Bl 31:48 - Sơ̆p Hlabơar Nơ̆r 'Bok Kei-Dei

⁴⁸ La'ban khan thoi âu: Pôi tơmo âu wă pơsĭt kơ ba. Thoi noh lu sư krao anăn Galet.

Bl 31:48 Referans Kwoze

Jôsuê 24:27

Na Jôsuê pơma khan hăm đĭ-đăng kon pơlei: To, tơmo âu wă yua pơm kơdranh kơ lu bơ̆n; yua kơ sư đei kơtơ̆ng boih dôm nơ̆r Kră Yang đei khan kơ lu bơ̆n, sư gô pơm kơdranh plơ̆ ăn kơ lu iĕm, dah lu iĕm hơlĕnh ưh kơ chu Kră Yang 'Bok Kei-Dei lu iĕm.

Both 3:16

Gah lu adrĕch Rubên păng Gat, inh klah asong ăn teh iŏk đơ̆ng gơal char Gileat tơ thong đak glung Arnôn, hơdral gah yă-nơ̆m iŏk đơ̆ng tŏk-bŏk đak krong Jabôk krong 'nâu hơdral lu kon sâu Ammôn.

Both 2:36

Đơ̆ng pơlei Arôe; mă oei tơter thong đak glung Arnôn păng lu pơlei tih oei lăm thŭng truh tơ Gileat, ưh kơ đei minh pôm pơlei tih ayơ mă pơm kơjăp dêh 'bơ̆t anăp lu bơ̆n; Kră Yang 'Bok Kei-Dei lu bơ̆n jao đĭ lu pơlei noh ăn kơ bơ̆n.

Bl 31:23

La'ban pơtơm lu 'nhŏng oh sư druh Jakôp lăm tơpơh năr kơ trong păng tam hĭ 'bơ̆t kông tơring Gileat.

Bl 21:30

Sư tơl: “Apinh pơtao iŏk bĕ tơpơh tŏ kon triu dăm âu, đơ̆ng tơpang ti inh kơdih ăn, wă kơ ih pơsĭt kơ inh đei sir boih đak sơlŭng âu.”

Jôsuê 22:27

Mă-lei chơnang soi âu boih gô pơm kơdranh tơ'bôh tŏk-bŏk lu nhôn păng 'nhŏng oh truh tơ kon sâu lu bơ̆n, lu nhôn gô kơkuh kơ Kră Yang tơ Hnam 'Lơ̆ng Rơgoh Sư. Hăm tơmam soi 'buh păng Tơmam soi 'blŏk bơnê hiôk-hian. Đơ̆ng âu tơ anăp, lu kon sâu 'nhŏng oh ưh pă pơma khan kơ lu kon sâu lu nhôn: Lu iĕm ưh kơ đei kiơ lăm Kră Yang ôh!

Jôsuê 22:28

Păng lu nhôn đei khan: Dah layơ lu sư khan kơ lu bơ̆n, dah kơ adrĕch lu bơ̆n, thoi noh lu bơ̆n gô tơl: Lu iĕm lăng rup chơnang soi âu trŏ chơnang soi Kră Yang, mă 'bok lu bơ̆n đei pơm sơ̆, chơnang soi 'nâu ưh kơ trŏ wă pơyơ̆r tơmam soi 'buh dah pơyơ̆r tơmam soi nai, mă-lei pơm tơdra tơbăt tŏk-bŏk lu nhôn păng lu iĕm!

Jôsuê 22:34

Thoi noh lu bơngai Rubên păng bơngai Gat anăn chơnang soi noh Êt wă khan tơbăt pơsĭt tŏk-bŏk lu bơ̆n noh Kră Yang 'Bok Kei-Dei tơpă.

Lu 10:3

Đơ̆ng rŏng kơ sư lôch đei Jair, bơngai Gileat, iung pơm 'bok sek tơlang lu bơngai Isơrael lăm 'bar-jĭt 'bar sơnăm.