Bl 26:11 - Sơ̆p Hlabơar Nơ̆r 'Bok Kei-Dei

¹¹ Abimêlek hloi tơbăt ăn kơ đĭ-đăng kon tơring thoi âu: “Dah bu đei hơtŭt 'bơm bơngai âu, dah akăn sư, gô rôp pơlôch.”

Bl 26:11 Referans Kwoze

Horiso 105:15

Sư khan: “'Nĕ kơ hơtŭt 'bơm kơ lu bơngai mă inh đei tuh đak 'bâu phu, 'nĕ pơrăm lu bơngai khan lê̆ adrol Inh.”

Bl 20:6

Lăm sư apo 'bôh, Kră Yang 'Bok Kei-Dei khan dơ̆ng thoi âu: “Inh kư̆m băt kơ ih yua kơ jơhngơ̆m tơpăt na pơm tơdrong noh; yua kơ thoi ei, na Inh găn ih hli kơ ih pơm yoch păng Inh; Inh ưh kơ wă kơ ih hơtŭt 'bơm bơngai noh.

Tơdrông Pơđơk 6:29

Bơngai mă ngôi pơyô hăm akăn đe sư kư̆m thoi noh; Bơngai bu hơtŭt 'bơm kơ drŏ-kăn noh ưh kơ klaih ôh kơ phak.

Sa 2:8

Yua kơ Kră Yang Tih Hloh khan: “Đơ̆ng rŏng kơ tơdrong ư-ang; na Sư wơh inh năm blah lu teh đak pơgŏ lu iĕm; yua kơ tơdah bu hơtŭt 'bơm lu iĕm, noh kư̆m thoi hơtŭt 'bơm kơ kon-ngai lăm măt Sư.

Bl 26:12

Isăk choh jang lăm tơring noh; sơnăm noh sư đei kĕch yuă iŏk lơ hloh kơ adrol hrĕng wơ̆t, yua kơ Kră Yang ăn đei tơdrong pŭn hiôk.