Bl 24:60 - Sơ̆p Hlabơar Nơ̆r 'Bok Kei-Dei

⁶⁰ Lu sư sơkat pŭn hiôk kơ Rê'bêkad thoi âu: “Oh drŏ-kăn inh, hơpơi kơ oh jing Mĕ kơ rơbâu hơngan 'nu bơngai păng ăn kơ lu adrĕch adrung oh gô jing pran blah iŏk lu pơlei tih đơ̆ng lu ayăt.”

Bl 24:60 Referans Kwoze

Bl 22:17

Gô tuh ăn pŭn hiôk kơ ih, thim ăn kơ ih đei adrĕch adrung lơ thoi sơnglŏng tơ plĕnh ti, kư̆m thoi chuơh đak dơsĭ păng adrĕch adrung noh blah iŏk kơđông lu ayăt.

Bl 17:16

Inh gô ăn pŭn hiôk kơ sư, đơ̆ng sư Inh gô ăn kơ ih minh 'nu kon drŏ-nglo. Inh ăn kơ sư đei pŭn hiôk, sư gô pơm mĕ kơ lơ adrĕch adrung; wă kơ đơ̆ng sư jing đei lơ dêh char păng dôm lu pơtao gô lĕch đơ̆ng sư.”

Bl 28:3

Apơi apinh Kră Yang 'Bok Kei-Dei mơsêh mơyang ăn tơdrong pŭn hiôk kơ e, ăn kơ e pơjing hơ'lơ̆p rai lơ, wă kơ jing minh adrĕch adrung tih kơdrâ̆m.

Bl 9:1

Kră Yang 'Bok Kei-Dei ăn pŭn hiôk kơ Nôê păng lu kon drŏ-nglo sư, Sư khan thoi âu: “Athei pơjing adrĕch adrung hrôh ngôh rai lơ dĭng 'bĕnh-'bang kơpal teh.

Bl 1:28

Kră Yang 'Bok Kei-Dei ăn pŭn hiôk kơ kon bơngai păng khan thoi âu: “Athei pơjing chek lar rai lơ, wă kơ 'bĕnh jơ̆p kơ teh; athei pơm ăn kơ teh đak chu yom, athei pơgơ̆r lu ka lăm đak dơsĭ, khŭl sem păr kơpal plĕnh păng đĭ-đăng kon sem brem adrŏ kơpal teh.”

Lêwi 25:46

Lu iĕm wei sư pơm tơmam thoi kon drŏ-nglo iĕm. Wei sư thoi bơngai đĭch đam ling-lang, mă-lei tơduă 'nhŏng oh iĕm bơngai Isơrael ưh kơ gơh pơjuă pơđep băl.

Bl 48:20

Lăm năr noh sư sơkat ăn pŭn hiôk kơ 'bar 'nu sâu sư 'nei păng khan thoi âu: Yua anăn Ih na kon pơlei Isơrael hơpơi băl đei pŭn hiôk thoi âu: Apinh Kră Yang 'Bok Kei-Dei pơm ăn kơ ih thoi Êphraim păng Manase. Thoi noh, Jakôp pôk Êphraim, adrol kơ Manase.

Da 7:10

Đơ̆ng 'bơ̆t anăp sư, đei glung ŭnh ro tơ jơ̆p-jang; rơbâu hơngan linh jang awih awăn kơ sư păng rơbâu hơngan kon bơngai dơ̆ng 'bơ̆t anăp sư. Tơdrong sek tơlang hơmet lê̆ boih păng đe kư̆m pơih lu sơ̆p hla bơar.

Both 21:19

na mĕ 'bă athei rôp dui chông ba sư truh tơ lu kră pơlei, tơ anih 'măng jang pơlei.

Bl 14:19

Sư sơkat ăn kơ Abram đei pŭn hiôk thoi âu: “Apinh Kră Yang 'Bok Kei-Dei mă tih hloh, Kră Yang Tơ'ngla pơjing plĕnh teh, ăn tơdrong pŭn hiôk kơ Abram!

Bl 24:61

Rê'bêka păng lu bơngai awih awăn kơ sư iung, tŏk aseh lăk-đa, kiơ̆ hloi đam noh, thoi noh đam noh chông Rê'bêka năm.

Bl 32:1

Jakôp oei năm rok trong, đei linh jang 'lơ̆ng Kră Yang 'Bok Kei-Dei tơ'bơ̆p sư.

Je 29:6

Iŏk bĕ klo akăn, na pơjing kon drŏ-nglo drŏ-kăn; chă ăn bĕ kơ lu kon tơdăm iĕm akăn, ăn bĕ kơ lu kon adruh iĕm đei klo, wă kơ lu sư pơjing kon hơ'lơ̆p, drŏ-nglo dah drŏ-kăn, wă kơ đei kon sâu rai lơ tơ noh, 'nĕ pă hrŏ hiong.