Bl 32:10 - Sơ̆p Hlabơar Nơ̆r 'Bok Kei-Dei

¹⁰ Inh âu ưh kơ rơ-a na ưh kơ hơnhŏ gơh đei pŭn hiôk păng dôm tơdrong 'lơ̆ng tơpăt Ih mă đei pơm boih kơ đĭch đam Ih adrol sơ̆. Wă tŏk găn đak Krong Jôrđăn inh đei lăp minh pôm 'long jra đĕch, kơna dang ei inh đei 'bar khŭl bơngai âu.

Bl 32:10 Referans Kwoze

Horiso 18:35

Kră Yang ăn kơ inh khêl tơdrong dŏng pơklaih;d Ti gah 'ma Ih tơiung inh, Đơ̆ng tơdrong Ih dŏng na inh jing tih mơng.

Bl 24:27

Păng khan: “Trŏ kơkuh bơnê tơpă kơ Kră Yang, Kră Yang 'Bok Kei-Dei yŏng tơ'ngla inh Abraham! Sư ưh kơ lê̆ tơdrong mơnat păng pơkă tơpăt hăm yŏng tơ'ngla inh! Kơplah inh oei yak, Kră Yang chông ba inh truh tơ hnam 'nhŏng oh yŏng tơ'ngla inh.”

II Sam 7:18

Đơ̆ng noh Pơtao Đawit năm hloi lăm bơsŭn 'bơ̆t anăp Kră Yang păng khan: “Kơkuh kơ ih Kră Yang inh, inh âu bu, hnam dơnŏ inh kiơ mă Ih đei ba inh truh tơ tơdrong jang 'nâu?

I Pet 5:5

Lu đe adruh tơdăm oei hơmuh hơmŏng, iĕm kư̆m lei-lăi athei chu yom kơ lu đe kră; păng đĭ-đăng kơ iĕm hăm lu đe kră athei iŏk jơhngơ̆m đon dim wă kơ chu yom dih băl; yua kơ 'Bok Kei-Dei ưh kơ wă ôh kơ lu bơngai pơang akâu, Sư tơgŭm lu bơngai dim, lu bơngai băt kơ chu yom kơ đe.

II Kor 12:11

Kơlih kơ iĕm rai wă hiơt kơ inh bơngai mă pơm jơ̆ng 'bang Yêsu Krist, na inh đei pơma pơang kơ iĕm thoi noh, dang bơngai wơnh, dang bơngai kư̆ kă. Lu bơngai noh chă pơpơm jơ̆ng 'bang Yêsu Krist, lu sư khan lu sư bơngai hơgei dêh mă-lei inh ưh kơ thuơ, mă khan inh bơngai kơtul.

Luka 17:10

Gah tơdrong iĕm kư̆m thoi noh mơ̆n. Lăp iĕm pơm tôm tơdrong 'Bok Kei-Dei pơkă, iĕm athei khan kơ Sư thoi âu đĕch: ‘Nhôn đĭch đam Ih ưh kơ hơnhŏ kơ Ih bơnê ôh, nhôn kư̆ jang kiơ̆ kơ Ih pơkă đĕch.’ ”

Luka 5:8

Lăp Simôn mă đe kư̆m anăn Pêtrôs 'bôh Yêsu pơm tơdrong mơsêh thoi noh boih na sư hơloh 'nap 'bơ̆t anăp Yêsu kơkuh kơ Sư khan hloi: “Ơ 'Bok, Ih weh đơ̆ng inh đĕch wăi, inh hli kơ Ih, yua kơ inh bơngai yoch.”

Mi 7:20

Ih gô pơm 'long tơpăt tơ'bôh kơ Jakôp păng 'mêm mơnat kơ Abraham, noh boih mă tơdrong Ih đei pơkăm pơkă hăm lu 'bok yă lu nhôn đơ̆ng năr sơ̆ ki sơ̆ kach.

Êsai 63:7

Inh gô roi tơ'blŏk tơdrong Kră Yang 'mêm mơnat, păng hơri bơnê ư-ang kơ Kră Yang kơ dôm lu tơdrong mă Kră Yang pơm bơih kơ lu bơ̆n păng tơdrong 'lơ̆ng tih Sư ăn kơ adrĕch Isơrael, dôm lu tơdrong mă Sư đei ăn kơ bơ̆n, kiơ̆ kơ tơdrong Sư 'mêm Kră Yang dŏng pơklaih lu sư bơih.

Êsai 6:5

Inh ôr khan: “Răm-'băm dêh kơ inh! Inh đĭ răm bơih! Yua kơ inh jơ̆ minh 'nu bơngai đei 'bơ̆r kơnê̆ 'mê̆-'mach, oei hơdai hăm kon pơlei đei 'bơ̆r kơnê̆ 'mê̆ mach, yua kơ măt inh lăng 'bôh bơih pơtao, noh bơih Kră Yang Tih Hloh!”

