Bôk Bơthô 3:4 - Sơ̆p Hlabơar Nơ̆r 'Bok Kei-Dei

⁴ Đei năr nhơ̆m hmoi, đei năr hiôk chơt; Đei năr ơh sơ'ngon, đei năr hơri suang;

Bôk Bơthô 3:4 Referans Kwoze

Rom 12:15

Bơ̆n 'bôh đe hiôk, bơ̆n kư̆m hơdai hiôk; bơ̆n 'bôh đe sơ'ngon, bơ̆n kư̆m hơdai sơ'ngon.

Ya 4:9

Iĕm athei nhơ̆m hmoi ơh kơdih tơdrong yoch đêl iĕm pơm, hmoi ơh kơdih tơdrong đêl iĕm hiĕk 'nă, hmoi ơh kơdih tơdrong đêl iĕm hiôk chơt, pơhaih sơ'ngon kơdih kơ 'Bok Kei-Dei, na Sư mơnat.

Horiso 30:5

Yua kơ tơdrong sư hil lăp tŏ sĕt, Gah tơdrong Sư mơnat đei đĭ chăl arih hloi: Tơdrong nhơ̆m hmoi lăp kiơ̆ kơmăng đĕch, Mă-lei truh pơgê hrôih đei chơt hiôk.

Le 15:20

Miriam mŏ Arôn bơngai drŏ-kăn khan lê̆ adrol păng lu drŏ-kăn dai kiơ̆, đơ̆ng rŏng chĕp hơgơ̆r iĕ suang rah.

II Kor 7:10

Tơdrong sơ'ngon yua kơ bơ̆n băt kơ 'Bok Kei-Dei, na 'Bok Kei-Dei pơm kơ bơ̆n tơbral kơdih tơdrong yoch huay kơ sơ'ngon; mă-lei dah bơ̆n sơ'ngon kơ tơdrong ala teh, bơ̆n gô hiong răm đĕch ưh kơ yua kiơ kơ bơ̆n.

Luka 1:58

Lu bôl buăl hăm kon pơlei pơla kơtum kơtŏng 'nhŏng oh sư kơtơ̆ng ang tơdrong 'Bok Kei-Dei mơnat kơ sư tơpă ăn kơ sư kon, na lu sư kư̆m wang hiôk chơt mơ̆n.

Mathiơ 11:17

‘Nhôn hlôm tơgiĕp wă kơ tơdrong chơt, mă-lei iĕm kuă kơ suang pơrŏ. Nhôn hơri tơdrong đe lôch, mă-lei iĕm kuă kơ nhơ̆m hmoi.’

Mathiơ 9:15

Na Yêsu pơma pơtih gia kơ lu sư thoi âu: “Kơplah đe pơkong kơ bơngai mă iŏk akăn, lu bôl bơngai mă iŏk akăn noh chhôk ngă 'nă hal dêh, lu sư ưh kơ đei bu ơh sơ'ngon ơ̆t kơ por ôh. Pôm ning-mônh đĕch đe wă rôp anhăk bơngai mă iŏk akăn noh đơ̆ng bôl sư, 'bơ̆t ei kơnh trŏ kơ lu bôl sư ơh sơ'ngon ơ̆t kơ por.

II Sam 6:16

Lăp Hom pơgơ̆p Kră Yang mơ̆t tơ pơlei Đawit, na Mikal kon adruh Sôl, lăng tơmang đơ̆ng 'măng-'mŏk, 'bôh Đawit suang chơt hiôk 'bơ̆t anăp Kră Yang, na sư đei jơhngơ̆m ưh kơ iă kơ Đawit.

Bl 21:6

Sara khan thoi âu: “Kră Yang 'Bok Kei-Dei đei pơm kơ inh minh tơdrong hiôk, đĭ-đăng bu bu kơtơ̆ng kư̆m hiôk chhôk hơdai hăm inh.”

Horiso 30:11

Ih tơplih boih tơdrong ơh sơ'ngon inh jing tơdrong hiôk chơt Plôh lê̆ ao sơ'ngon inh,f pơhrŭk ăn kơ inh hăm tơdrong hiôk chơt.

Bôk Bơthô 3:5

Đei năr klơ̆m hŭt lê̆ tơmo, đei năr pơpôi ming tơmo; Đei năr pôk kơ'mĭn, đei năr pră achăng;

Bôk Bơthô 7:14

Lăm năr hiôk athei chơt, lăm năr pơmat-tat, lăng bĕ. Pŭn hiôk dah pơmat-tat. 'Bar tơdrong noh đơ̆ng Kră Yang 'Bok Kei-Dei ăn.

Êsai 40:1

Kră Yang 'Bok Kei-Dei lu iĕm khan: Pơlung bĕ, pơlung bĕ kon pơlei Inh.

Êsai 40:2

Pơma bĕ kơ pơlei Jêrusalem mă hiôk păng roi khan tơdrong lu sư pơm đĭch tôch đĭ bơih, tơdrong yoch lu sư mơnat ăn bơih, lu sư chu iŏk bơih đơ̆ng ti Kră Yang mơnat 'bar wơ̆t hloh kơ tơdrong yoch lu sư.