Bl 41:46 - Sơ̆p Hlabơar Nơ̆r 'Bok Kei-Dei

⁴⁶ Jôsep pơtơm jang hăm Pharaôn, pơtao Êyiptơ, kơplah noh sư đei pêng-jĭt sơnăm boih. Thoi noh, sư đơ̆ng hnam pơtao Pharaôn sư chă năm dăr tơ jơ̆p kơ dêh char Êyiptơ.

Bl 41:46 Referans Kwoze

Da 1:19

Pơtao pơma dơnuh păng lu sư păng lăm đĭ-đăng lu sư, đe bu gơh hơgei dang Đaniel, Hanania, Mêsael păng Asaria; Na lu sư gơh dơ̆ng bơ̆jang 'bơ̆t anăp pơtao.

I Pot 12:6

Thoi noh Pơtao Rôbôam pơđâu hăm lu đe kră mă đêl bơ̆jang kơ Sôlômôn 'bă sư, kơplah 'bă sư oei arih: Sư jet: Lu iĕm pơđâu liơ, wă kơ inh tơl tơwih ăn kơ kon pơlei pơla 'nâu?

II Sam 5:4

Kơplah Đawit pơm pơtao, sư 'nao pêng-jĭt sơnăm păng sư pơgơ̆r lăm puăn-jĭt sơnăm.

I Sam 16:21

Đawit truh tơ Sôl, păng jang hloi kơ sư. Sôl 'mêm kơ sư dêh mah iŏk ăn kơ sư chĕp tơmam blah.

Jo 4:3

Iŏk đơ̆ng pêng-jĭt sơnăm tơ kơpal truh tơ pơđăm-jĭt sơnăm, wă khan đĭ-đăng bơngai bu mă gơh jang tơgŭm lăm Bơsŭn Anih Akŭm.

Bl 37:2

'Nâu roi tơdrong adrĕch adrung Jakôp. Jôsep sư mơjĭt-tơpơh sơnăm, sư wei triu hơdai hăm lu đe 'nhŏng oh sư, sư pơm buăl juăt hăm lu kon Bila hăm kon Yilpa, 'bar 'nu akăn kơnhŏng 'bă sư. Jôsep sư roi kơ 'bă sư tơdrong lu đe noh pơm kơnê̆.

Ju 1:24

Bơnê kơ 'Bok Kei-Dei, pôm Sư đĕch kĕ wei-lăng iĕm, huay ăn kơ iĕm lê̆ Sư, wă kơ iĕm dơ̆ng 'bơ̆t anăp Sư ning-mônh iĕm 'bôh Sư mơsêh mơyang, iĕm hiôk hơiă huay kơ hli kơ Sư, yua kơ iĕm ưh kơ đei tơdrong yoch.

Luka 21:36

Thoi noh na iĕm athei kơchăng păng krao khan ling-lang wă kơ iĕm kĕ ĕnh dôm tơdrong noh na dơ̆ng 'bơ̆t anăp Inh Kon Bơngai ning-mônh.”

Luka 3:23

Kơplah Yêsu pơtơm wă jang tơdrong Sư, kơplah noh Sư dang pêng-jĭt sơnăm. Đe ngêh kơ Yêsu kon Yôsep. Yêsu kon sâu Hêli.

Tơdrông Pơđơk 22:29

Ih hăm 'bôh ưh lu bơngai hơgei đei jang tơnăp? Sư gô dơ̆ng 'bơ̆t anăp lu pơtao sư ưh kơ dơ̆ng hơdai 'bơ̆t anăp lu bơngai hmă.

I Pot 12:8

Mă-lei Rôbôam sơngah ưh kơ kiơ̆ ôh nơ̆r lu kră 'noh roi kơ sư; đơ̆ng noh sư jet lu bơngai iung tơdăm hơdai sư, oei awih awăn kơ sư.

Bl 41:47

Lăm tơpơh sơnăm phĭ đei 'ba rơkah rơkai, teh pơjing chăt 'lơ̆ng 'bĕnh-'bang.

Bl 42:8

Thoi noh, Jôsep băt kơnăl kơ lu sư; mă-lei lu 'nhŏng sư ưh kơnăl kơ sư ôh.

Bl 45:6

Dang ei 'bar sơnăm boih lăm dêh char đei pơngot rơwĕt păng kư̆m oei pă pơđăm sơnăm dơ̆ng ưh kơ đei gơh choh pơtăm yă kiơ, ưh kơ đei kĕch, yuă kiơ.

Da 1:4

Năm ba lu hơ'lơ̆p drŏ-nglo 'lơ̆ng huay kơ đei jĭ jăn, muh măt 'lơ̆ng hơbŏ, đei dôm tơdrong gơh hơgei, gơh tơchĕng hlôh wao, gơh băt dôm tơdrong, gơh jang tơ lăm anih hnam pơtao, bơtho kơ lu sư tơdrong gơh hơgei păng nơ̆r pơma bơngai Kalđê.