Bl 37:35 - Sơ̆p Hlabơar Nơ̆r 'Bok Kei-Dei

³⁵ Đĭ-đăng lu kon drŏ-nglo, kon drŏ-kăn ngôi tăp dăr kơ sư, pơlung ngôi apong kơ sư, mă-lei Jakôp 'bă lu sư ưh kơ chu păng khan thoi âu: Inh gô grong sơ'ngon dĭng truh lôch hơdai kon hơ'lơ̆p inh tơ lăm bơsat! Noh boih, 'bă Jôsep nhơ̆m hmoi kơ sư thoi noh.

Bl 37:35 Referans Kwoze

Jop 2:11

Pêng 'nu buăl Jop kơtơ̆ng sư đei dôm tơdrong pơmat-tat noh lu sư pơđâu băl rim 'nu đơ̆ng tơring sư kơdih wă năm ngôi wang sơ'ngon păng wă pơlung Jop. Pêng 'nu noh anăn sư Êliphas đơ̆ng pơlei Têman, Bildat đơ̆ng char Sua păng Sôphar đơ̆ng tơring pơlei Naama.

II Sam 12:17

Lu kră bơngai bơ̆jang đunh lăm hnam pơtao dơ̆ng tăp dăr tơiung sư đơ̆ng teh; mă-lei sư ưh kơ wă iung păng ưh kơ wă sŏng sa hơdai lu đe noh.

Bl 42:38

Mă-lei Jakôp tơl sư: Kon hơdruch inh ưh kơ ăn sư kiơ̆ iĕm ôh. Yua kơ 'nhŏng sư đĭ lôch hiong boih, oei lăp pă minh 'nu sư, tơdah đei tơdrong ưh kơ pŭn truh kơ sư rok trong dơ̆ng lei lu iĕm âu wă pơm ăn kơ 'bok sŏk ko âu ơh sơ'ngon blĕk wă jur tơ dêh atâu.

Je 31:15

Kră Yang khan: “Tơ pơlei Rama đei kơtơ̆ng nhơ̆m hmoi, nhơ̆m ơh sơ'ngon, noh Rachel nhơ̆m hmoi kơ lu kon sư, hmoi ơh ưh kơ đei bu gơh pơlung sư gah lu kon sư, yua kơ lu kon sư ưh pă đei arih boih.”

Horiso 77:2

Lăm năr anat anot inh krao chă Kră Yang; Kơmăng inh yơ̆r ti krao apinh ưh kơ rơgah; Bơhngol inh ưh kơ wă bu pơlung

Bl 45:28

Na khan thoi âu: Huay băt boih; Jôsep kon tơdăm inh oei arih; inh gô jur năm ngôi tơ sư adrol kơ inh lôch.

Bl 42:31

Mă-lei lu nhôn đei tơl sư thoi âu: Lu nhôn bơngai 'lơ̆ng đĕch, ưh kơ sĭ chă lăng dêh char iĕm ôh.

Bl 31:43

La'ban tơl Jakôp thoi âu: Lu drŏ-kăn âu kon inh, lu kon hơ'lơ̆p âu sâu inh, dôm lu sem dơrong noh kư̆m sem dơrong inh păng ih lăng đĭ tơmam âu, đơ̆ng inh ngăl; mă-lei năr âu inh wă pơm kiơ kơ lu kon drŏ-kăn inh lu sâu inh noh?

Bl 25:8

Sơnăm sư đĭ lơ, akâu đĭ kră, arih kư̆m hrăp boih, đơ̆ng noh sư kơtĕch jơhngơ̆m, brŏk kiơ̆ yă 'bok.

Bl 35:29

Sư arih sot, sư arih hrăp boih lăm chăl arih sư, na kơtĕch jơhngơ̆m kiơ̆ yă 'bok. Êsâu păng Jakôp 'bar 'nu kon drŏ-nglo sư 'bŭ 'bă bre sư.

II Sam 12:23

Mă-lei dang ei sư lôch boih, inh wă ơ̆t kơ sŏng sa pơm kiơ dơ̆ng? Inh hăm gơh pơm kơ sư wơ̆t tơ âu dơ̆ng? Inh gô năm tơ sư, mă-lei sư ưh pă gơh wơ̆t wih tơ inh dơ̆ng.”

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.

Bl 48:11

Isơrael khan kơ Jôsep thoi âu: Adrol kơ inh tơchĕng pă 'bôh muh măt e boih, mă-lei dang ei Kră Yang 'Bok Kei-Dei pơm ăn kơ inh gơh 'bôh lu adrĕch ioi e dơ̆ng.

II Sam 19:1

Đe năm roi ăn kơ Jôap: “Pơtao nhơ̆m hmoi dêh ơh 'mêm kơ Apsalôm”

I Ho 7:22

Êphraim 'bă lu sư, nhơ̆m hmoi đunh măng năr; đei 'nhŏng oh sư năm ngôi pơlung sư.

Horiso 77:3

Inh 'blŏk kơ Ih, ơ Kră Yang 'Bok Kei-Dei Inh ôr tơtok, Inh tơchĕng dêh na jơhngơ̆m inh rơdu rơmơ̆n. Sêla