Bôk Bơthô 7:15 - Sơ̆p Hlabơar Nơ̆r 'Bok Kei-Dei

¹⁵ Đĭ lăm chăl arih tơdrong ưh kơđei, inh hlôi 'bôh băt boih kơ đĭ-đăng tơdrong 'nâu. Đei bơngai pơm 'lơ̆ng tơpăt tă kơ lôch 'bônh; bơngai pơm kơnê̆, tă kơ lê̆ arih sot.

Bôk Bơthô 7:15 Referans Kwoze

Bôk Bơthô 6:12

Yua kơ dôm lu năr lăm chăl arih kon bơngai ưh kơ yua kiơ păr hiong thoi yơ̆p thoi ngôi, hăm đei bu băt tơdrong kiơ 'lơ̆ng đei lơi yua kơ bơ̆n? Hăm đei bơngai bu gơh khan lê̆ adrol tơdrong kiơ wă truh kơ bơngai 'nâu, đơ̆ng rŏng kơ sư lôch?

Jang 7:52

Lu 'bok kơdră iĕm sơ̆ pơm kơnê̆ areh kơ đĭ-đăng bơngai pơtruh nơ̆r 'Bok Kei-Dei. Lu 'bok kơdră iĕm sơ̆ pơlôch lu bơngai mă pơkă lê̆ hơdrol kơ tơdrong 'Bok Krist bơngai mă 'lơ̆ng tơpăt wă truh. Na Sư truh boih mă-lei iĕm plĕch kơ Sư păng pơlôch Sư hloi.

Êsai 65:20

Tơ noh ưh pă đei bơngai hơ'lơ̆p nge lôch hrôih, kư̆m ưh kơ đei bơngai kră ayơ mă ưh kơ arih sot tôm kơ sơnăm Yua kơ lôch kơplah minh-hrĕng sơnăm noh wă khan lôch oei mơlôh păng bơngai arih đei lăp minh-hrĕng sơnăm noh lăng thoi đei hiap pơtê̆.

Bôk Bơthô 9:9

Dôm lu năr lăm chăl arih ih mă ưh kơ yua Kră Yang 'Bok Kei-Dei ăn boih kơ ih lăm ala teh 'nâu, ih athei oei sa mă hiôk chơt bĕ hăm kon akăn ih mă ih 'mêm kơeng; yua kơ noh jơ̆ tơdrong apah kơ ih đơ̆ng tơdrong gleh hrat.

Bôk Bơthô 3:16

Inh oei 'bôh dơ̆ng lăm teh đak âu. Lăm tơdrong tơpăt kư̆m đei tơdrong kơnê̆ lăm tơdrong khan tơpăt mă-lei oei đei tơdrong ưh kơ tơpăt.

Bôk Bơthô 2:23

Rim năr tơ'bơ̆p tơdrong chhŭr nuih, tơdrong jang ơh klai; mă kơmăng kơ̆l đon sư kư̆m pă đei pơdơh hiôk. Tơdrong noh kư̆m tơdrong kơ đei.

Horiso 39:6

Tơpă rim 'nu yak năm, thoi lĕ kơ yơ̆p. Sư bơ̆jang gleh lap, tơdrong kơ đei. Bơngai mă mong mŭk tơmam, mă-lei ưh kơ băt bu wă iŏk yua.

I Pot 21:13

Đơ̆ng noh ăn 'bar 'nu bơngai hơ-oei 'bơ̆t anăp Nabôt; na jâu sư 'bơ̆t anăp kon pơlei pơla khan: “Nabôt hiap Kră Yang 'Bok Kei-Dei păng hiap pơtao.” Na lu sư dui Nabôt lĕch tơ jih pơlei klơ̆m pơlôch sư păng tơmo.

Bl 47:9

Jakôp tơl thoi âu: Lăm lu sơnăm inh arih oei tơ to tơ âu đei đĭ-đăng minh-hrĕng pêng-jĭt sơnăm, lăng lăm sơnăm inh oei arih kơđeh tơpă păng pơmat-tat, ưh kơ đei hơtŏ dang 'bok 'bă inh arih mă năm tơ jơ̆p-jang.

Yo 16:2

Ning-mônh lu sư gô pơpuh iĕm đơ̆ng hnam akŭm lu sư. Ning-mônh mơ̆n lu sư khan pơlôch iĕm khan trŏ kơ 'Bok Kei-Dei wă.

Horiso 10:3

Yua kơ lu bơngai kơnê̆ pơư kơdih kơ tơdrong lu sư 'maih wă; Lu bơngai ham kơ tơmam, achăng lê̆ păng pơjăm Kră Yang.