Bl 7:23 - Sơ̆p Hlabơar Nơ̆r 'Bok Kei-Dei

²³ Đĭ-đăng adrĕch khŭl arih kơpal teh pơrăm pơlôch đĭ, đơ̆ng kon bơngai truh tơ kon sem brem, lu hơdrông kơep lep-ler, lu sem păr; lăp Nôê hăm lu bơngai, lu sem brem lăm duk đĕch oei arih.

Bl 7:23 Referans Kwoze

II Pet 2:5

Chăl Nôê sơ̆, 'Bok Kei-Dei kư̆m phak đĭ-đăng kon bơngai ala teh ưh kơ lui kơ Sư, Sư phak hăm đak lơ̆p jơ̆p-jang kơ teh. Sư pơklaih pôm Nôê, yua kơ Nôê sư bơtho khan gah tơdrong tơpăt păng tơpơh 'nu hnam dơnŏ sư.

I Pet 3:20

Lu bơngai noh sơ̆ lu sư ưh kơ chu lui kơ 'Bok Kei-Dei kơplah Nôê oei pơm duk sơ̆. 'Bok Kei-Dei chang gô lu sư lui ră, mă-lei lu sư kuă kơ lui. Lăp tơhngam 'nu đĕch lui kơ 'Bok Kei-Dei, lu sư mơ̆t lăm duk na huay kơ lôch kơ đak lơ̆p.

Hêbrơ 11:7

'Bok Nôê sơ̆ kư̆m yua kơ sư lui, na lăp sư kơtơ̆ng 'Bok Kei-Dei khan kơ sư ning-mônh gô đei tơdrong truh na sư lui hloi. Sư pơm minh pôm duk tih wă dŏng pơklaih hnam dơnŏ sư. Sư chu 'Bok Kei-Dei, thoi noh na sư tơbăt kơ bơ̆n 'Bok Kei-Dei jô̆ đĭ-đăng kon bơngai nai yoch ngăl. Pôm 'bok Nôê đĕch 'Bok Kei-Dei jô̆ bơngai 'lơ̆ng, yua kơ sư đei đon lui kơ 'Bok Kei-Dei kơjăp.

II Pet 3:6

Sơ̆ Sư wă pơrăm teh, ăn đak lơ̆p jơ̆p-jang, teh jing răm hloi tơpă.

Mathiơ 25:46

Đơ̆ng noh 'Bok Kei-Dei phak lu sư tơ dơnâu ŭnh ling-lang ưh kơ layơ păt. Gah lu bơngai lui kơ 'Bok Kei-Dei 'lơ̆ng tơpăt, lu sư tŏk oei hơdai hăm 'Bok Kei-Dei ling-lang kư̆m ưh kơ layơ tôch.”

II Pet 2:9

Thoi noh bơ̆n băt nhên boih, 'Bok Kei-Dei băt, gơh pơklaih dôm lu bơngai kơkuh kơ Sư đơ̆ng tơdrong pơmat-tat; păng bơ̆n kư̆m băt Sư oei phak dôm lu bơngai pơm kơnê̆, truh tơ năr Sư wă sek tơlang ning-mônh.

Tơdrông Pơđơk 11:4

Mŭk tơmam mơdrŏng ưh kơ yua kiơ lăm năr hil blĕk, Mă-lei đei đon tơpăt pơklaih đơ̆ng tơdrong lôch.

Horiso 91:1

Bơngai bu oei lăm anih hlơp Kră Yang mă Tih Hloh. Gô oei lăm yơ̆p Tơ'ngla mơsêh mơyang.

Jop 5:19

Ih đei tơ'bơ̆p tơdrong pơmat-tat tơdrâu tơpơh 'măng, Sư oei dŏng pơklaih ih.

Horiso 91:7

Gô đei rơbâu bơngai pơ̆k cheng ih păng hơngan bơngai pơ̆k lôch gah 'ma ih. Mă-lei tơdrong răm noh huay kơ truh tơ ih.

Bl 6:17

Gah Inh, Inh gô ăn đak lip jơ̆p kơpal teh âu, wă pơrăm đĭ lu adrĕch sĕch akar mă đei dui jơhngơ̆m păng kial mă oei ala plĕnh, đĭ-đăng lu kon sem brem kơpal teh gô lôch goh đĭ.”

Bl 8:18

Thoi noh Nôê hăm akăn sư, lu kon sư, lu mŏ mai sư lĕch đơ̆ng duk.