Bl 3:18 - Sơ̆p Hlabơar Nơ̆r 'Bok Kei-Dei

¹⁸ Teh gô chăt lu jơla păng 'long bơmrôm, păng ih gô sa tơmam chăt đơ̆ng lăm mir pơgar;

Bl 3:18 Referans Kwoze

Mathiơ 13:7

Kư̆m đei mơ'nah huŏng tơ 'nhĕt jơla. Lăp 'nhĕt jơla kơjung boih jơla krênh 'ba noh.

Êsai 7:23

Lăm năr noh, tơ anih đêl đei rơbâu tơnơm 'long hơmu. Kăp sư dang tơ rơbâu sêikơl jên gô chăt 'long jơla păng 'nhĕt jơla ngăl

Jop 5:5

Lu bơngai pơngot sa đĭ dôm lu plei sư phĕ yuă. Lu sư kư̆m sa plei chăt đơ̆ng lăm rơ̆m jơla; păng lu bơngai rơhing, 'nhĕng kơ mŭk tơmam lu sư.

Hêbrơ 6:8

Mă-lei dah teh noh pơjing 'bĕnh kơ 'nhĕt jơla uh-un, teh noh ưh kơ yua kiơ, tŭk đĕch, tơpo hơtuch soh tŭk tăm. Na 'Bok Kei-Dei kư̆m pơm kơ kon bơngai bơ̆n thoi noh mơ̆n.

Je 4:3

Kră Yang khan kơ bơngai Juđa păng pơlei Jêrusalem thoi âu: “Hơmet bĕ jơhngơ̆m iĕm thoi choh mir chŭn mă đêl lê̆ bri 'nĕ kơ rei, pơtăm lăm jơla.

Êsai 32:13

'Long jơla hro chăt lăm teh mir kon pơlei pơla Inh, nhơ̆m hmoi kơ rim hnam chơt hiôk, kơ pơlei tih hơdrŭm ơ-ôs ơ-as.

Êsai 5:6

Inh gô lê̆ sư Jing bri, ưh kơ đei hơleh dơng seh hơmet sư; na 'nhĕt jơla gô chăt krênh tơm sư. Inh gô khan kơ hơmơ̆l 'nĕ pă 'mi jruh tơ pơgar noh.

Tơdrông Pơđơk 22:5

Jơla păng hơ'năk hơđong kơ trong lu bơngai pơm kơnê̆. Bu wei bơhngol sư weh ataih đơ̆ng trong noh.

Jop 31:40

Lei apinh tơm jơla chăt tơplih kơ tơm 'ba, păng 'nhĕt tơplih ăn kơ 'ba tơ'bâu. Truh dâu đĭ nơ̆r Jop.

Jôsuê 23:13

lei iĕm athei băt Kră Yang 'Bok Kei-Dei lu iĕm ưh pă puh tơweh lu adrĕch adrung âu đơ̆ng anăp lu iĕm dơ̆ng, Lei lu sư gô thoi hơnhuăl păng hơđong hơ'năk kơ lu iĕm, pơm tơnguĕt teh kơdŭ rŏng, pơm thoi hrŏng jơla trŏ măt, dĭng truh tơ lu iĕm lôch răm đĭ-đăng đơ̆ng char 'lơ̆ng rŏ mă Kră Yang 'Bok Kei-Dei hlôi ăn kơ lu iĕm.

Je 12:13

Lu sư rei boih 'ba mi mă-lei kĕch iŏk găr jơla; lu sư jang hrat mă-lei ưh kơ yua kiơ. Gô mơlâu kơ kĕch iŏk tŏ sĕt, Yua kơ Kră Yang hil kơtang tơpă.

Tơdrông Pơđơk 24:31

'Long 'nhĕt jơla jơ̆p kơ mir na sư, 'nhĕt jơla chăt 'bĕnh kơ teh. Păng dur man păng tơmo to đĭ păk boih.

Horiso 104:2

Kră Yang gom Sư kơdih hăm tơdrong hơdah, Nhen thoi minh blah ao tai Sư bơyar plĕnh thoi bơyar bơsŭn.

Horiso 90:3

Ih ăn kơ kon bơngai wih brŏk tơ 'mui teh, Ih khan: “Ơ kon bơngai, brŏk bĕ tơ 'mui teh.”

Jop 1:21

Păng khan: “Mĕ inh tơpŭ kơ inh sơ̆ akâu hoh, păng inh brŏk tơ teh kư̆m gô akâu hoh mơ̆n; Kră Yang asong ăn, Kră Yang pơdrâu iŏk dơ̆ng; trŏ bơnê kơ anăn Kră Yang!”

Rom 14:2

Pơtih gia minh 'nu bơngai lui, sư hlôh boih tơdrong 'Bok Kei-Dei na sư gơh sa tôm tơdrong tơmam sa. Minh 'nu bơngai lui nai ưh tam mă hlôh, sư sŏng sa mơh 'nhot đĕch, ưh kơ sa 'nhĕm.

Bl 3:17

Kră Yang khan kơ Ađam thoi âu: “Yua kơ ih chu nơ̆r akăn ih na sa plei 'long mă Inh khă ưh kơ ăn sa, ‘thoi noh teh gô pŭ hơngiap yua kơ ih,’ lăm chăl arih ih athei chu gleh lap na đei tơmam sa kơ ih lĕch đơ̆ng teh.

Bl 3:19

Ih athei jang lĕch đak bơuh bơang tơ klĕng ih 'mơ̆i na đei sa,d dĭng truh tơ năr ih brŏk tơ teh dơ̆ng, teh mă đêl man ih sơ̆, yua kơ ih đơ̆ng 'mui teh, ih gô brŏk tơ 'mui teh.”

Êsai 7:24

Đe gô chĕp ba hră hăm 'brơ̆m truh tơ noh yua kơ jơ̆p dêh noh 'bĕnh kơ 'long jơla 'nhĕt jơla ngăl.