Bl 45:18 - Sơ̆p Hlabơar Nơ̆r 'Bok Kei-Dei

¹⁸ Chông 'bă păng đĭ hnam dơnŏ sư jur oei păng inh. Inh gô asong kơ lu sư tơmam kiơ mă gĭt hloh tơ char Êyiptơ âu păng lu sư gô choh jang đei teh 'lơ̆ng mơ̆r.

Bl 45:18 Referans Kwoze

Bl 47:6

Thoi noh dêh Êyiptơ đei 'măn ăn kơ ih; chă păng ăn bĕ kơ 'bă ih hăm lu 'nhŏng oh ih oei tơ anih mă 'lơ̆ng hloh lăm char Êyiptơ âu: Ăn bĕ kơ lu sư oei tơ tơring Gôsen noh; ih băt lăm lu sư bơngai bu gơh juăt hơgei kơ wei rong kon sem dơrong, jao bĕ kơ lu sư wei rong kon sem dơrong inh.

Bl 27:28

Apinh Kră Yang 'Bok Kei-Dei ăn kơ kon 'mui tŭk đơ̆ng plĕnh jur, Wă kơ đei mơ̆r kơ teh. Păng đei phe 'ba hăm sik plei hơmu rơkah rơkai.

Horiso 147:14

Sư tơjruh tơdrong hiôk-hian kơ hơdral dêh char ih; Tuh ăn kơ ih đei 'bĕnh blai kơ 'ba mi mă 'lơ̆ng hloh.

Jo 18:29

Lăm dôm tơmam pơyơ̆r mă iĕm đei iŏk, lu iĕm athei rơih iŏk tơmam mă 'lơ̆ng hloh 'măn lê̆ pha jing tơmam 'lơ̆ng rơgoh na pơyơ̆r ăn kơ Kră Yang.

Jo 18:12

Inh kư̆m đei ăn kơ ih dôm tơmam bơngai Isơrael pơyơ̆r plei blŭng-a kơ Kră Yang, đĭ-đăng pơyơ̆r tơmam blŭng-a, sik hơmu păng 'ba tơ'bâu iŏk lu 'lơ̆ng hloh.

Êsai 28:4

Pơkao 'lơ̆ng 'bônh kơ jô hŏnh, Tơdrong ư-ang 'lơ̆ng rŏ sư oei tơ kơ̆l groi anih thŭng teh mơ̆r, kư̆m gô nhen thoi plei hơra đum adrol kơ bơyan phang, đe 'bôh plei sư, ti đe phĕ sa hloi.

Êsai 28:1

Răm-'băm dêh hơgăl pơkao lu bơngai suai tơdrô lăm dêh Êphraim pơang răm-'băm dêh kơ pơkao 'bônh kơ jô hŏnh; lu bơngai suai tơdrô ư-ang 'lơ̆ng rŏ pơlei noh oei tơ kơ̆l groi thŭng teh mơ̆r!

Horiso 81:16

Mă-lei Inh gô iŏk phe 'ba mi mă 'lơ̆ng hloh 'me rong lu sư. Păng ăn kơ lu sư phĭ jơnap, hăm đak sut bri đơ̆ng lăm tơmo.”

Both 32:14

Đơ̆ng khŭl rơmo păng triu bơbe lu sư đei đak toh păng đak toh iŭ. Sa 'nhĕm sĕch rơmă đơ̆ng triu kon păng triu tơno. Rơmo triu tơno, bơbe tơno đơ̆ng char Basan lu iĕm sŏng 'ba 'mi mă 'lơ̆ng hloh; Huch sik đak hơmu đơ̆ng tơm 'brê thoi pham.

Bl 45:17

Pharaôn đei khan kơ Jôsep thoi âu: Athei pơkă kơ lu 'nhŏng oh ih, chơ hơtŏk tơmam tơ rŏng aseh, na wih brŏk tơ dêh Kanaan.

Bl 46:34

Athei khan tơbăt: Lu đĭch đam ih păng yă 'bok nhôn juăt kơ bơ̆jang wei sem dơrong iŏk đơ̆ng 'lơ̆p sơ̆ khơ̆ dang ei. Noh wă kơ iĕm oei tơ tơring Gôsen, yua kơ kon pơlei Êyiptơ, tơdrong arih lu sư ngăl lăng lu bơngai wei triu 'brơ̆ krưp dêh.