Bl 37:29 - Sơ̆p Hlabơar Nơ̆r 'Bok Kei-Dei

²⁹ Rubên hơlơ̆k dơ̆ng tơ sơlŭng đak lăng jua ưh pă 'bôh boih sư hek lê̆ ao sư kơdih.

Bl 37:29 Referans Kwoze

Jop 1:20

Jop gruih iung hloi, hek ao sư hơkôih kơ̆l 'ngôch, drap bon tơ teh kơkuh kơ Kră Yang.

Bl 37:34

Jakôp hek lê̆ hơbĕn ao sư kơdih, sư iŏk 'bi hơbĕn păng grong sơ'ngon đunh năr kơ kon drŏ-nglo sư lôch.

Jo 14:6

Jôsuê kon drŏ-nglo Nun păng Kalep kon drŏ-nglo Jêphunê bre sư kư̆m lăm lu bơngai năm chop dăr lăng char noh, hek ao bre sư kơdih.

Bl 44:13

Đĭ-đăng kơ lu sư hek ao kơdih kơdih. Hơtŏk 'bi 'ba tơ rŏng aseh, năm hơlơ̆k brŏk tơ pơlei Jôsep.

Jang 14:14

Lăp bre Pôl păng 'Barna'ba kơtơ̆ng lu sư wă soi sơmah kơ bre sư, na bre sư hek ao sư kơdih kơlih kơ bre sư lăng tơdrong 'noh glăi tơpă. Na bre sư kơdâu hloi tơkan 'bơ̆t anê̆ đe tơpôl lơ, bre sư khan thoi âu:

Jôel 2:13

Hek bĕ jơhngơ̆m lu iĕm, 'nĕ kơ hek hơbĕn ao lu iĕm.” Wih brŏk bĕ tơ Kră Yang 'Bok Kei-Dei lu iĕm, yua kơ Sư iơ̆m dim, păng băt mơnat hiơ̆ kơ hil, păng 'bĕnh kơ tơdrong 'mêm mơnat, păng Sư băt tơplih huay pă pơrăm.

II Pot 19:1

Lăp kơtơ̆ng tơdrong noh, Hesekia hek ao sư kơdih, na hrŭk ao 'bi păng năm mơ̆t lăm hnam akŭm kơkuh kơ Kră Yang.

Lu 11:35

Lăp sư 'bôh kon drŏ-kăn sư, sư hek hloi ao păng khan: Ơ, ơ mŏ adruh, ih pơm kơ 'bă hơ'ngon dêh tơpă, kon pơm kơ jơhngơ̆m 'bă rŭng răng! Yua kơ 'bă đei krao khan pơkă pơkăm hăm Kră Yang boih ưh kơ gơh wă tơplih nơ̆r âu boih.

Bl 34:13

Lu kon drŏ-nglo tơl nơ̆r Sichem păng Hamôr, 'bă sư, lu sư chă đon na pơma kơ lu đe noh, yua kơ Sichem pơ'brơh boih kơ Đina, oh lu sư.

II Sam 1:11

Đawit hek hloi ao sư, đĭ-đăng lu bơngai kiơ̆ sư kư̆m pơm thoi noh.

II Sam 13:19

Tamar klă tơnuh kơpal kơ̆l sư, na hek ao ti tai mă sư oei hrŭk noh. Păng iŏk ti klơ̆p muh măt, nơnăm rah nhơ̆m ôr rah.

II Pot 5:7

Lăp pơtao đe Isơrael đŏk kơthơ noh, na sư hek hloi ao sư kơdih păng khan: “Inh Kră Yang 'Bok Kei-Dei hă na gơh pơlôch păng gơh pơrih? Na bơngai âu gơih nơ̆r sư khan athei inh pơklaih bơngai jĭ chin. Bơ̆n răp lăng inh băt sư 'maih chă tơdrong pơm ayăt kơ inh 'nâu.

II Pot 11:14

Yă ei lăng 'bôh pơtao dơ̆ng 'bơ̆t anih kơjung kiơ̆ thoi tơdrong juăt kơ̆m giĕng hmă, đei lu yŏng linh păng đei lu bơngai hlôm tơgiĕp dơ̆ng jê̆ sư păng đĭ-đăng kon pơlei lăm dêh char sư hiôk chơt hlôm tơgiĕp ngăl. Yă Athalia hek hloi ao sư kơdih păng hơdrăi rơ̆n khan: “Blơ̆ blĕch! Blơ̆ blĕch!”

Je 36:24

Pơtao păng lu 'bok pơgơ̆r kơtơ̆ng dôm nơ̆r noh, mă-lei ưh kơ hli ưh kơ hek ao lu sư kơdih.