Tơdrông Pơđơk 4:18

Mă-lei trong lu bơngai tơpăt thoi hơdah pơchrang, Pơchrang hơdah truh tơ 'năr dơ̆ng.

Horiso 85:10

Na tơdrong 'mêm mơnat hăm tơdrong 'lơ̆ng tơpăt tơ'bơ̆p băl; Tơdrong tơpăt hăm tơdrong hiôk-hian tơchŭm băl.

Horiso 84:7

Lu sư yak năm tơ anăp lu sư rai pran kơtang dêh, Dĭng truh 'bơ̆t anăp Kră Yang 'Bok Kei-Dei tơ Siôn.

Horiso 61:7

Ăn kơ sư pơyơ̆r 'bơ̆t anăp ling-lang hloi.a Apinh Ih ăn tơdrong 'mêm mơnat sĭt, wă kơ wei-lăng sư.

Horiso 16:2

Inh đei khan păng Kră Yang boih: “Ih boih Kră Yang inh. 'Nguaih kơ Ih inh ưh kơ đei pŭn hiôka nai dơ̆ng.”

Horiso 8:5

Kră Yang pơjing kon bơngai hơtuch 'biơ̆ kơ Ih,a pơyơ̆l ăn kơ lu sư tơdrong ư-ang păng đei pơyom.

Jop 17:9

Bơngai 'lơ̆ng tơpăt wei kơjăp trong sư kơdih, Bơngai đei tơpang ti rơgoh 'lơ̆ng rai pran kơtang.

Jop 8:7

Dang ei ih oei iĕ, dôm tơmam ih đei sơ̆ oei tŏ sĕt, mă-lei ning-mônh ih gô mơdrŏng tih tơpă.

Both 8:18

Iĕm athei 'blŏk kơ Kră Yang 'Bok Kei-Dei iĕm, noh jơ̆ đơ̆ng Sư ăn kơ iĕm jing mơdrŏng; wă pơsĭt tơdrong pơgơ̆p Sư pơkă pơkăm hăm 'bok iĕm sơ̆.

Bl 32:7

Jakôp hli dêh păng tơtăm dêh, na sư klah asong hloi lu bơngai năm kiơ̆ hơdai lu khŭl triu, rơmo, lu lăk-đa pơm 'bar khŭl na khan:

Bl 32:5

Đei rơmo, aseh, triu, đĭch drŏ-nglo, đam drŏ-kăn, thoi noh apinh lu đe âu năm roi kơ yŏng tơ'ngla inh băt adrol, wă kơ đei pŭn hiôk đơ̆ng yŏng tơ'ngla inh.

Bl 30:43

Yua kơ thoi noh sư mă mơdrŏng dêh, đei lơ sem dơrong, đĭch drŏ-nglo, đam drŏ-kăn, lăk-đa păng aseh iĕ.

Bl 28:15

'Nâu, inh gô oei hơdai ih, mă ih năm tơ yơ, inh gô kiơ̆ wei-lăng ih tơ noh păng gô anhăk ih wih brŏk tơ dêh âu; yua kơ Inh ưh kơ đei layơ wă achăng lê̆ ih dĭng mă Inh pơm keh dôm nơ̆r Inh đei pơkă boih hăm ih.

Bl 18:27

Abraham khan dơ̆ng thoi âu: “Mă khan inh âu 'mui teh đĕch ră, mă-lei inh kư̆m oei nuih pơ̆n pơma hăm Ih.

II Sam 17:24

Đawit năm truh tơ pơlei Mahanaim, kơplah noh Apsalôm năm hăm đĭ-đăng lu linh Isơrael kiơ̆ sư tŏk hlôi kơ đak Krong Jôrđăn.

Bl 24:12

Sư krao khan: “Ơ Kră Yang, Kră Yang 'Bok Kei-Dei yŏng tơ'ngla inh Abraham! Apinh ih ăn kơ inh tơ'bơ̆p tơdrong mă inh chơchă păng tơ'bôh ăn tơdrong 'lơ̆ng Ih kơ Abraham yŏng inh.

Bl 28:13

Na âu, 'bôh Kră Yang hơ-oei 'bơ̆t kơ̆l kung noh păng khan thoi âu: Inh boih Kră Yang Kră Yang 'Bok Kei-Dei Abraham, 'bok ih kư̆m Kră Yang 'Bok Kei-Dei Isăk 'bă ih. Inh gô ăn kơ ih păng adrĕch adrung ih teh đak mă ih oei 'bĭch âu.

Bl 31:3

Kră Yang khan kơ Jakôp thoi âu: Brŏk bĕ tơ dêh char 'bok yă 'bă ih, tơ 'nhŏng oh ih, inh gô tơgŭm ih.