Bl 35:27 - Sơ̆p Hlabơar Nơ̆r 'Bok Kei-Dei

²⁷ Jakôp truh tơ Isăk, 'bă sư, tơ Mamrê jê̆ pơlei Kiriat, wă khan Hêbrôn, anih pơlei mă bre Abraham păng Isăk oei.

Bl 35:27 Referans Kwoze

Bl 13:18

Na Abram yuih bơsŭn sư năm oei ala tơm 'long kôih tơ Mamrê, gah Hêbrôn păng sư kư̆m đei pơm tơ noh minh pôm chơnang soi kơ Kră Yang.

Bl 23:19

Đơ̆ng rŏng kơ dôm tơdrong noh, Abraham 'bŭ Sara, akăn sư, lăm gơp tơmo lăm mir Makbêla hơlĕch kơ pơlei Mamrê wă khan Hêbrôn, lăm char Kanaan.

Bl 18:1

Kră Yang pơdah akâu sư kơ Abraham lăm kơdrơ̆ng 'long kôih Mamrê, kơplah sư oei ngôi 'bơ̆t 'măng bơsŭn sư kơ'năr drang tŏ.

Jôsuê 15:13

Jôsuê ăn kơ Kalep, kon drŏ-nglo Jêphunê, minh pah teh đơ̆ng lăm lu bơngai Juđa, kiơ̆ thoi Kră Yang khan kơ Jôsuê; Kiriat Arba. Arba noh 'bă kơ Anak, noh đe krao pơlei Hêbrôn.

Bl 23:2

Sara lôch tơ Kêriat Arba, noh krao Hêbrôn, lăm tơring Kanaan. Abraham grong nhơ̆m hmoi kơ Sara.

II Sam 5:5

Tơ Hêbrôn, Đawit pơgơ̆r lu bơngai Juđa tơpơh sơnăm tơdrâu khei, păng tơ Jêrusalem, sư pơm pơtao pơgơ̆r đĭ-đăng Isơrael păng Juđa pêng-jĭt pêng sơnăm.

II Sam 5:3

Đĭ-đăng lu kră bơngai Isơrael năm tơ pơtao Đawit tơ Hêbrôn; pơtao Đawit đei pơm tơdrong pơgơ̆p hăm lu sư tơ Hêbrôn 'bơ̆t anăp Kră Yang, na lu sư tuh đak rơmă pôk Đawit pơm pơtao Isơrael.

II Sam 5:1

Đĭ-đăng adrĕch Isơrael năm tơ Đawit tơ Hêbrôn, na khan: “Lu nhôn 'nâu jing sĕch akar ih.

II Sam 2:11

Đawit oei tơ pơlei Hêbrôn pơgơ̆r lu adrĕch Juđa đei tơpơh sơnăm tơdrâu khei.

II Sam 2:3

Đawit kư̆m chông ba lu bơngai kiơ̆ sư năm hăm hnam dơnŏ lu sư, năm mơ̆n na chă oei tơ lu pơlei lăm tơring Hêbrôn.

II Sam 2:1

Đơ̆ng rŏng kơ noh, Đawit krao apinh Kră Yang: Inh hăm gơh năm tơ minh pôm pơlei ayơ lăm dêh Juđa ưh? Kră Yang tơl sư: Năm bĕ. Đawit apinh dơ̆ng: Inh gô năm tơ yơ? Kră Yang tơl: Ih năm tơ Hêbrôn.

Jôsuê 21:11

Đơ̆ng adrĕch Juđa đei ăn kơ lu sư pơlei Kiriat Arba, đe kư̆m krao pơlei Hêbrôn (Arba 'bă Anak), oei tơ tơring groi kông lăm char Juđa păng teh Jum dăr kơ pơlei, đei tơmăn 'nhĕt.

Bl 28:5

Đơ̆ng noh Isăk athei Jakôp năm, sư năm tơ char Phadan Aram, truh tơ hnam La'ban, kon drŏ-nglo Bêthuel, bơngai Aram, sư 'nâu 'nhŏng kơ Rê'bêka, mĕ Jakôp păng Êsâu.

Bl 14:13

Minh 'nu bơngai klaih năm kơdâu roi kơ Abram bơngai Hêbrơ, oei tơ hla hơmŭl 'long kôih Mamrê, bơngai Amôrit, 'nhŏng kơ Êskôl păng Ane, pêng 'nu âu pơgơ̆p hăm Abram boih.

Bl 31:18

Sư puh ba đĭ lu sem dơrong păng iŏk đĭ mŭk tơmam sư, mă dôm mŭk tơmam đêl sư jang sa tơ Phadan Aram, wă kơ brŏk tơ Isăk, 'bă sư tơ Kanaan.

Bl 37:14

Isơrael khan: E năm lăng lu 'nhŏng e thoi yơ păng lu khŭl triu hai liơ? Na brŏk roi kơ inh băt. Thoi noh na đơ̆ng lăm thŭng Hêbrôn, sư athei Jôsep năm tơ Sichem, Jôsep truh tơ Sichem.

Bl 17:8

Dêh char mă lu iĕm oei dang ei thoi tơmoi đĕch Inh gô ăn kơ ih păng lu adrĕch adrung ih dêh Kanaan, wă jang sa ling-lang hloi. Inh boih Kră Yang 'Bok Kei-Dei lu sư.”

Bl 49:29

Đơ̆ng noh, sư đei pơma pơkă kơ lu kon drŏ-nglo sư thoi âu: 'Bă gô brŏk kiơ̆ 'bok yă, lu đe kon gô 'bŭ 'bă hơdai 'bok yă, tơ anih trôm tơmo lăm mir Êphrôn, bơngai Hêtit.