Bl 9:4 - Sơ̆p Hlabơar Nơ̆r 'Bok Kei-Dei

⁴ Mă-lei lu iĕm 'nĕ kơ sa 'nhĕm lu kon sem mă đei bơhngol arih, wă khan oei đei pham.

Bl 9:4 Referans Kwoze

Both 12:23

Mă-lei athei kơchăng, 'nĕ kơ sa pham; yua kơ pham đei tơdrong arih, lei na ưh kơ gơh ôh sa tơdrong arih hơdai hăm 'nhĕm.

Both 15:23

Mă-lei iĕm 'nĕ kơ sa pham sư; athei tuh hŭt lê̆ pham noh tơ teh thoi tuh đak.

Both 12:16

Mă-lei lu iĕm 'nĕ kơ sa pham; athei tuh hŭt lê̆ tơ teh thoi tuh hŭt đak.

Jang 15:20

Mă-lei bơ̆n chih kơ sư kơthơ athei sư 'nĕ kơ sa tơmam đe sơmah kơ yang kơnê̆ yua kơ bơ̆n rơgoh boih. Bơ̆n 'nĕ ngôi pơyô kư̆ kă. 'Nĕ kơ sa pham dôm sem bơ̆n rong păng sem bri. Hơdrol kơ wă pơm tơmam sa bơ̆n athei kăt dah 'bet tŭk lê̆ pham sư.

Lêwi 7:26

Tơ anih ayơ mă lu iĕm oei, lu iĕm 'nĕ kơ sa pham lu sem păr dah lu sem bri.

Jang 15:29

Iĕm 'nĕ kơ sa tơmam đe sơmah kơ yang kơnê̆ yua kơ bơ̆n rơgoh boih. 'Nĕ kơ sa pham dôm sem bơ̆n rong dah sem bri. Hơdrol kơ wă pơm tơmam sa bơ̆n athei kăt dah 'bet tŭk lê̆ pham sư 'noh; păng 'nĕ ngôi pơyô kư̆ kă. Yah iĕm pơm kiơ̆ kơ nơ̆r pơkă lăm kơthơ âu lei trŏ tơpă. Oei kơ iĕm mă 'lơ̆ng.”

Lêwi 3:17

'Nâu bơih jing tơdrong juăt ăn kơ lu adrĕch adrung iĕm ling-lang lăm đĭ-đăng jơhnơr lu iĕm oei arih tơ lăm đĭ-đăng anih tơ yơ lu iĕm oei, lu iĕm ưh kơ gơh sa rơmă dah pham.

I Tim 4:4

Tôm tơdrong 'Bok Kei-Dei pơjing 'lơ̆ng ngăl, bơ̆n gơh sa đĭ-đăng, mă-lei bơ̆n athei krao khan bơnê kơ 'Bok Kei-Dei 'mơ̆i.

Lêwi 19:26

Lu iĕm 'nĕ kơ sa 'nhĕm mă oei đei pham, 'nĕ kơ pơm pơjâu chă tơwir lăng tơdra.

Jang 15:25

Na nhôn akŭm pơđâu na rơih 'bar 'nu bơngai nhôn wơh năm tơ iĕm. Bre sư năm hloi hơdai 'nhŏng oh bơ̆n bre Pôl păng 'Barna'ba. Bre sư bơ̆n 'mêm tơpă.

Both 14:21

Lu iĕm 'nĕ kơ sa minh pôm kon sem brem lôch kơmăp, gơh ăn kơ lu bơngai tơmoi mă oei lăm pơlei ih, ăn kơ sư sa, kư̆m gơh tĕch ăn kơ bơngai tơmoi. Yua kơ ih jơ̆ adrĕch rơgoh 'lơ̆ng ăn kơ Kră Yang 'Bok Kei-Dei lu iĕm. 'Nĕ kơ pai hơbĭ 'nhĕm bơbe kon hăm đak toh mĕ sư.

I Sam 14:32

Kon pơlei pă kĕ kơ pơngot dêh, yoh rôp hloi bơ̆n triu, rơmo, kon rơmo pơlôch đơ̆ng noh sa 'nhĕm hrâu hăm pham 'bơ̆t oei pai.

Êsêkiên 33:25

Lei na khan bĕ kơ lu sư, Kră Yang khan thoi âu: Yua kơ lu iĕm sa 'nhĕm oei pham, măt lu iĕm maih lăng tơ rup yang, lu iĕm tuh pham pơlôch băl, lei lu iĕm gô iŏk char âu hă?