Bôk Bơthô 2:9 - Sơ̆p Hlabơar Nơ̆r 'Bok Kei-Dei

⁹ Thoi noh inh jing mơdrŏng mơng tih hloh kơ đĭ-đăng lu bơngai oei tơ pơlei Jêrusalem adrol kơ inh; lăm tơdrong, tơdrong gơh hơgei oei oei hăm inh.

Bôk Bơthô 2:9 Referans Kwoze

I Ho 29:25

Kră Yang pơm ăn kơ Sôlômôn đei pơyom 'bơ̆t anăp đĭ-đăng kon pơlei Isơrael; Sư ăn kơ dêh char Sôlômôn pơtao 'lơ̆ng rŏ hơbŏ krưp, ưh tam đei minh 'nu pơtao Isơrael ayơ adrol kơ sư mă đei thoi noh.

Bôk Bơthô 1:16

Inh pơma lăm to khan: “Âu inh đei boih tơdrong hơgei tih hloh kơ đĭ-đăng lu bơngai mă oei adrol kơ inh tơ pơlei Jêrusalem. Jơhngơ̆m inh 'bôh tơpă boih lơ tơdrong hlôh băt, gơh hơgei.”

I Pot 10:23

Pơtao Sôlômôn bơih mơdrŏng păng gơh hơgei đe ư-ang hloh kơ đĭ-đăng pơtao lăm teh đak 'nâu.

II Ho 1:1

Sôlômôn, kon drŏ-nglo Đawit pơgơ̆r dêh char pơtao sư pran kơjăp; Kră Yang 'Bok Kei-Dei oei hơdai sư ăn kơ sư pran kơjăp tih dêh tơpă.

I Pot 10:7

Kơplah inh tam mă truh tơ âu păng măt inh ưh tam mă 'bôh inh ưh kơ lui ôh dôm tơdrong mă đe roi 'noh; tơdrong mă inh kơtơ̆ng lăp minh puăt tơdrong gơh hơgei păng tơdrong mơdrŏng ih oei hloh kơ dôm tơdrong inh kơtơ̆ng.

I Pot 3:12

'Nâu, Inh ăn tơdrong ih apinh, ăn kơ ih hlôh wao gơh hơgei, dĭng mah lu bơngai adrol kơ ih ưh kơ đei bu hơtŏ kơ ih păng lu bơngai đơ̆ng rŏng kơ ih kư̆m ưh kơ đei bu dang ih.

Bôk Bơthô 5:11

Dah đei mŭk tơmam rai lơ dang yơ, bơngai sa kư̆m rai lơ dang noh mơ̆n. Tơ'ngla đei mŭk tơmam noh hăm đei lơi yua kiơ kơ sư. Măt sư kư̆ hrăn pơglăn tơ mŭk tơmam noh.