Bl 50:5 - Sơ̆p Hlabơar Nơ̆r 'Bok Kei-Dei

⁵ 'Bă inh pơkă kơ inh thoi âu: 'Nâu 'bă wă jê̆ lôch, kon athei 'bŭ 'bă tơ bơsat mă đei răt lê̆ boih lăm char Kanaan. Thoi noh dang ei inh athei tŏk tơ noh 'bŭ 'bă inh na inh gô jur dơ̆ng tơ âu.

Bl 50:5 Referans Kwoze

Êsai 22:16

Ih oei tơ âu pơm kiơ? Bu ăn kơ ih oei tơ âu? Mă ih mah sir anih pơm bơsat kơ ih tơ âu? Ih sir bŏk kơ ih minh anih tơ kơpal, sir bŏk anih ih lăm tơmo.

II Ho 16:14

Đe 'bŭ sư lăm bơsat mă anih sư đei sir boih kơ sư kơdih lăm pơlei Đawit, đe tơ'bĭch lăm bong mă đe đei tah 'bĕnh kơ pơgang 'bâu phu, đe đei hơmet boih kiơ̆ kơ juăt pơm soh, đe soh 'long pơgang 'bâu phu tih dêh lăm năr grong noh.

Mathiơ 27:60

Na sư năm 'măn atâu Yêsu tơ lăm bơsat tơmo mă sư 'nao pơm hiă kơdih. Sư tơgrŏl minh pôm tơnglơ̆p tơmo tih klơ̆p 'măng bơsat, đang boih na sư brŏk.

Bôk Bơthô 12:7

Păng brŏk tơ teh bơhngol wơ̆t brŏk tơ Kră Yang 'Bok Kei-Dei tơ'ngla mă pơjing sư.

Bôk Bơthô 12:5

Kơplah kon bơngai hli kơ lu anih kơjung păng hli krưp tơ rok trong pơlei tih kơplah 'long Almon đei bluh pơkao păng lep mơmŏ trăp trĭn păng kon bơngai ưh pă đei hơpơi kiơ dơ̆ng kơplah kon bơngai brŏk tơ anih sư oei ling-lang ling-lang tơ noh păng bơngai nhơ̆m hmoi kơ bơngai lôch tơ rok trong pơlei tih.

Bôk Bơthô 6:3

Dah minh 'nu bơngai pơjing đei minh-hrĕng 'nu kon hơ'lơ̆p păng sư arih sot đunh sơnăm, mă-lei lăm jơhngơ̆m sư 'nhŏ mă đei tơdrong hiôk chơt păng sư lôch ưh kơ đei bơngai 'bŭ; Inh khan kon nge rơngăt sư oei păi 'biơ̆ kơ bơngai noh 'mơ̆i.

Horiso 79:3

Lu sư pơlôch pham lĕch thoi đak ro tăp dăr kơ pơlei Jêrusalem. Ưh kơ đei bu 'bŭ akâu bơngai lôch.

Jop 30:23

Inh băt tơpă Ih wă ba inh tơ tơdrong lôch. Anih pơkă wă 'măn kơ lu bơngai arih.

I Sam 14:43

Sôl jet Jônathan: Roi bĕ kơ inh băt ih đei pơm kiơ. Jônathan roi tơpăt: Inh đei tôt tơ sal sut hăm 'long jra inh na liah tŏ sĕt; na inh âu trŏ kơ lôch.

Both 4:22

Inh gô lôch tơ lăm dêh âu, ưh kơ gơh tŏk hlôi kơ đak Krong Jôrđăn, mă-lei lu iĕm gô năm hlôi păng iŏk dêh 'lơ̆ng rŏ ei.

Bl 50:24

Đơ̆ng noh Jôsep khan kơ lu 'nhŏng sư thoi âu: Inh gô lôch mă-lei đei Kră Yang 'Bok Kei-Dei sư wei rong iĕm tơpă. Gô chông ba lu iĕm wih brŏk tơ dêh char mă Kră Yang 'Bok Kei-Dei đei pơkă hăm Abraham, Isăk păng 'bă bơ̆n Jakôp.

Bl 48:21

Jakôp khan kơ Jôsep thoi âu: 'Nâu, 'bă wă jê̆ lôch, mă-lei Kră Yang 'Bok Kei-Dei gô tơgŭm dŏng lu đe kon wih brŏk tơ dêh char 'bok yă.

Bl 3:19

Ih athei jang lĕch đak bơuh bơang tơ klĕng ih 'mơ̆i na đei sa,d dĭng truh tơ năr ih brŏk tơ teh dơ̆ng, teh mă đêl man ih sơ̆, yua kơ ih đơ̆ng 'mui teh, ih gô brŏk tơ 'mui teh.”

Bl 50:4

Đang kơ pơdong boih, Jôsep khan kơ lu 'bok tih wei Pharaôn thoi âu: Apinh iĕm mơnat kơ inh roi bĕ kơ Pharaôn kơtơ̆ng thoi âu:

Bl 50:6

Pharaôn drơ̆ng thoi âu: Năm tŏk tơ noh 'bŭ 'bă ih bĕ, thoi nơ̆r 'bă ih pơkă noh.