Bl 34:13 - Sơ̆p Hlabơar Nơ̆r 'Bok Kei-Dei

¹³ Lu kon drŏ-nglo tơl nơ̆r Sichem păng Hamôr, 'bă sư, lu sư chă đon na pơma kơ lu đe noh, yua kơ Sichem pơ'brơh boih kơ Đina, oh lu sư.

Bl 34:13 Referans Kwoze

I Tes 5:15

Iĕm 'nĕ kơ hil kơ sư. Iĕm ling-lang athei pơm 'lơ̆ng lăm tơduă iĕm hăm lu bôl buăl nai mơ̆n.

Rom 12:19

Ơ 'nhŏng oh mă inh 'mêm kơeng, bơ̆n 'nĕ kơ pơm tơwih kơ đe tơdrong kơnê̆ hŏ, gô mơ̆ng kơ 'Bok Kei-Dei pơm tơwih đĕch 'bơ 'bang. Yua kơ tơdrong noh sơ̆ 'Bok Kei-Dei đei khan thoi âu: “Lê̆ kơ Inh pơm tơwih kơ bơngai pơm kơnê̆ noh; Inh gô phak sư yua kơ sư pơm kơnê̆.”

Mathiơ 28:13

wă kơ lu sư chă roi kơ đe khan lu bơngai pơhrăm păng Yêsu tơtông iŏk akâu Yêsu boih kơplah lu linh oei tep kơmăng.

Mi 7:2

Bơngai hli yom kơ 'Bok Kei-Dei hiong boih đơ̆ng lăm teh đak âu; ưh pă đei bơngai tơpăt lăm kon bơngai. Đĭ-đăng lu sư nŏng kơ 'maih chă pham lĕch sĕch huŏng; rim 'nu iŏk hơnhuăl dăng lua 'nhŏng oh kơdih.

Êsai 59:13

Lu nhôn yoch bơih, blah plơ̆ Kră Yang, păng tơwih rŏng ưh kơ wă kiơ̆ Kră Yang 'Bok Kei-Dei lu nhôn. Lu nhôn pơma tơdrong kơnê̆ blơ̆ blĕch păng blah. Tơchĕng lĕch nơ̆r pơma hơlĕnh đơ̆ng lăm jơhngơ̆m.

Tơdrông Pơđơk 12:13

Bơngai pơm kơnê̆ pơm yoch đơ̆ng 'bơ̆r pơma, thoi 'leh hơđong, Lu bơngai tơpăt gô klaih đơ̆ng tơdrong truh.

Horiso 12:2

Lu sư pơma hơlĕnh pơdăr pơma tơduă lu sư, 'bơ̆r pơma pơ'brơh jơhngơ̆m 'bar trong nơ̆r pơma.

Jop 13:7

Hăm trŏ đơ̆ng Kră Yang 'Bok Kei-Dei, Na iĕm pơ̆n pơma hơlĕnh? Hăm trŏ yua kơ Sư iĕm pơma pơdăr hă?

Jop 13:4

Bĕ iĕm, lu iĕm pik bah hăm nơ̆r hơlĕnh. Đĭ-đăng tă kơ 'bok thây pơgang ưh kơ lĕch kiơ.

Lu 15:3

Na Samsơn sư tơl lu sư: Tơdah inh đei pơrăm lu bơngai Philistin, pă minh 'măng âu inh ưh pă đei yoch boih.

Bl 34:12

Apinh bĕ tơmam et sa kơ pơkong mă tih, tơmam pơsĭt mă lơ, inh gô ăn kiơ̆ kơ nơ̆r lu iĕm apinh; kư̆ mă iĕm ăn adruh oh iĕm noh jing akăn inh.

Bl 34:14

Lu sư khan thoi âu: Lu nhôn ưh kơ gơh ôh chă ăn klo kơ oh lu nhôn bơngai mă ưh kơ kăt tơdra akar, yua kơ gô pơm ăn kơ lu nhôn mơlâu pă băt.