Bl 31:49 - Sơ̆p Hlabơar Nơ̆r 'Bok Kei-Dei

⁴⁹ Kŭm đei krao Misbac yua kơ La'ban pơma thim thoi âu: Kơplah lu bơ̆n wă tơklah băl, apinh Kră Yang wei-lăng ih hăm inh.

Bl 31:49 Referans Kwoze

Lu 11:29

Kơplah noh Yang bơhngol 'lơ̆ng Kră Yang jur oei hăm Jeptha; sư năm hlôi kơ char Gileat păng char Manase, năm truh hloi tơ pơlei Mispa lăm char Gileat; đơ̆ng noh sư năm blah kon pơlei Ammôn.

Lu 10:17

Lu kon pơlei Ammôn akŭm băl pơm kơđông tơ dêh Gileat. Kon pơlei Isơrael kư̆m pơpôi băl, pơm kơđông tơ Mispa.

Hôsia 5:1

“Ơ lu 'bok soi, mơ̆ng bĕ lu tơdrong 'nâu. Ơ bơngai Isơrael, pơgling đon bĕ! Răp mơ̆ng bĕ, ơ bơngai lăm hnam pơtao! Tơdrong sek tơlang âu 'bơm trŏ kơ lu iĕm, yua kơ lu iĕm thoi hơđong hơ'năk lê̆ boih tơ pơlei Mispa; păng thoi hơnhuăl dăng boih tơ kông Tabôr.

I Pot 15:22

Đơ̆ng noh pơtao Asa pơkă kơ đĭ-đăng bơngai Juđa, ưh kơ lê̆ minh 'nu bơngai bu, lu sư pŭ iŏk lu tơmo păng lu 'long tơ̆r mă đêl Baasa yua pơm kơđông pơlei Rama; đơ̆ng noh pơtao Asa yua tơmam 'noh pơm pơlei Gêba lăm char Bênjamin, păng pơlei Mispa.

Lu 11:11

Thoi noh Jeptha năm hơdai hăm lu kră char Gileat. Kon pơlei pơk sư pơm yŏng linh păng wei-lăng pơgơ̆r lu sư. Jeptha pơma dơ̆ng dôm nơ̆r sư pơkă pơkăm noh 'bơ̆t anăp Kră Yang tơ pơlei Mispa.

I Sam 20:23

Gah nơ̆r ba hlôi pơkă pơkăm boih, hơpơi kơ Kră Yang pơm kơdranh tŏk-bŏk ih hăm inh truh ning-mônh ling-lang.