Bl 35:16 - Sơ̆p Hlabơar Nơ̆r 'Bok Kei-Dei

¹⁶ Oei đơ̆ng Bethel năm wă jê̆ Êphrat dang minh 'bar măng kơ trong, na Rachel hơiơch kơ Bênjamin, gah tơdrong sư hơiơch noh sư đei jĭ pơmat dêh.

Bl 35:16 Referans Kwoze

Mi 5:2

Thoi noh Sư gô jao lu đe noh kơ lu bơngai ayăt kơ Sư dĭng tơ bơngai drŏ-kăn tơpŭ kơ Sư, tơpŭ boih păng lu bơngai Isơrael mă oei oei đơ̆ng lu 'nhŏng oh Sư, lu sư gô wih brŏk tơ kon sâu bơngai Isơrael.

Mathiơ 2:18

“Đe kơtơ̆ng nơ̆r ôr pơret tơ Pơlei Ramma, 'bơ̆r đe nhơ̆m hmoi ơh tơpă. Yă Rachel hmoi ơh kơ kon sư lôch, sư nhơ̆m hmoi khŏm khŏm đe ưh pă gơh pơlung sư thoi yơ, yua kơ kon sư lôch đĭ.”

Bl 48:7

Kơplah inh brŏk đơ̆ng Phadan tơ Kanaan na mĕ e lôch rok trong tơm măt inh, jê̆ Êphrat; inh 'bŭ sư jê̆ trong brŏk tơ Êphrat. Wă khan Betlehem.

I Tim 2:15

Mă-lei lu bơngai drŏ-kăn gô đei jơhngơ̆m hiôk yua kơ sư tơpŭ kon. Păng sư athei lui kơ 'Bok Kei-Dei khŏm khŏm păng 'mêm kơ 'Bok Kei-Dei hăm đĭ-đăng bơngai. Sư athei pơm jơhngơ̆m 'lơ̆ng tơpăt păng 'nĕ kơ pơm kư̆ kă.

Mathiơ 2:16

Lăp pơtao Hêrôt băt kơ lu 'bok pơjâu hnhoi sơnglŏng ưh pă wih tơ sư, sư ơh dêh. Na sư athei lu linh sư năm pơlôch đĭ lu kon drŏ-nglo 'nao tơpŭ truh tơ 'bar sơnăm lăm tơring Betlehem. Sư pơlôch lu kon nge 'nao tơpŭ truh tơ 'bar sơnăm noh sư băt đơ̆ng lu bơngai hnhoi sơnglŏng roi kơ sư ki.

Mathiơ 2:1

Mari tơpŭ kơ Yêsu tơ Pơlei Betlehem lăm dêh Juđê, kơplah ei sơ̆ Hêrôt pơm pơtao tơ dêh Juđê. Đơ̆ng rŏng tơpŭ kơ Yêsu ei đei lu 'bok pơjâu hơgei hnhoi sơnglŏng, lu sư hnhoi đơ̆ng gah hơlĕch truh tơ Pơlei Jêrusalem na lu sư jet đe tơ noh khan:

Horiso 132:6

Lu nhôn đei kơtơ̆ng roi gah hom tơdrong pơgơ̆p tơ Êphratha. Nhôn 'bôh boih Sư tơ lăm mir Jaar.

I Ho 2:19

Wă Asuba lôch boih, na Kalep iŏk Êphrat pơjing kơ Hur.

II Pot 5:19

Êlisê khan: Năm bĕ, yak kơ ih mă 'lơ̆ng rŏ, hiôk-hian! Lăp Naaman hlôi weh đơ̆ng Êlisê, ataih 'biơ̆ bơih.

Ru 1:2

Bơngai drŏ-nglo anăn Êlimêlek, akăn sư anăn Naômi, 'bar 'nu kon drŏ-nglo anăn Makhlôn păng Kiliôn. Lu sư đơ̆ng bơngai Êphrat, pơlei Betlehem, dêh Juđê. Lu sư năm tơ teh đak Môap păng oei tơ noh.

Bl 35:19

Đơ̆ng noh Rachel sư lôch, na 'bŭ 'bơ̆t cheng trong brŏk tơ Êphrat. Êphrat wă khan Betlehem.

Bl 3:16

Kră Yang 'Bok Kei-Dei khan kơ bơngai drŏ-kăn thoi âu: “Inh gô ăn tơdrong gleh pơmat lăm tơdrong anăp; ih gô jĭ pơmat lăm năr hơiơch. Gah tơdrong hưch wă ih gô mơ̆ng kơ klo ih, păng klo ih gô pơgơ̆r ih.”

Ru 4:11

Đĭ-đăng lu kon pơlei păng lu kră 'bơ̆t 'măng jang ei wang tơl thoi âu: Đĭ-đăng lu nhôn pơsĭt tơdrong noh. Hơpơi kơ Kră Yang ăn bơngai drŏ-kăn mơ̆t oei lăm hnam ih nhen thoi bre Rachel păng Lêa, bre sư pơjing boih adrĕch Isơrael. Ăn kơ ih arih jang sa rai tŏk lăm char Êphratha păng anăn ih đei ư-ang lăm Betlehem.

I Sam 4:20

'Bơ̆t sư wă jê̆ lôch, lu bơngai drŏ-kăn kơ'mĭn khan: 'Nĕ kơ hli ôh, ih tơpŭ kơ minh 'nu kon drŏ-nglo. Mă-lei sư ưh pă tơl, ưh pă đei kơtơ̆ng kiơ.

I Sam 10:2

Năr âu adrol wă weh tơklah đơ̆ng inh, ih gô tơ'bơ̆p 'bar 'nu bơngai drŏ-nglo 'bơ̆t bơsat Rachel tơ pơlei Selsa, dêh Bênjamin; bre sư gô khan kơ ih: Lu aseh akăn mă ih chă noh 'bôh bơih; 'nâu 'bă ih ưh pă bơngơ̆t kơ aseh akăn noh dơ̆ng bơih, mă-lei sư bơngơ̆t kơ măr iĕm dơ̆ng na khan: Inh wă pơm liơ kơ kon drŏ-nglo inh âu?