kơ đĭ-đăng bơngai tă kơ wă brŏk tơ minh anih đĕch?

Bôk Bơthô 9:2

Tôm tơdrong đei hơgăt kơ kon bơngai lei-lăi băl ngăl: Bơngai pơm 'lơ̆ng dah bơngai pơm kơnê̆, bơngai 'lơ̆ng rơgoh dah bơngai 'mê̆-'mach, bơngai pơyơ̆r tơmam soi dah bơngai ưh kơ pơyơ̆r, bơngai 'lơ̆ng dah bơngai pơm yoch, bơngai đei nơ̆r pơkăm pơkă dah bơngai hli kơ nơ̆r pơkă, đĭ-đăng đei iŏk hơdai minh tơdrong đơ̆ng 'Bok Kei-Dei 'măn lê̆ boih.

Bôk Bơthô 9:3

Tơdrong mă sơ'ngon dêh lăm ala teh âu, đĭ-đăng bơngai tă kơ lei-lăi ngăl. Mă loi lu bơngai đei, jơhngơ̆m 'bĕnh kơ tơdrong kơnê̆ păng kơplah lu sư oei arih ưh kơ băt tơchĕng, kiơ̆ kơtul kơwao tuch-luch đĭ-đăng gô lôch ngăl.

Je 16:8

Ih kư̆m 'nĕ kơ et sa ngôi hơdai lu sư.”

Bôk Bơthô 9:5

Bơngai arih sư băt kơdih sư gô lôch; mă-lei bơngai lôch ưh pă băt kiơ boih, kư̆m ưh kơ đei tơmam apah bơnê kiơ mơ̆n, yua kơ đe gô hiơt ưh pă đei bu 'blŏk kơ lu sư dơ̆ng.