Bôk Bơthô 4:8 - Sơ̆p Hlabơar Nơ̆r 'Bok Kei-Dei

⁸ Thoi minh 'nu bơngai hơdrô̆, ưh kơ đei kon hơ'lơ̆p kư̆m ưh kơ đei 'nhŏng oh; mă-lei nŏng kơ jang adrin gleh hrat ưh pă pơdơh, măt sư lăng tơ mŭk tơmam ưh kơ đei layơ bơ̆l hăl; sư ưh kơ lah tơchĕng khan inh jang gleh hrat, yua kơ bu ơ̆t kơ sŏng sa jơnap hrŭk hơnĭl tơpă jơ̆ tơdrong kơ đei, chăl arih hiơ̆k bơngơ̆t gleh pơmat-tat, tơdrong arih răm-'băm pă kĕ.

Bôk Bơthô 4:8 Referans Kwoze

I Yo 2:16

Dôm tơdrong chih roi tơ ala âu lĕch đơ̆ng ala teh: Tơdrong kư̆ kă jơhngơ̆m kon bơngai 'maih pơm, tơdrong kư̆ kă mơ̆n măt kon bơngai 'maih lăng, lơ tơdrong tơpă, mơ'nah đei tơmam yua wă pơang akâu sư kơdih. Dôm tơdrong noh ưh kơ lĕch đơ̆ng 'Bă bơ̆n 'Bok Kei-Dei ôh, lĕch đơ̆ng lu bơngai ala teh âu đĕch.

Tơdrông Pơđơk 27:20

Măt kon bơngai lăng ưh kơ đei layơ bơ̆l hăl. Dêh atâu păng lôch răm ưh kơ đei layơ hrăp.

Luka 12:20

Mă-lei 'Bok Kei-Dei khan kơ bơngai ei: ‘Ơ bơngai kơhlôh, măng kơnh boih Inh wă iŏk Bơhngol ih, đơ̆ng noh na ih lôch hloi măng kơnh. Mŭk tơmam ih wă ăn ngôi kơ đe iŏk đĕch.’ ”

Bôk Bơthô 1:8

Đĭ-đăng tôm tơmam oei oei hơnơ̆ng, 'bơ̆r kon bơngai ưh kơ gơh roi ôh; măt lăng ưh kơ bơ̆l, đon mơ̆ng ưh kơ hăl.

Mathiơ 11:28

“Ơ lu bơngai mă oei pŭ trăp, năm tơ Inh bĕ, lê̆ Inh tơgŭm iĕm pŭ hơiơch.

Bôk Bơthô 1:13

Inh nŏng kơ yua tơdrong gơh hơgei wă tơchĕng pơwao dôm tơdrong jang tơ ala teh âu; noh jơ̆ minh tơdrong gleh hrat mă 'Bok Kei-Dei pơjao boih kơ kon bơngai wă kơ jang.

Êsai 5:8

Răm-'băm dêh kơ lu iĕm bơngai mă pơm hnam thim hnam nai dơ̆ng, păng choh chŭn thim chŭn nai dơ̆ng, na jing pă đei teh 'bơ̆t yơ rơhơi dơ̆ng, păng lu iĕm jing oei adrô̆ lăm dêh char.”

Bôk Bơthô 5:10

Lu bơngai ham kơ jên đei jên lơ kư̆m khan ưh kơmah; lu bơngai ham kơ mŭk tơmam đei lơ dôm yơ kư̆m ưh kơ hrăp. Tơdrong noh kư̆m tơdrong kơ đei.

Horiso 39:6

Tơpă rim 'nu yak năm, thoi lĕ kơ yơ̆p. Sư bơ̆jang gleh lap, tơdrong kơ đei. Bơngai mă mong mŭk tơmam, mă-lei ưh kơ băt bu wă iŏk yua.

Bl 2:18

Kră Yang 'Bok Kei-Dei khan thoi âu: “Kon bơngai oei minh 'nu minh drô̆ ưh kơ 'lơ̆ng ôh; Inh gô pơjing ăn minh 'nu dơ̆ng wă tơgŭm sư păng hơbŏ thoi sư.”

Êsai 55:2

Liơ lu iĕm pơhuach jên wă răt tơmam mă ưh kơ trŏ kơ tơmam sŏng sa ôh. Ăn jơhngơ̆m gleh lap tơplih iŏk tơmam ưh kơ phĭ? Adrin mơ̆ng bĕ Inh athei sa tơmam mă 'lơ̆ng. Na jơhngơ̆m lu iĕm hiôk kơ tơmam sa bek 'lơ̆ng.

Bôk Bơthô 2:23

Rim năr tơ'bơ̆p tơdrong chhŭr nuih, tơdrong jang ơh klai; mă kơmăng kơ̆l đon sư kư̆m pă đei pơdơh hiôk. Tơdrong noh kư̆m tơdrong kơ đei.

Bôk Bơthô 2:21

Yua kơ đei bơngai jang yua tơdrong gơh hơgei, hlôh wao jơhngơ̆m pran pơm pơjing lê̆, đơ̆ng noh wă pơsư̆ mŭk tơmam ăn kơ lu bơngai mă ưh kơ đei jang gleh hrat kiơ, noh kư̆m tơdrong kơ đei păng minh tơdrong klai tơpă.

Bôk Bơthô 4:7

Na inh, 'bôh tơdrong kơđei ala teh 'nâu.

Horiso 39:7

Ơ Kră Yang, dang ei inh chang gô yă kiơ? Tơdrong inh chang gô tơ lăm Ih.

Bôk Bơthô 5:9

Kon pơlei juăt kơ choh jang chŭn mir, kăl kơ đei pơtao 'lơ̆ng pơgơ̆r na teh đak sư gơh đei yua tôm tơdrong.