Bl 28:1 - Sơ̆p Hlabơar Nơ̆r 'Bok Kei-Dei

¹ Isăk krao Jakôp, sơkat ăn pŭn hiôk păng pơkă khan: E lê̆ kơ iŏk akăn lu adrĕch lăm Kanaan.

Bl 28:1 Referans Kwoze

Bl 24:3

Păng inh athei ih pơkă hăm Kră Yang, jơ̆ Kră Yang 'Bok Kei-Dei plĕnh teh, ih ưh kơ chă kơ kon inh akăn minh 'nu adruh lăm char Kanaan, wă khan kon pơlei mă bơ̆n oei dang ei,

Bl 27:46

Rê'bêka khan kơ Isăk thoi âu: Inh ơh klai dêh rŏ ưh pă 'maih arih dơ̆ng, yua kơ lu kon adruh adrĕch Hêtit mă Êsâu pơm akăn. Tơdah Jakôp oei kơ lu adruh adrĕch Hêtit pơm akăn, wă khan iŏk minh 'nu lăm tơring âu thoi lu đe noh; mưh lei inh arih wă pơm kiơ?

Bl 24:37

Yŏng tơ'ngla inh krao inh păng pơkă khan: ‘Ih 'nĕ kơ chă ăn kơ kon drŏ-nglo inh akăn tơ lăm lu adruh Kanaan âu hŏ, mă dêh bơ̆n dang ei.

Bl 6:2

Lu kon tơdăm yang 'bôh kon adruh kon bơngai 'lơ̆ng hơbŏ na iŏk oei, adruh ayơ mă sư lăp đon.

Jôsuê 22:7

Môis ăn boih kơ minh puăt adrĕch Manase, teh jang sa mir 'ba tơ char Basan; Jôsuê ăn kơ minh puăt adrĕch Manase nai teh jang sa tơ gah bơmơ̆t kơ đak Krong Jôrđăn, kơplah Jôsuê ăn kơ lu sư wih brŏk tơ anih hnam kơdih na kư̆m đei sơkat ăn tơdrong pŭn hiôk

Both 33:1

'Nâu nơ̆r Môis, bơngai Kră Yang 'Bok Kei-Dei, sơkat ăn pŭn hiôk kơ kon pơlei Isơrael adrol kơ sư wă lôch.

Bl 49:28

Lu bơngai noh jing kơ̆l kơ mơjĭt-'bar adrĕch Isơrael; păng noh boih nơ̆r 'bă lu sư pơma 'bơ̆t kơplah 'bă sư sơkat wă kơ đei pŭn hiôk, hơpơi sơkat ăn pŭn hiôk kơdih kơdih rim 'nu kơ lu kon sư.

Bl 48:15

Đơ̆ng noh sư sơkat ăn kơ Jôsep đei pŭn hiôk. Apơi apinh Kră Yang 'Bok Kei-Dei 'bok inh Abraham păng 'bă inh Isăk chu yom Kră Yang 'Bok Kei-Dei mă wei rong inh đơ̆ng oei nge sơ̆ khơ̆ dang ei.

Bl 34:16

Thoi noh na nhôn gơh ăn kon adruh lu nhôn oei chă klo đơ̆ng lu iĕm păng kư̆m gơh iŏk akăn đơ̆ng lu kon adruh iĕm; na lu bơ̆n gô oei hơdai, jing minh pôm kon pơlei đĕch.

Bl 34:9

Wă kơ bơ̆n jing pô̆ 'băn, rui-ra; lu iĕm rôp ăn kơ kon adruh iĕm klo đơ̆ng nhôn, lu nhôn kư̆m rôp ăn akăn kơ kon nhôn đơ̆ng iĕm;

Bl 27:4

Na hơmet ăn kơ inh sŏng sa 'nhĕm mă 'lơ̆ng kiơ̆ kơ hơlŏng inh lăp, na pôk ăn kơ inh sŏng sa đơ̆ng noh inh gô sơkat kơ e đei tơdrong pŭn hiôk adrol kơ inh wă lôch.

Bl 24:4

mă-lei ih gô wih brŏk tơ tơring inh kơdih na chă ăn kơ Isăk akăn lăm lu kôn mon adrĕch inh.”

Bl 28:6

Êsâu 'bôh Isăk đei sơkat ăn pŭn hiôk kơ Jakôp boih păng athei Jakôp năm tơ char Phadan Aram wă kơ chă akăn đơ̆ng ei; kơplah sư sơkat wă kơ đei pŭn hiôk na pơkă hloi khan: 'Nĕ kơ chă akăn lăm lu adruh char Kanaan hŏ.

Bl 38:2

Tơ noh Juđa 'bôh minh 'nu adruh Kanaan, kon 'bok Sua, na iŏk pơm akăn, oei hloi hăm sư.

Je 29:6

Iŏk bĕ klo akăn, na pơjing kon drŏ-nglo drŏ-kăn; chă ăn bĕ kơ lu kon tơdăm iĕm akăn, ăn bĕ kơ lu kon adruh iĕm đei klo, wă kơ lu sư pơjing kon hơ'lơ̆p, drŏ-nglo dah drŏ-kăn, wă kơ đei kon sâu rai lơ tơ noh, 'nĕ pă hrŏ hiong.