Bôk Bơthô 6:7 - Sơ̆p Hlabơar Nơ̆r 'Bok Kei-Dei

⁷ Kon bơngai nŏng kơ adrin jang gleh hrat noh yua kơ wă 'me hơlŏng klak ao hrŭk, mă-lei jơhngơ̆m 'maih wă ưh kơ đei layơ hrăp.

Bôk Bơthô 6:7 Referans Kwoze

Yo 6:27

Iĕm 'nĕ chă tơmam sa mă jing ôm hach. Iĕm athei adrin chă tơmam sa sot, săt 'lơ̆ng ling-lang, ưh kơ đei layơ ôm hach, wă 'me iĕm arih ling-lang. Tơmam sa ei, Inh mă jur jing kon bơngai, Inh asong ăn kơ lu iĕm. 'Bă Inh 'Bok Kei-Dei pơjao ăn kơ Inh thoi noh păng Sư kư̆m tơbăt ăn kơ kon bơngai tơdrong noh ră mơ̆n.”

Tơdrông Pơđơk 16:26

Tơdrong băt pơngot pơdrŭt sư bơ̆jang. Đơ̆ng hơlŏng hrơ-hrŏk tơ'blŏk kơ chă jang sa.

Mathiơ 6:25

“Yua kơ thoi noh na Inh wă khan kơ iĕm, 'nĕ tơchĕng kơ tơmam sŏng sa, 'nĕ tơchĕng kơ hơbĕn ao hrŭk. 'Bok Kei-Dei gơh pơjing iĕm arih, Sư kư̆m băt ăn kơ iĕm tơmam sa mơ̆n, Sư kư̆m băt ăn kơ iĕm hơbĕn ao hrŭk mơ̆n.

Luka 12:19

Lăp inh pơm đang boih, inh wă khan kơ inh kơdih thoi âu: Inh đei mŭk drăm lơ wă 'măn lê̆ kơ đunh sơnăm. Inh pơdơh bĕ, sŏng sa nhă đak phĭ mah rơkah rơkai, hiôk boih inh.’

Bôk Bơthô 6:3

Dah minh 'nu bơngai pơjing đei minh-hrĕng 'nu kon hơ'lơ̆p păng sư arih sot đunh sơnăm, mă-lei lăm jơhngơ̆m sư 'nhŏ mă đei tơdrong hiôk chơt păng sư lôch ưh kơ đei bơngai 'bŭ; Inh khan kon nge rơngăt sư oei păi 'biơ̆ kơ bơngai noh 'mơ̆i.

Bôk Bơthô 5:10

Lu bơngai ham kơ jên đei jên lơ kư̆m khan ưh kơmah; lu bơngai ham kơ mŭk tơmam đei lơ dôm yơ kư̆m ưh kơ hrăp. Tơdrong noh kư̆m tơdrong kơ đei.

Bôk Bơthô 6:8

Bơngai hơgei đei yua kiơ hloh kơ bơngai kơtul bơngai dơnuh băt đei đon arih sa 'lơ̆ng hăm đei yua kiơ ưh?

Bôk Bơthô 1:8

Đĭ-đăng tôm tơmam oei oei hơnơ̆ng, 'bơ̆r kon bơngai ưh kơ gơh roi ôh; măt lăng ưh kơ bơ̆l, đon mơ̆ng ưh kơ hăl.

Bôk Bơthô 5:9

Kon pơlei juăt kơ choh jang chŭn mir, kăl kơ đei pơtao 'lơ̆ng pơgơ̆r na teh đak sư gơh đei yua tôm tơdrong.