Bl 46:29 - Sơ̆p Hlabơar Nơ̆r 'Bok Kei-Dei

²⁹ Jôsep sư năm tơ Gôsen wă sơng, Isơrael, 'bă sư, sư tơ'bơ̆p 'bă sư na kuăr 'bă sư nhơ̆m mah đunh đang.

Bl 46:29 Referans Kwoze

Luka 15:20

“Klaih kơ noh sư iung brŏk hloi. Tam mă truh tơ hnam, oei ataih, mă-lei 'bă sư tơmang 'bôh sư boih. 'Bă sư lăng 'brơ̆k mơnat, na tơkan chŭm kuăr sư.

Bl 33:4

Mă-lei Êsâu kơdâu truh 'bơ̆t anăp sư, tơkan kuăr chŭm hloi, na pơđĭ kơ măr sư nhơ̆m.

Jang 20:37

Đĭ-đăng lu sư nhơ̆m hmoi, chŭm tơkuăr Pôl hloi.

Bl 45:21

Lu kon drŏ-nglo 'bok Isơrael pơm kiơ̆ thoi noh Jôsep chu nơ̆r Pharaôn ăn gre păng tơmam sa rok trong kơ đe 'nhŏng oh sư.

Bl 45:19

Na inh kư̆m đei wă pơkă kơ ih dơ̆ng khan kơ lu sư thoi âu: Athei chĕp ba gre đơ̆ng dêh Êyiptơ wă chơ lu hơ'lơ̆p păng akăn lu sư păng kư̆m chơ ba 'bă jur oei tơ âu.

Bl 41:43

Na athei hao gre đơ̆ng rŏng kơ gre pơtao, đei bơngai yak adrol ôr khan thoi âu: Drap kơkuh bĕ! Âu đei jao kơ Jôsep wă pơgơ̆r đĭ dêh char Êyiptơ boih.

Bl 43:30

Jôsep lăng oh sư, na sư 'brơ̆k mơnat lĕch đak măt sư kơdâu lĕch tơ 'nguaih wă kơ chă anih nhơ̆m. Sư mơ̆t lăm hnam tơ anih sư na nhơ̆m.

Bl 45:2

Jôsep nhơ̆m, ô kon pơlei Êyiptơ kơtơ̆ng păng hnam dơnŏ Pharaôn kư̆m kơtơ̆ng ang.

Bl 46:30

Jakôp khan kơ Jôsep thoi âu: Kuă kơ kiơ lê̆ 'bă jah lôch năr 'nâu. Yua kơ 'bă đei 'bôh muh măt kon boih păng băt boih kon oei arih.

Bl 50:9

Kŭm đei linh aseh păng gre aseh kư̆m năm hơdai; 'nâu boih mă minh tơpôl lơ tơpă năm 'bŭ.