Bl 35:5 - Sơ̆p Hlabơar Nơ̆r 'Bok Kei-Dei

⁵ Đơ̆ng noh lu sư pơtơm yak, Kră Yang 'Bok Kei-Dei pơm ăn kơ rim pơlei tăp dăr kơ noh đei tơdrong hli krưp, na lu đe huay kơ druh lu đe Jakôp.

Bl 35:5 Referans Kwoze

Le 23:27

inh gô ăn tơdrong hli krưp Inh năm adrol, pơm kơ lu teh đak hơwơ̆l hơwang, pơm kơ lu ayăt kơ iĕm kơdâu đĭ mưh iĕm năm truh tơ yơ pơm kơ đe hli tơrơ.

II Ho 17:10

Kră Yang ăn kơ đĭ-đăng dêh char tăp dăr kơ dêh char Juđa hli kơ Kră Yang, pơm kơ lu sư ưh kơ pơ̆n tơblah hăm Jêhôsaphat.

Horiso 14:5

Lu sư gô đei tơdrong hli krưp tơpă, Yua kơ Kră Yang 'Bok Kei-Dei oei hơdai hăm lu bơngai tơpăt.

Jôsuê 5:1

Kơplah pơtao đe Amôrit gah bơmơ̆t kơ đak Krong Jôrđăn păng đĭ-đăng lu pơtao đe Kanaan, oei jê̆ đak dơsĭ 'nao kơtơ̆ng khan Kră Yang đei pơm kơ Krong Jôrđăn hrơ̆ hrĕng, 'bơ̆t anăp lu kon pơlei Isơrael, dĭng mă lu sư yak tŏk hlôi kơ đak krong, na jơhngơ̆m lu pơtao hli tơtơ̆, mah pă pơ̆n tơ'bơ̆p hăm lu kon pơlei Isơrael.

Both 11:25

Ưh kơ đei bơngai bu kĕ iung dơ̆ng blah 'bơ̆t anăp lu iĕm; Kră Yang 'Bok Kei-Dei lu iĕm gô pơm ăn kơ đe hli tơrơ kơ lu iĕm lăm jơ̆p kơ dêh lu iĕm juă, thoi Sư đei pơkă khan boih kơ lu iĕm.

Le 34:24

Inh gô puh tơweh lê̆ lu adrĕch adrung nai đơ̆ng anăp ih, Inh gô pơih dêh char ih rai să, ưh kơ đei bơngai bu tơgar dêh char iĕm mơ̆n kơplah ih năm dơ̆ng tơ'bôh 'bơ̆t anăp Kră Yang 'Bok Kei-Dei ih, pêng wơ̆t lăm rim sơnăm.a

II Ho 14:14

Linh Juđa kư̆m đei blah lu pơlei tăp dăr kơ pơlei tih Gêrar, yua kơ đei tơdrong hli krưp dêh đơ̆ng Kră Yang pơm kơ lu pơlei tih noh; păng lu linh Asa blah iŏk đĭ mŭk tơmam đơ̆ng pơlei noh, yua kơ tơ lăm pơlei noh đei mŭk tơmam lơ dêh.

I Sam 14:15

Đĭ-đăng linh lăm kơđông dah tơ 'nguaih hli tơrơ ngăl. Linh lăm lu kơđông nai păng lu bơngai chă blah tơgar iŏk kư̆m hli tơrơ; đei teh tơdrŏ, noh rai pơm kơ đe hli tơrơ noh đơ̆ng Kră Yang 'Bok Kei-Dei.

I Sam 11:7

Sư rôp minh hơgrop rơmo, sư kăt soch lê̆ na wơh bơngai chă asong jơ̆p-jang kơ dêh char Isơrael păng hăm nơ̆r tơbăt: Bơngai bu ưh kơ wă kiơ̆ Sôl păng Samuel, na lu rơmo lu sư kư̆m gô kăt soch thoi noh mơ̆n. Kră Yang pơm kơ kon pơlei băt hli kơ Sôl, na đĭ-đăng lu sư năm kiơ̆ sư.

Bl 34:30

Na Jakôp khan kơ Simêôn păng Lêwi thoi âu: Măr iĕm pơm kiơ kơ inh ưh kơ hiôk, pơm ăn kơ kon tơring âu. Bơngai Kanaan păng bơngai Phêrêsit, hil areh kơ bơ̆n. Bơ̆n âu, tŏ sĕt bơngai; dah lu sư akŭm băl blah bơ̆n inh păng hnam dơnŏ bơ̆n gô răm.

Bl 35:4

Na lu sư jao đĭ kơ Jakôp lu rup yang dêh tơmoi, mă khan lu le đoh kơ đon; na sư 'bŭ dôm tơmam noh ala tơm 'long kôih, jê̆ pơlei Sichem.

Both 2:25

Năr âu Inh gô pơm ăn kơ lu kon pơlei pơla mă oei lăm kơpal teh âu gô hli păng krưp dêh đei kơtơ̆ng roi gah iĕm, lu kon pơlei noh gô tơtơ̆ păng hli krưp dêh kơ iĕm.

Horiso 105:14

Sư ưh kơ ăn đei bu gơh pơjuă pơđep lu sư. Kră Yang hil kơ lu pơtao yua kơ lu sư.

II Ho 14:13

Asa păng lu linh kiơ̆ sư, druh lu linh Êthiôpi truh tơ Gêrar; linh Êthiôpi lôch lơ tơpă, ưh pă đei bu arih, lu sư thuơ 'bơ̆t anăp Kră Yang hăm lu linh Sư. Lu bơngai blah iŏk đei lơ tơmam.