Bl 24:8 - Sơ̆p Hlabơar Nơ̆r 'Bok Kei-Dei

⁸ Tơdah ưh kơ đei adruh ayơ wă chu kiơ̆, ih kư̆m huay kơ tơwŏk kơ nơ̆r mă inh athei ih pơkă âu ôh, mă khan thoi yơ hĭ, kư̆m 'nĕ kơ chông kon tơdăm inh năm tơ noh.”

Bl 24:8 Referans Kwoze

Jo 30:8

Mă-lei dah klo sư băt tơdrong noh, na khă sư, thoi noh nơ̆r sư pơkă noh ưh pă sĭt, gô hiong tôch mă nơ̆r ayơ sư pơma 'bơm ưh kơ đei tơchĕng đơ̆ng 'bơ̆r sư, yua kơ noh na sư chu pŭ, na Kră Yang gô mơnat ăn kơ sư.

Jo 30:5

Tơdah 'bă sư kơtơ̆ng na khă hloi kon sư 'bơ̆t sư băt lei na nơ̆r kon sư pơkă pơkăm noh kon sư huay pă pŭ boih. Kră Yang gô mơnat kơ sư yua kơ 'bă sư khă găn.

Jang 7:2

'Bok Êtien khan thoi âu: “Ơ đe 'nhŏng oh lu 'bok kră pơgơ̆r dêh bơ̆n, apinh iĕm mơ̆ng inh pơma 'biơ̆ bĕ. Tơ'ngla mơsêh mơyang 'Bok Kei-Dei năm tơ Abraham mă 'bok kră bơ̆n sơ̆ lăp Abraham oei tơ dêh Mesôpôtôme, hơdrol kơ sư wă năm oei tơ Pơlei Haran.

Yo 8:32

Na iĕm gô băt tơdrong 'Bok Kei-Dei tơpă, thoi noh na iĕm gô rơngei.”

Jôsuê 9:20

'Nâu lu bơ̆n athei pơm kơ lu sư thoi âu: Ăn kơ lu sư oei arih, lei Kră Yang huay kơ hil mĭl kơ bơ̆n. Yua kơ lu bơ̆n đei pơkă pơkăm hăm lu sư boih.

Bl 24:41

Thoi noh, dah ih truh tơ hnam adrĕch adrung inh, na mă lu sư ưh kơ chu ăn oei, lei ih huay pă pŭ nơ̆r mă ih đei pơkă hăm inh trăp tơpă noh.’