Bl 26:34 - Sơ̆p Hlabơar Nơ̆r 'Bok Kei-Dei

³⁴ Kơplah Êsâu đei puăn-jĭt sơnăm, sư oei kơ Judit, kon drŏ-kăn Bêri, bơngai Hêtit; păng Basemat, kon drŏ-kăn Êlon, kư̆m bơngai Hêtit.

Bl 26:34 Referans Kwoze

Bl 36:2

Êsâu chă akăn oei kơ lu adruh lăm char Kanaan, anăn Adah, kon adruh Êlon, bơngai Hêtit; Ohôlibama kon adruh Ana, sâu Sibêôn, gah mĕ sư bơngai Hêwit.

Le 34:16

Na ih 'nĕ rôp akăn kơ lu kon drŏ-nglo ih, kon adruh lu sư gô pơm kư̆ kă hăm yang lu sư, đơ̆ng noh pơhlŭ kon tơdăm ih kư̆m pơm kư̆ kă kiơ̆ yang lu sư mơ̆n.

Bl 36:13

Âu kon drŏ-nglo Rêuel, Nahat, Sêrat, Sama păng Misa. Noh sâu Basemat, kư̆m akăn Êsâu.

Bl 36:5

Gah Ohôlibama tơpŭ kơ Jêrus, Jalam păng Kôra. Noh kon drŏ-nglo Êsâu mă tơpŭ lăm char Kanaan.

Bl 28:9

Na sư năm tơ hnam Ismael oei dơ̆ng kơ Mahalat pơm akăn, 'nguaih kơ 'bar 'nu akăn sư đei oei boih. Adruh âu kon Ismael sâu Abraham păng oh Nêbaôt.

Bl 24:3

Păng inh athei ih pơkă hăm Kră Yang, jơ̆ Kră Yang 'Bok Kei-Dei plĕnh teh, ih ưh kơ chă kơ kon inh akăn minh 'nu adruh lăm char Kanaan, wă khan kon pơlei mă bơ̆n oei dang ei,

Hêbrơ 12:16

Iĕm athei kơchăng, wă kơ lơ̆m lu iĕm huay kơ đei bu ngôi pơyô kư̆ kă, dah pơhơi tơdrong 'Bok Kei-Dei thoi Êsâu sơ̆. Sư tĕch đĭ dôm mŭk tơmam mă 'bă sư wă ăn kơ sư yua kơ sư kon kơdră, mă sư tĕch pơđĭ kơ oh sư lăp minh 'măng sa đĕch.

I Kor 7:2

Mă-lei tơ pơlei iĕm đei lơ bơngai juăt kơ ngôi pơyô kư̆ kă, na inh wă kơ lu iĕm athei chă kơdih akăn, lu drŏ-kăn athei chă kơdih klo.

Bl 27:46

Rê'bêka khan kơ Isăk thoi âu: Inh ơh klai dêh rŏ ưh pă 'maih arih dơ̆ng, yua kơ lu kon adruh adrĕch Hêtit mă Êsâu pơm akăn. Tơdah Jakôp oei kơ lu adruh adrĕch Hêtit pơm akăn, wă khan iŏk minh 'nu lăm tơring âu thoi lu đe noh; mưh lei inh arih wă pơm kiơ?

Bl 28:8

Sư băt kơ 'bă sư Isăk ưh kơ lăp đon lu adruh Kanaan.

I Sam 26:6

Đawit jet Ahimelek, bơngai Hêtit păng Abisai kon drŏ-nglo Sêruia, oh Jôap: Bu 'maih năm hăm inh jur năm tơ anih Sôl? Abisai tơl: Inh gô năm jur hăm ih.