Bl 3:12 - Sơ̆p Hlabơar Nơ̆r 'Bok Kei-Dei

¹² Sư tơl: “Bơngai drŏ-kăn mă Ih ăn kơ sư oei jê̆ inh noh sư ăn kơ inh sa plei 'long noh păng inh đei sa boih.”

Bl 3:12 Referans Kwoze

Tơdrông Pơđơk 28:13

Bơngai bu ôn tơdrong yoch sư ưh kơ đei pŭn hiôk; Mă-lei đei bu tơbral păng achăng lê̆ sư gô đei mơnat.

Rom 10:3

Lu sư ưh kơ băt kơ 'Bok Kei-Dei ăn kơ lu sư Yêsu, athei gơnang kơ Yêsu na gơh jing bơngai 'lơ̆ng hăm 'Bok Kei-Dei. Na 'nâu lu sư gơnang kơ akâu lu sư kiơ̆ tơdrong juăt 'Bok Kei-Dei pơkă, lu sư ưh kơ gơh klaih ôh.

Jop 31:33

Inh ưh kơ đei ôn tơdrong yoch inh thoi Ađam. Na 'bŭ ôn tơdrong yoch kơnê̆ lăm jơhngơ̆m.

Luka 10:29

Mă-lei 'bok thây noh sư ưh kơ 'mêm kơ đĭ-đăng khŭl bơngai na sư apinh Yêsu dơ̆ng: “Lu đe bu bôl buăl inh?”

Tơdrông Pơđơk 19:3

Bơngai kơwao kư̆m gô tơhiong trong sư. Mă-lei đei jơhngơ̆m sư hil kơ Kră Yang.

Bl 2:18

Kră Yang 'Bok Kei-Dei khan thoi âu: “Kon bơngai oei minh 'nu minh drô̆ ưh kơ 'lơ̆ng ôh; Inh gô pơjing ăn minh 'nu dơ̆ng wă tơgŭm sư păng hơbŏ thoi sư.”

Bl 2:22

Kră Yang 'Bok Kei-Dei yua kơting jơmir mă Sư 'nao iŏk đơ̆ng Ađam na man pơjing minh 'nu drŏ-kăn, na năm ba tơ Ađam.

Bl 2:20

Ađam anăn ăn kơ lu kon sem dơrong, lu sem păr, kư̆m anăn ăn kơ lu sem bri brah. Mă-lei gah Ađam, chă lăng ưh kơ đei bu tơgŭm sư hơbŏ thoi sư.

Bl 3:11

Kră Yang 'Bok Kei-Dei jet khan: “Bu đei tơ'bôh kơ ih băt ih akâu hoh?” Hăm trŏ kơ ih đei sa plei 'long Inh đei khă ưh kơ ăn ih sa?”

I Sam 15:15

Sôl tơl: Kon pơlei đei 'mêm rôp dui ba, lu sem dơrong mă 'lơ̆ng, triu bơbe păng rơmo đơ̆ng bơngai Amalek; dui ba sem dơrong 'lơ̆ng hloh triu păng rơmo, wă pơyơ̆r sư pơm tơmam soi ăn kơ Kră Yang 'Bok Kei-Dei ih; lu sem dơrong oei đei nhôn pơlôch pơđĭ boih.