Bl 3:8 - Sơ̆p Hlabơar Nơ̆r 'Bok Kei-Dei

⁸ Hiưp 'năr glơh, kơtơ̆ng Kră Yang 'Bok Kei-Dei yak năm lăm pơgar. Ađam păng akăn sư ôn akâu bre sư tŏk-bŏk hơmŭl 'long, wă weh đơ̆ng muh măt Kră Yang 'Bok Kei-Dei.

Bl 3:8 Referans Kwoze

Je 23:24

Kră Yang khan: “Hăm đei bu gơh ôn hlơp akâu sư, mă Inh ưh kơ 'bôh? Kră Yang khan: Hăm trŏ kơ Inh oei tơ jơ̆p-jang kơpal plĕnh 'bĕnh kơ teh đak âu?

Tơdrông Pơđơk 15:3

Măt Kră Yang 'bôh jơ̆p-jang anih, Oei lăng lu bơngai kơnê̆ păng lu bơngai 'lơ̆ng.

Hêbrơ 4:13

Ưh kơ đei tơdrong kiơ mă hlơp kơ 'Bok Kei-Dei tơ'ngla mă sek tơlang bơ̆n, Sư 'bôh nhên tôm tơdrong kon bơngai pơm.

Rom 2:15

Bơ̆n 'bôh sư pơm tơdrong trŏ na bơ̆n băt kơ 'Bok Kei-Dei ăn kơ sư kơnăl tơdrong 'lơ̆ng tơdrong kơnê̆. Dah sư pơm yoch sư kư̆m băt kơdih pơm yoch. Dah sư pơm 'lơ̆ng sư kư̆m băt kơdih pơm 'lơ̆ng mơ̆n.

Bl 3:10

Ađam tơl: “Inh đei kơtơ̆ng Ih yak lăm pơgar, na inh hli yua kơ inh akâu hoh, na inh ôn akâu.”

Jôna 1:3

Mă-lei Jôna kơdâu năm tơ pơlei Tarisi, wă klĕnh đơ̆ng anăp Kră Yang. Sư jur truh tơ pơlei Jôpa, tơ'bơ̆p duk năm tơ pơlei Tarisi, wă klĕnh đơ̆ng anăp Kră Yang.

Jop 31:33

Inh ưh kơ đei ôn tơdrong yoch inh thoi Ađam. Na 'bŭ ôn tơdrong yoch kơnê̆ lăm jơhngơ̆m.

Jop 38:1

Kơplah noh, đơ̆ng lăm kial hơbŭt Kră Yang tơl Jop:

Both 23:14

Yua kơ Kră Yang 'Bok Kei-Dei iĕm năm lăng kơđông linh iĕm wă dŏng pơklaih lu iĕm đơ̆ng lu bơngai ayăt iĕm, kơđông iĕm athei rơgoh 'lơ̆ng, wă kơ Sư huay kơ 'bôh tơdrong kơnê̆ 'mê̆-'mach, na mah weh achăng lê̆ lu iĕm.

Both 5:25

Mă-lei dang ei, yua kơ kiơ lu nhôn athei lôch? Ŭnh tih âu gô sa lu nhôn, tơdah lu nhôn oei kơtơ̆ng nơ̆r đơ̆ng Kră Yang 'Bok Kei-Dei lu nhôn, noh lu nhôn gô lôch tơpă.

Both 4:33

Hăm tam đei minh adrĕch ayơ kơtơ̆ng nơ̆r Kră Yang 'Bok Kei-Dei pơma đơ̆ng lăm ŭnh thoi lu iĕm đei kơtơ̆ng boih mă oei arih dang ei.

Jop 22:14

Hơmơ̆l găm gom jum dăr kơ Sư na Sư ưh kơ 'bôh; Păng Sư yak rok rŏng kơpal plĕnh.”

Tơdrông Tơ'bôh 6:15

Lu bơngai ưh kơ lui tơ ala teh âu, mơ'nah pơm 'bok pơtao, mơ'nah pơm tih tơdrong nai, mơ'nah pơm tih linh, mơ'nah bơngai mơdrŏng, mơ'nah bơngai pran tih, đei mơ'nah đĭch đe, mơ'nah rơngei, đĭ lu sư hli tơrơ kơdâu ôn kơdih kơdih tơ hơgơp tơmo hơgơp teh.

Bl 18:33

Lăp Kră Yang pơma đang boih hăm Abraham, na sư tŏk tơ ti, gah Abraham wih brŏk tơ bơsŭn sư.

Lêwi 26:12

Inh gô oei tŏk-bŏk lu iĕm Inh gô jing Kră Yang 'Bok Kei-Dei lu iĕm păng lu iĕm gô jing kon pơlei pơla Inh.

Hôsia 10:8

Lu anih kơjung tơ Awen, wă khan anih đei tơdrong yoch lu bơngai Isơrael, đe gô pơrăm đĭ, 'long jơla, păng jơla bơmrôm gô chăt hro tơ kơpal chơnang soi lu sư. Kơplah noh lu sư gô khan kơ kông: Klơ̆p lê̆ nhôn bĕ păng khan kơ lu groi. Gom đơ̆p lê̆ lu nhôn bĕ!