Bl 24:35 - Sơ̆p Hlabơar Nơ̆r 'Bok Kei-Dei

³⁵ Kră Yang đei ăn kơ yŏng tơ'ngla inh pŭn hiôk dêh, jing keh 'lơ̆ng; Kră Yang ăn kơ sư đei triu, Rơmo, hu hăm jên maih, đĭch đam drŏ-nglo drŏ-kăn, aseh lăk-đa hăm aseh iĕ.

Bl 24:35 Referans Kwoze

Bl 24:1

Abraham kră boih, sơnăm đĭ lơ, lăm tôm tơdrong Kră Yang đei ăn pŭn hiôk kơ sư.

Bl 13:2

Abram mơdrŏng dêh, đei lơ sem dơrong, đei hu, maih.

Tơdrông Pơđơk 10:22

Pŭn hiôk đơ̆ng Kră Yang ba ăn mơdrŏng; Sư ưh kơ đei thim tơdrong sơ'ngon ôh.

Horiso 107:38

Kră Yang 'Bok Kei-Dei ăn tơdrong pŭn hiôk kơ lu sư, lu kon pơlei rai hrôh. Sư ưh kơ đei ăn kơ kon sem dơrong lu sư hrŏ hiong,

Mathiơ 6:33

Thoi noh na iĕm athei ăn kơ Sư pơgơ̆r iĕm, hăm adrin pơm 'lơ̆ng thoi Sư wă, noh kăl hloh kơ dôm tơdrong nai; pơm thoi noh na Sư gô ăn kơ iĕm tôm tơmam iĕm kăl yua.

Horiso 18:35

Kră Yang ăn kơ inh khêl tơdrong dŏng pơklaih;d Ti gah 'ma Ih tơiung inh, Đơ̆ng tơdrong Ih dŏng na inh jing tih mơng.

Bl 25:11

Đơ̆ng rŏng kơ Abraham lôch, Kră Yang 'Bok Kei-Dei tuh ăn tơdrong pŭn hiôk kơ Isăk mă kon drŏ-nglo sư mă oei jê̆ sơlŭng đak Lahairoi.

Bl 12:2

Inh gô ăn kơ ih jing minh adrĕch adrung tih, Inh gô ăn kơ ih pŭn hiôk, đe kư̆m gô ư-ang kơ ih, păng ih gô jing tơm kơ tơdrong pŭn hiôk,

I Tim 4:8

Bơ̆n pơhrăm pơtơ̆p wă kơ jơhngơ̆m pran kư̆m kăl yua ră mơ̆n, mă-lei ưh kơ dang tơdrong 'Bok Kei-Dei. Bơ̆n pơhrăm tơdrong 'Bok Kei-Dei kăl yua tơpă kơ bơ̆n. Bơ̆n pơhrăm tơdrong Sư bơ̆n arih hiôk dang ei păng gô arih hiôk ling-lang ning-mônh.

Horiso 112:3

Mŭk măk păng mơdrŏng oei lăm hnam Sư. Păng tơdrong tơpăt Sư oei oei ling-lang.

Jop 1:3

Jop đei tơpơh-rơbâu tŏ triu, pêng-rơbâu tŏ aseh lăk-đa, pơđăm-hrĕng hơgrop rơmo choh, pơđăm-hrĕng tŏ aseh iĕ akăn păng đei đĭch đam lơ; sư mơdrŏng hloh kơ đĭ-đăng bơngai lăm dêh char gah Hơlĕch.

Bl 49:25

Kră Yang 'Bok Kei-Dei đơ̆ng 'bă gô tơgŭm e; Kră Yang mơsêh mơyang gô ăn pŭn hiôk kơ e, Wă khan tơdrong pŭn hiôk jruh đơ̆ng plĕnh. Hăm tơdrong pŭn hiôk jruh đơ̆ng anih jrŭ. Tơdrong pŭn hiôk đơ̆ng toh păng đơ̆ng lăm klak mĕ.

Bl 12:16

Yua kơ drŏ-kăn noh, na Pharaôn sơng iŏk Abram hiôk 'lơ̆ng păng ăn kơ Abram đei lơ triu, rơmo aseh tơno, aseh akăn, lăk-đa, đĭch drŏ-nglo, đam drŏ-kăn.

Tơdrông Pơđơk 22:4

Tơdrong apah kơ bơngai iŏk đon ala, păng hli yom kơ Kră Yang. Noh tơdrong mơdrŏng, tơdrong arih păng đe pơyom.

Luka 12:45

Mă-lei dah bơngai kai noh tơchĕng lăm to sư kơdih khan: Yŏng inh wă wih oei đunh, na bơngai kai noh chă tôn teh lu bôl buăl sư mă drŏ-nglo drŏ-kăn, na sư sa et tơ̆p suai,

Bl 12:3

Inh gô ăn pŭn hiôk kơ bu mă sơkat kơ ih pŭn hiôk. Inh gô hiap pơtê̆ bơngai bu mă hiap pơtê̆ ih; păng đĭ-đăng adrĕch adrung kon bơngai kơpal teh âu gô đei pŭn hiôk đơ̆ng ih.”

Bl 25:5

Abraham ăn kơ Isăk đĭ-đăng mŭk sư.

Bl 30:43

Yua kơ thoi noh sư mă mơdrŏng dêh, đei lơ sem dơrong, đĭch drŏ-nglo, đam drŏ-kăn, lăk-đa păng aseh iĕ.